Five Oldest Players Who Play In The ICC T20 World Cup 2026 : ભારત અને શ્રીલંકાના સંયુક્ત યજમાનીમાં ICC મેન્સ T20 વર્લ્ડ કપ 2026 ની શરૂઆત 7 ફેબ્રુઆરીથી થવાની છે. આ વખતે ટૂર્નામેન્ટમાં સિનિયર ખેલાડીઓનો અનુભવ જોવા મળશે. ભલે T20 ક્રિકેટને યુવા ખેલાડીઓ માટેનું ફોર્મેટ માનવામાં આવે છે, પરંતુ આ T20 વર્લ્ડ કપની ઘણી ટીમોમાં કેટલાક 'સિનિયર' ખેલાડીઓ પણ રમતા જોવા મળશે. ઘણા ખેલાડીઓ 7 ફેબ્રુઆરીથી T20 વર્લ્ડ કપમાં આ ખેલાડીઓ જે ઉંમરે રમશે તે ઉંમર સુધી અમુક ખેલાડીઓ રિટાયરમેન્ટ લઈ લે છે. છેલ્લા કેટલાક વર્ષોમાં, તે સ્પષ્ટ થઈ ગયું છે કે, T20 ક્રિકેટમાં ફક્ત તે જ ટીમો સફળ થાય છે, જેમાં યુવા ખેલાડીઓ અને સિનિયર ખેલાડીઓનું કોમ્બિનેશન યોગ્ય હોય.
2026 ના T20 વર્લ્ડ કપમાં રમનારા 5 સૌથી મોટી ઉંમરના ખેલાડીઓ
Brendan Taylor (ઝિમ્બાબ્વે) - 40
ઝિમ્બાબ્વેના અનુભવી વિકેટકીપર-બેટ્સમેન બ્રેન્ડન ટેલર પર પ્રતિબંધ પૂર્ણ થયા પછી ઇન્ટરનેશનલ ક્રિકેટમાં શાનદાર કમબેક કર્યું છે. ટેલર વર્લ્ડ કપ શરૂ થવાના એક દિવસ પહેલા, 6 ફેબ્રુઆરીએ પોતાનો 40 મો જન્મદિવસ ઉજવશે. તેમણે અત્યાર સુધીમાં T20I મેચોમાં કુલ 1,185 રન બનાવ્યા છે, જેમાં 6 અડધી સદી અને 1 સદીનો સમાવેશ થાય છે.
Mohammad Nabi (અફઘાનિસ્તાન) - 41 વર્ષ
અફઘાનિસ્તાનના દિગ્ગજ ઓલરાઉન્ડર મોહમ્મદ નબી 1 જાન્યુઆરી, 2026 ના રોજ 41 વર્ષના થયા છે. મોહમ્મદ નબી 2010 માં અફઘાનિસ્તાનના પહેલા T20 વર્લ્ડ કપનો ભાગ હતા અને ટીમનું નેતૃત્વ પણ કર્યું છે. તેમણે અત્યાર સુધીમાં 147 T20I મેચ રમી છે, જેમાં 2,430 રન બનાવ્યા છે અને 104 વિકેટ લીધી છે.
Roelof van der Merwe (નેધરલેન્ડ) - 41 વર્ષ
સાઉથ આફ્રિકા અને નેધરલેન્ડ બંને માટે ઇન્ટરનેશનલ ક્રિકેટ રમી ચૂકેલા Roelof van der Merwe 31 ડિસેમ્બર, 2025 ના રોજ 41 વર્ષના થશે. આ ઓલરાઉન્ડરે 67 T20I મેચોમાં 561 રન બનાવ્યા છે અને 74 વિકેટ લીધી છે. તેની બોલિંગ એવરેજ 18.85 છે અને તેનો ઇકોનોમી રેટ 6.51 છે.
Wayne Madsen (ઇટાલી) - 42
ઇટાલીના કેપ્ટન Wayne Madsen 2 જાન્યુઆરી, 2026 ના રોજ 42 વર્ષના થયા છે. ડરબનમાં જન્મેલા Wayne Madsen અત્યાર સુધીમાં ફક્ત 7 T20I મેચ રમ્યા છે. Wayne Madsen એ અત્યાર સુધી 205 રન બનાવ્યા છે, જેમાં 2 અડધી સદીનો સમાવેશ થાય છે.
Mohammad Nadeem (ઓમાન) - 43 વર્ષ
ઓમાનની કેપ્ટનશીપ કરી ચૂકેલા Mohammad Nadeem 2026 ના T20 વર્લ્ડ કપમાં સૌથી મોટી ઉંમરના ખેલાડી બનશે. 43 વર્ષીય ખેલાડીનો જન્મ પાકિસ્તાનના સિયાલકોટમાં થયો હતો. Mohammad Nadeem એ 70 T20I મેચ રમી છે, જેમાં 805 રન બનાવ્યા છે અને 40 વિકેટ લીધી છે.
