ભારતીય બજારમાં 7-સીટર કારની માંગ સતત વધી રહી છે. જો તમારો પરિવાર મોટો હોય અને તમારે બજેટ-ફ્રેન્ડલી MPV જોઈએ કે, પછી પાવરફૂલ SUV, બજારમાં Ertiga, Scorpio, Innova અને Fortuner જેવા વિકલ્પો ઉપલબ્ધ છે. આ ચારેય મોડલોની એકબીજા સાથે કોમ્પિટિશન કરતી હોય છે. આજે આ ચારેય કારનું કમ્પેરિઝન કરીને જોઈએ કે, તમારા પરિવાર માટે સૌથી યોગ્ય કાર કઈ હશે?
પાવર, પ્રદર્શન, એન્જિન અને ટોર્ક
વાહનની ક્ષમતા અને ડ્રાઇવિંગ અનુભવ માટે એન્જિન પાવર અને ટોર્ક મહત્ત્વપૂર્ણ છે. Fortuner અહીં સ્પષ્ટપણે સૌથી પાવરફૂલ છે. Fortuner અને Scorpio N શાનદાર પાવર અને 4x4 વિકલ્પ સાથે મજબૂત પ્રદર્શન આપે છે. Ertiga શહેરના ઉપયોગ માટે સારું બજેટ એન્જિન ધરાવે છે.
મોડલ | મુખ્ય એન્જિન ઓપ્શન | પાવર (BHP) | ટોર્ક (NM) | ડ્રાઇવટ્રેન |
|---|---|---|---|---|
મારુતિ એર્ટિગા | 1.5L પેટ્રોલ/CNG | 102 bhp | 136 Nm | FWD |
મહિન્દ્રા સ્કોર્પિયો N | 2.2L ડીઝલ/2.0L પેટ્રોલ | 130bhp (Classic)/200bhp (N) | 300Nm (Classic)/500Nm (N) | RWD/4x4 (N) |
ટોયોટા ઇનોવા | 2.4L ડીઝલ/2.0L હાઇબ્રિડ | 148bhp (ક્રિસ્ટા)/184bhp (હાઇક્રોસ) | 343Nm (ક્રિસ્ટા) | RWD (ક્રિસ્ટા)/FWD (હાઇક્રોસ) |
ટોયોટા ફોર્ચ્યુનર | 2.8L ટર્બો ડીઝલ | 201bhp | 500Nm | 4x2/4x4 |
માઇલેજ
જ્યારે માઇલેજની વાત આવે છે, ત્યારે મારુતિ એર્ટિગા સ્પષ્ટ વિજેતા છે, ખાસ કરીને તેના CNG વેરિઅન્ટ સાથે. જો માઇલેજ તમારી પ્રાથમિકતા હોય, તો Ertiga CNG અથવા Innova Hycross શ્રેષ્ઠ વિકલ્પો છે.
મોડલ | ફ્યુલ | માઇલેજ (ARAI રિપોર્ટ અનુસાર) |
|---|---|---|
મારુતિ એર્ટિગા | CNG/પેટ્રોલ | 22.75 km/kg અને 20.51 kmpl |
મહિન્દ્રા સ્કોર્પિયો N | પેટ્રોલ/ડીઝલ | 15.5 kmpl અને 14.33 kmpl |
ટોયોટા ઇનોવા | ડીઝલ/હાઇબ્રિડ | 14.06 kmpl અને 23.24 kmpl |
ટોયોટા ફોર્ચ્યુનર | ડીઝલ | 14.44 kmpl અને 14.35 kmpl |
ફીચર્સ અને ટેકનોલોજી
ફીચર્સની દ્રષ્ટિએ, હાઇક્રોસ અને ફોર્ચ્યુનર ટોપના સ્થાને છે, જે આધુનિક ટેકનોલોજી ઓફર કરે છે. સુરક્ષા અને લક્ઝરી ફીચર્સ માટે Fortuner અને Innova Hycross આગળ છે, જેમાં Hycross ADAS જેવા આધુનિક ફીચર સાથે આવે છે.
