હવે વધુ ઝડપે દોડશે ભારત, 7 નવા બુલેટ ટ્રેન કોરિડોર મંજૂર : અશ્વિની વૈષ્ણવે જણાવ્યું કેવી રીતે થશે હાઇ-સ્પીડ રેલ નેટવર્કનો વિસ્તાર

7 New Bullet Train Corridors Approved: ભારતના હાઇ-સ્પીડ રેલ નેટવર્કને મોટો બૂસ્ટ મળ્યો છે. કેન્દ્ર સરકારે દેશભરમાં 7 નવા બુલેટ ટ્રેન કોરિડોરને મંજૂરી આપી દીધી છે. આનાથી અગ્રણી શહેરો વચ્ચે મુસાફરીના સમયમાં મોટો ઘટાડો થશે અને રેલ કનેક્ટિવિટીને નવી ગતિ મળશે. રેલ મંત્રી અશ્વિની વૈષ્ણવે જણાવ્યું કે આ હાઇ-સ્પીડ રેલ પ્રોજેક્ટ્સ પૂર્ણ થયા બાદ દેશના ઘણા મોટા શહેરો વચ્ચેની મુસાફરી માત્ર ગણતરીના કલાકોમાં જ પૂરી કરી શકાશે.

કેન્દ્રીય કર્મચારીઓ માટે ડબલ ખુશખબર! : સપ્ટેમ્બરમાં DA વધારો; 8મા પગાર પંચથી પણ મોટી આશા, ક્યારે થશે DA વધારાનો અંતિમ નિર્ણય?

આ છે 7 નવા બુલેટ ટ્રેન કોરિડોર

• મુંબઈ-પુણે: 48 મિનિટ

• બેંગલુરુ-ચેન્નઈ: 1 કલાક 13 મિનિટ

• બેંગલુરુ-હૈદરાબાદ: 2 કલાક 10 મિનિટ

• પુણે-હૈદરાબાદ: 2 કલાક 8 મિનિટ

• દિલ્હી-લખનૌ: 2 કલાક

• દિલ્હી-વારાણસી: 3 કલાક 15 મિનિટ

• દિલ્હી-સિલીગુડી: 6 કલાક

આ કોરિડોર શરૂ થવાથી લાંબા અંતરની મુસાફરી પહેલા કરતાં ઘણી ઝડપી અને સુવિધાજનક બની જશે.

Gold Silver Price Today : સોનામાં રૂ.3,650 અને ચાંદીમાં રૂ.10,000નો કડાકો, જાણો આજનો લેટેસ્ટ દર

બિહારને મળશે 200થી વધુ નવી ટ્રેનો

આ દરમિયાન શુક્રવારે રેલ મંત્રી અશ્વિની વૈષ્ણવ અને બિહારના નાયબ મુખ્યમંત્રી સમ્રાટ ચૌધરીએ છપરા જંકશન અને આનંદ વિહાર ટર્મિનલ વચ્ચે નવી સાપ્તાહિક ટ્રેન સેવાનું ઉદ્ઘાટન કર્યું હતું. કાર્યક્રમ દરમિયાન વૈષ્ણવે વર્ચ્યુઅલ માધ્યમથી મઉથી દિલ્હી અને ઝહીરઘાટથી વારાણસી વચ્ચે બે નવી ટ્રેન સેવાઓને પણ લીલી ઝંડી બતાવી હતી. જનસભાને સંબોધતા રેલ મંત્રીએ જણાવ્યું કે આગામી 7 થી 8 વર્ષમાં બિહારને 200થી વધુ નવી ટ્રેનો મળશે. તેમણે ઉમેર્યું કે રાજ્યમાં હાલમાં 1.15 લાખ કરોડ રૂપિયાથી વધુના રેલ્વે પ્રોજેક્ટ્સ પર કામ ચાલી રહ્યું છે અને બિહાર રેલ્વે ઇન્ફ્રાસ્ટ્રક્ચરના ક્ષેત્રમાં અભૂતપૂર્વ વિકાસ જોઈ રહ્યું છે.

દિલ્હી-વારાણસી-પટના બુલેટ ટ્રેન કોરિડોરને મંજૂરી

અશ્વિની વૈષ્ણવે એ પણ જાહેરાત કરી કે દિલ્હી-વારાણસી-પટના બુલેટ ટ્રેન કોરિડોરને મંજૂરી મળી ગઈ છે. તેમના જણાવ્યા અનુસાર, આ હાઇ-સ્પીડ રેલ લાઇન શરૂ થયા બાદ પટનાથી દિલ્હીની મુસાફરીનો સમય ઘટીને માત્ર 4 કલાક 41 મિનિટ રહી જશે. તેમણે કહ્યું કે ભવિષ્યમાં આ કોરિડોરને સિલીગુડી સુધી લંબાવવાની પણ યોજના છે, જેનાથી પૂર્વ ભારતની કનેક્ટિવિટી વધુ મજબૂત બનશે.

PF ખાતાધારકો માટે સારા સમાચાર : સરકારની મંજૂરી બાદ 8.25% વ્યાજ જમા કરવાની પ્રક્રિયા શરૂ

મુંબઈ-અમદાવાદ બુલેટ ટ્રેન પ્રોજેક્ટ પર ઝડપી કામગીરી

ભારતના પ્રથમ બુલેટ ટ્રેન પ્રોજેક્ટની સત્તાવાર શરૂઆત વર્ષ 2017માં થઈ હતી. 508 કિલોમીટર લાંબો મુંબઈ-અમદાવાદ હાઇ-સ્પીડ રેલ કોરિડોર જાપાનના ટેકનિકલ અને નાણાકીય સહયોગથી વિકસાવવામાં આવી રહ્યો છે. જાપાનની પ્રખ્યાત 'શિન્કાન્સેન', જેને સામાન્ય રીતે 'બુલેટ ટ્રેન' કહેવામાં આવે છે, તેને ભારતના હાઇ-સ્પીડ રેલ નેટવર્કનો પાયો માનવામાં આવે છે. સરકારનું માનવું છે કે નવા કોરિડોરની મંજૂરીથી દેશમાં ઝડપી, સુરક્ષિત અને આધુનિક રેલ મુસાફરીના નવા યુગની શરૂઆત થશે.