બજેટ પહેલાં જ આ YAMAHAની આ બાઈક થઈ ગઈ સસ્તી : જાણો કેમ

સામાન્ય બજેટ રજૂ થાય તે પહેલાં જ યામાહા મોટર્સ ઈન્ડિયાએ તેમની બાઈકની કિંમતોમાં ધરખમ ઘટાડો કર્યો છે. આ બ્રાન્ડની બે મોટરસાઈકલની કિંમતમાં એક લાખ રૂપિયાથી વધુનો ઘટાડો થયો છે. યામાહાની બે બાઈક R3 અને MT-03 છે. આ બંને બાઇક સંપૂર્ણ રીતે વિદેશમાં બનાવવામાં આવી છે, જેના કારણે આ મોડલ્સની કિંમત ઘણી વધારે છે. યામાહાની આ બે બાઈક કાવાસાકી, એપ્રિલિયા અને KTMની બાઈક્સને ટક્કર આપે છે.

Yamaha R3ની નવી કિંમત
ભારતીય બજારમાં 4.65 લાખ રૂપિયાની કિંમત સાથે ઉપલબ્ધ છે. પરંતુ હવે કંપનીએ આ કિંમતમાં 1.05 લાખ રૂપિયાનો ઘટાડો કર્યો છે. હવે Yamaha R3ની નવી કિંમત 3.60 લાખ રૂપિયા થઈ છે. યામાહાની આ બાઇક Aprilia RS 457ની હરીફ છે, જેની કિંમત 4.20 લાખ રૂપિયા છે. Yamaha R3ની કિંમતમાં ઘટાડો થવાને કારણે, તે હવે Aprilia મોડલ કરતાં ઘણી સસ્તી થઈ ગઈ છે.

Kawasaki Ninja 300નું નામ પણ Yamaha R3ના હરીફોમાં છે. આ બાઇકની કિંમત 3.43 લાખ રૂપિયા છે. KTM RC 390 પણ આ સેગમેન્ટમાં આવે છે, જેની કિંમત 3.21 લાખ રૂપિયા છે. 1 લાખથી વધુની કપાત બાદ પણ તે કાવાસાકી અને KTM મોડલ કરતાં મોંઘી છે.

Yamaha MT-03ની કિંમત 1.10 લાખ રૂપિયા કરવામાં આવી છે. આ યામાહા મોટરસાઈકલની કિંમત હવે 3.50 લાખ રૂપિયા થઈ ગઈ છે. ભારતીય બજારમાં આ બાઇકની હરીફ KTM 390 Duke અને Aprilia Tuono 457 છે. KTM 390 Dukeની કિંમત 3.13 લાખ રૂપિયા અને Aprilia Tuono 457ની કિંમત લગભગ 4 લાખ રૂપિયા છે.

આ બંને યામાહા મોટરસાઇકલની આ નવી કિંમતો 1 ફેબ્રુઆરી, 2025થી લાગુ થશે. આ બંને મોટરસાઈકલના એન્જિન સમાન છે. પરંતુ આ બાઇકની ડિઝાઇન અલગ છે. આ સાથે, રાઇડરની સીટની સાઈઝમાં પણ ઘણો તફાવત જોઈ શકાય છે.