મોડલ | ફીચર્સ | સુરક્ષા અને સેફ્ટી કિટ |
|---|---|---|
મારુતિ એર્ટિગા | 7-ઇંચ ટચસ્ક્રીન, વાયરલેસ કનેક્ટિવિટી, સેન્ટર કન્સોલ AC વેન્ટ્સ | ESP, હિલ હોલ્ડ, 4 એરબેગ્સ, ABS+EBD |
મહિન્દ્રા સ્કોર્પિયો N | 9-ઇંચ ટચસ્ક્રીન, સોની 3D સાઉન્ડ (Z8L), વાયરલેસ ચાર્જિંગ (4WD) | ABS, ડ્યુઅલ એરબેગ્સ, મજબૂત લેડર ફ્રેમ ચેસિસ |
ટોયોટા ઇનોવા | પેનોરેમિક સનરૂફ, વેન્ટિલેટેડ સીટ્સ, ADAS (એડેપ્ટિવ ક્રુઝ, લેન ડિપાર્ચર) | 360° કેમેરા, ADAS સુવિધાઓ, VSC |
ટોયોટા ફોર્ચ્યુનર | 8-ઇંચ ટચસ્ક્રીન, JBL સાઉન્ડ, વેન્ટિલેટેડ સીટ્સ, ડ્રાઇવ મોડ્સ (ઇકો/પાવર/સ્પોર્ટ) | 7 એરબેગ્સ (ઘૂંટણની એરબેગ સહિત), 5-સ્ટાર NCAP રેટિંગ, VSC |
કિંમત
મોડલ | બેઝ મોડલ | ટોપ મોડલની કિંમત |
|---|---|---|
મારુતિ એર્ટિગા | ₹8.80 લાખ | ₹12.94 લાખ |
મહિન્દ્રા સ્કોર્પિયો N | ₹13.20 લાખ | ₹23.98 લાખ |
ટોયોટા ઇનોવા | ₹18.86 લાખ | ₹31.89 લાખ |
ટોયોટા ફોર્ચ્યુનર | ₹33.64 લાખ | ₹48.85 લાખ |
મોડલનો હેતુ અને ઉપયોગ
દરેક વાહન ચોક્કસ હેતુ માટે બનાવવામાં આવ્યું છે:
મારુતિ એર્ટિગા: શહેર અને હાઇવે પર બજેટ-ફ્રેન્ડલી, માઇલેજ-કેન્દ્રિત વાહન.
ટોયોટા ઇનોવા (ક્રિસ્ટા/હાઇક્રોસ): પ્રીમિયમ MPV, લાંબા રૂટની મુસાફરીમાં આરામ, વિશ્વસનીયતા અને Hycross માં આધુનિકતાનું કોમ્બિનેશન.
મહિન્દ્રા સ્કોર્પિયો (N/ક્લાસિક): મજબૂત, કઠોર લેડર ફ્રેમ SUV, ખરાબ રસ્તાઓ પર સારી પકડ, શક્તિશાળી પ્રદર્શન અને 4x4 વિકલ્પ (N) સાથે.
ટોયોટા ફોર્ચ્યુનર: સાચી લક્ઝરી SUV, સૌથી વધુ પાવર, શ્રેષ્ઠ બિલ્ડ ગુણવત્તા, 4x4 ક્ષમતા અને પ્રભાવશાળી દેખાવ.
તમારા માટે બેસ્ટ કાર કઈ?
બજેટ અને માઇલેજ માટે મારુતિ એર્ટિગા સૌથી ઓછી કિંમત, 26.11 km/kg સુધીની શ્રેષ્ઠ માઇલેજ (CNG). લક્ઝરી (MPV) ટોયોટા ઇનોવા હાઇક્રોસ હાઇબ્રિડ માઇલેજ, પેનોરેમિક સનરૂફ અને ADAS સાથે પ્રીમિયમ અનુભવ આપે છે. પાવર અને ઓફ-રોડિંગ ટોયોટા ફોર્ચ્યુનર 201bhp પાવર, 4x4 (ડિફરન્શિયલ લોક સાથે) અને 5-સ્ટાર સેફ્ટી. મજબૂતાઈ અને કિંમત મહિન્દ્રા સ્કોર્પિયો N પાવરફુલ એન્જિન, લેડર ફ્રેમ સ્ટ્રક્ચર અને 4x4 વિકલ્પ સાથે સારી વેલ્યુ-ફોર-મની છે.
(નોંધ:- આ માહિતી વિવિધ મોડલોના ફીચર્સ, માઇલેજ અને કિંમત દરેક વેરિઅન્ટ્સ મુજબ અલગ હોઇ શકે છે. અને આ કિંમત અમદાવાદના માર્કેટ ભાવ પ્રમાણે છે. અન્ય શહેર કે અન્ય રાજ્યમાં કિંમતનો ફેરફાર હોઇ શકે છે.)
