શું વેક્સિનની અસર ખતમ થઈ ગઈ કે ઓછી થઈ ગઈ રોગપ્રતિકારક શક્તિ... : શું ભારતમાં કેમ ફેલાવા લાગ્યો છે કોરોના?

Corona Outbreak: સમગ્ર વિશ્વમાં ફરી એકવાર કોરોનાનો ભય વધ્યો છે. થાઇલેન્ડ-સિંગાપોર જેવા દક્ષિણ પૂર્વ એશિયાઈ દેશોમાં તેના કેસ ઝડપથી વધી રહ્યા છે. ભારતમાં પણ કોરોનાના કેસોમાં વધારો જોવા મળી રહ્યો છે. અહેવાલ મુજબ ભારતના આરોગ્ય અધિકારીઓ ઘણા રાજ્યોમાં કોરોનાના કેસોમાં વધારા પર નજીકથી નજર રાખી રહ્યા છે. ભલે પહેલા લહેરોના મુકાબલે કૂલ રાષ્ટ્રીય સંખ્યા ઓછી છે, પરંતુ ચેન્નાઈ, મુંબઈ અને અમદાવાદ જેવા શહેરોમાં તેના કેસ વધી રહ્યા છે.

કોરોનાના વધતા કેસ
અહેવાલ મુજબ અત્યાર સુધીમાં એકલા મુંબઈમાં જ કોરોનાના 95 કેસ નોંધાયા છે. રાજ્યના આરોગ્ય વિભાગ અનુસાર, આ આશ્ચર્યજનક છે કારણ કે જાન્યુઆરીથી મહારાષ્ટ્રમાં ફક્ત 106 કેસ નોંધાયા છે. હાલમાં ઓછામાં ઓછા 16 કોરોના ચેપગ્રસ્ત દર્દીઓ હોસ્પિટલમાં દાખલ છે. જ્યારે, વધુ ચેપ અટકાવવા માટે કેટલાક દર્દીઓને KEM હોસ્પિટલથી સેવન હિલ્સ હોસ્પિટલમાં ટ્રાન્સફર કરવામાં આવી રહ્યા છે. અધિકારીઓએ શ્વસન સમસ્યાઓ અને ઈન્ફલ્યુએન્ઝા ધરાવતા દર્દીઓનું કોરોના પરીક્ષણ પણ શરૂ કર્યું છે.

કેવ વધી રહ્યા છે કોરોના કેસ?
કોરોનાના કેસ કેમ વધી રહ્યા છે? અહેવાલ મુજબ કોરોના વાયરસના કેસોમાં તાજેતરના વધારાનું મુખ્ય કારણ તેના સબવેરિયન્ટ્સની વધતી જતી ચેપીતા અને વસ્તીમાં ધીમે ધીમે ઘટતી રોગપ્રતિકારક શક્તિ છે. જ્યારે અડધાથી વધુ લોકો અગાઉના ચેપ અને રસીકરણ દ્વારા વાયરસના સંપર્કમાં આવ્યા છે. તે રોગપ્રતિકારક શક્તિથી રક્ષણ સમય જતાં ઘટી રહ્યું છે.

ભારતમાં કોરોના વાયરસ
સિંગાપોરમાં 3 મે 2025 ના રોજ સપ્તાહના અંતે કોરોના ચેપમાં 28 ટકાનો વધારો નોંધાયો હતો. જ્યારે હોંગકોંગમાં પણ પોઝિટિવ ટેસ્ટમાં ઝડપી વધારો થયો હતો, જે 4 અઠવાડિયામાં 6.21 ટકાથી વધીને 13.66 ટકા થયો હતો. આ નવા પ્રકારનો ઝડપી ફેલાવો થવાનો સંકેત છે.

નિષ્ણાતો માને છે કે કોવિડ ચેપ વધવા પાછળના કારણો રોગપ્રતિકારક શક્તિમાં ઘટાડો, અગાઉના રસીકરણની ઓછી અસરકારકતા, સલામતી પ્રોટોકોલમાં છૂટછાટ અને સામાજિક સંપર્કમાં વધારો છે. ભારતમાં હાલમાં મોટાભાગના કેસ હળવા છે. અત્યાર સુધી આના કારણે કોઈ મૃત્યુ કે ICU કેસ નોંધાયા નથી.