Maruti Fronx CNG : ભારતીય બજારમાં, લોકો એવી CNG કાર શોધી રહ્યા છે જે માત્ર સસ્તી જ નહીં પણ માઇલેજ પણ વધારે આપતી હોય. આ સ્થિતિમાં, ઓટો માર્કેટમાં ઉપલબ્ધ Maruti Fronx CNG તમારા માટે વધુ સારો ઓપ્શન સાબિત થઈ શકે છે. જો તમે આ કારને સંપૂર્ણ ચુકવણી કરવાને બદલે માસિક EMI પર ખરીદવાનું વિચારી રહ્યા છો, તો તમારે કેટલી ડાઉન પેમેન્ટની જરૂર પડશે તે જાણવું મહત્વપૂર્ણ છે. જાણો કારના ફાઇનાન્સ પ્લાન અને ફીચર્સ વિશેની માહિતી.
Maruti Fronx CNG ની ઓન-રોડ કિંમત શું છે?
અમદાવાદમાં Maruti Fronx ના Sigma CNG વેરિઅન્ટની ઓન-રોડ કિંમત ₹8.74 લાખ છે. જો તમે આ વાહન ₹2 લાખના ડાઉન પેમેન્ટથી ખરીદો છો, તો તમારે 9.8% વ્યાજ દરે 4 વર્ષ માટે દર મહિને ₹17,044 EMI ચૂકવવી પડશે. જો તમે આ લોન 3 વર્ષ માટે લો છો, તો માસિક EMI ₹21,703 થશે. વધુમાં, જો તમે આ લોન 2 વર્ષ માટે લો છો, તો EMI ₹31,066 થશે. જો 5 વર્ષ માટે લો છો, તો EMI ₹14,266 હશે. જો 6 વર્ષ માટે હશે તો દર મહિને EMI ₹12,429 ચૂકવવી પડશે. જો 7 વર્ષ માટે લો છો, તો EMI ડ મહિને ₹11,129 થશે.
Maruti Fronx નું એન્જિન
Maruti Fronx બે અલગ અલગ પેટ્રોલ એન્જિન અને એક CNG ઓપ્શનમાં ઉપલબ્ધ છે. તે 1.2L K-સિરીઝ નેચરલી એસ્પિરેટેડ પેટ્રોલ અને CNG એન્જિન તેમજ 1.0L ટર્બો બૂસ્ટરજેટ પેટ્રોલ એન્જિનનો ઓપ્શન આપે છે. આ SUV 5-સ્પીડ મેન્યુઅલ અને 6-સ્પીડ ઓટોમેટિક ગિયરબોક્સ બંને સાથે ઉપલબ્ધ છે. બંને એન્જિન BS6 ફેઝ 2 સ્ટાન્ડર્ડ્સનું પાલન કરે છે અને સ્માર્ટ હાઇબ્રિડ ટેકનોલોજી સાથે આવે છે, જે પેટ્રોલ બચાવે છે અને સરળ કામગીરી સુનિશ્ચિત કરે છે.
Maruti Fronx ની માઇલેજ
Maruti Suzuki Fronx તેના સેગમેન્ટમાં ઉત્તમ માઇલેજ આપે છે. ARAI અનુસાર, 1.2-લિટર પેટ્રોલ મેન્યુઅલ વેરિઅન્ટ 21.79kmpl અને 1.2-લિટર પેટ્રોલ AMT વેરિઅન્ટ 22.89kmpl માઇલેજ આપે છે. 1.2-લિટર CNG વેરિઅન્ટ 28.51km/kg માઇલેજ આપે છે. 1.0-લિટર ટર્બો પેટ્રોલ મેન્યુઅલ વેરિઅન્ટ 21.5kmpl માઇલેજ આપે છે અને ટર્બો પેટ્રોલ ઓટોમેટિક વેરિઅન્ટ 20.01kmpl માઇલેજ આપે છે. સૌથી અગત્યનું, પેટ્રોલ+CNG બાય-ફ્યુઅલ મોડલ ફુલ ટાંકી પર લગભગ 1200 કિલોમીટરની ડ્રાઇવિંગ રેન્જ આપે છે.
