ભારતની ચિંતા વધારનારો ટેરિફ : આજથી લાગુ

વ્હાઇટ હાઉસે મંગળવારે જણાવ્યું હતું કે રાષ્ટ્રપતિ ડોનાલ્ડ ટ્રમ્પ દ્વારા 2 એપ્રિલે જાહેર કરાયેલ ટેરિફ તાત્કાલિક અમલમાં આવશે, જ્યારે ઓટો ટેરિફ 3 એપ્રિલે નિર્ધારિત મુજબ લાગુ કરવામાં આવશે.

વ્હાઇટ હાઉસના પ્રેસ સચિવ કેરોલિન લેવિટે પત્રકારોને જણાવ્યું હતું કે રાષ્ટ્રપતિ ટ્રમ્પ મંગળવારે તેમના વેપાર સલાહકારો સાથે ટેરિફ યોજનાને અંતિમ સ્વરૂપ આપવામાં વ્યસ્ત છે. "મારી શ્રેષ્ઠ જાણકારી મુજબ, આવતીકાલે ટેરિફની જાહેરાત કરવામાં આવશે", "લેવિટે કહ્યું".

કેરોલિન લેવિટે જણાવ્યું
રાષ્ટ્રપતિ ટ્રમ્પ તેમની વેપાર અને ટેરિફ ટીમ સાથે અમેરિકન કામદારો માટે વધુ સારી ડીલ સુરક્ષિત કરવા માટે કામ કરી રહ્યા છે, તેમ પ્રેસ સેક્રેટરી કેરોલિન લેવિટે જણાવ્યું હતું. તેમણે કહ્યું કે વધુ માહિતી 24 કલાકમાં ઉપલબ્ધ થશે. લેવિટે એવો પણ સંકેત આપ્યો હતો કે ટ્રમ્પ એવા દેશો અને કંપનીઓ સાથે વાટાઘાટો કરવા તૈયાર છે જે નીચા દર ઇચ્છે છે અને ઘણા દેશોએ પહેલાથી જ રાષ્ટ્રપતિનો સંપર્ક કર્યો છે.

"રાષ્ટ્રપતિ હંમેશા નિર્ણયો લેવા અને વાટાઘાટો કરવા માટે તૈયાર હોય છે, પરંતુ તેઓ અમેરિકન કામદારોને યોગ્ય અને ન્યાયી સોદો મળે તે સુનિશ્ચિત કરવા માટે ખૂબ જ ચિંતિત છે અને તેઓ ભૂતકાળની ભૂલોને સુધારવા માટે કામ કરી રહ્યા છે", લેવિટે કહ્યું.

લિબરેશન ડે પર ઘોષિત થશે રેસિપ્રોકલ ટેરિફ
રાષ્ટ્રપતિ ટ્રમ્પે લિબ્રેશન ડે પર રેસિપ્રોકલ ટેરિફની જાહેરાત કરી છે. આ જાહેરાત સાંજે 4 વાગ્યે વ્હાઇટ હાઉસના રોઝ ગાર્ડનમાં કરવામાં આવશે. ટ્રમ્પે 20 જાન્યુઆરીથી કેનેડા અને મેક્સિકોથી આયાત, ધાતુઓ પર ટેરિફ અને તાજેતરમાં ઓટોમોબાઇલ્સ સહિત અનેક આયાત ટેરિફ લાદ્યા છે. ટ્રમ્પે એમ પણ કહ્યું હતું કે કાર પર કાયમી ટેરિફ આ ગુરુવારથી અમલમાં આવશે.