Vivo T5x 5G : Vivo એ ભારતીય સ્માર્ટફોન માર્કેટમાં Vivo T5x 5G લોન્ચ કર્યો છે. Vivo T5x 5G માં 6.76-ઇંચની Full HD+ ડિસ્પ્લે છે. સાથે જ ઓક્ટા-કોર MediaTek Dimensity 7400 ટર્બો પ્રોસેસર આપવામાં આવ્યું છે. Vivo ના સ્માર્ટફોનમાં 44W ના ફાસ્ટ ચાર્જિંગ સપોર્ટ સાથે 7200mAh બેટરી પેક મળે છે. તેમાં 50mp નો મુખ્ય કેમેરો આપેલ છે. જાણો Vivo T5x 5G ના ફીચર્સ અને કિંમત વિશેની સંપૂર્ણ માહિતી.
Vivo T5x 5G ની કિંમત
Vivo T5x 5G ની કિંમત 6GB+128GB સ્ટોરેજ વેરિઅન્ટ માટે ₹18,999, 8GB+128GB સ્ટોરેજ વેરિઅન્ટ માટે ₹20,999 અને 8GB+256GB સ્ટોરેજ વેરિઅન્ટ માટે ₹22,999 છે. Vivo T5x 5G Star Silver અને Cyber Green કલરમાં ઉપલબ્ધ છે. આ સ્માર્ટફોનનું વેચાણ 24 માર્ચથી ફ્લિપકાર્ટ અને Vivo ઇન્ડિયા ઇ-સ્ટોર તેમજ પાર્ટનર રિટેલ સ્ટોર્સ પર શરૂ થશે. લોન્ચ ઑફર્સમાં Axis Bank, HDFC Bank અને SBI ક્રેડિટ કાર્ડ પર ₹2,000 નું ઇન્સ્ટન્ટ ડિસ્કાઉન્ટ પણ સામેલ કરવામાં આવ્યું છે. નો-કોસ્ટ EMI ઓપ્શન પણ 6 મહિના સુધી ઉપલબ્ધ રહેશે.
Vivo T5x 5G ની ડિસ્પ્લે, પ્રોસેસર અને બેટરી
Vivo T5x 5G માં 6.76-ઇંચની Full HD+ ડિસ્પ્લે છે, જેનું રિઝોલ્યુશન 2408×1080 પિક્સેલ છે, 120Hz રિફ્રેશ રેટ અને 1200 nits સુધીની પીક બ્રાઇટનેસ છે. આ સ્માર્ટફોન Mali-G615 MC2 GPU સાથે ઓક્ટા-કોર MediaTek Dimensity 7400 Turbo 4nm પ્રોસેસર દ્વારા સંચાલિત છે. તેમાં 6GB/8GB LPDDR4x RAM અને 128GB/256GB બિલ્ટ-ઇન UFS 3.1 સ્ટોરેજ છે. ફોન Android 16 પર બેસ્ડ OriginOS 6 પર ચાલે છે. તેમાં લશ્કરી-ગ્રેડ ડ્યુરેબિલિટી માટે MIL-STD-810H અને ધૂળ અને પાણીથી ફોનને પ્રોટેક્ટ કરવા માટે IP68+IP69 રેટિંગ આપવામાં આવ્યું છે. આ સ્માર્ટફોનમાં 44W ના ફાસ્ટ ચાર્જિંગ સપોર્ટ સાથે 7200mAh બેટરી આપવામાં આવી છે.
Vivo T5x 5G નું કેમેરા સેટઅપ અને કનેક્ટિવિટી ઓપ્શન
કેમેરા સેટઅપની વાત કરીએ તો, Vivo T5x 5G માં f/1.8 અપર્ચર સાથે 50mp નો મુખ્ય કેમેરો અને પાછળના ભાગમાં f/2.4 અપર્ચર સાથે 2mp નો ડેપ્થ કેમેરો આપવામાં આવ્યો છે. સેલ્ફી અને વિડીયો કોલ માટે 32mp નો ફ્રન્ટ કેમેરો છે. સુરક્ષા માટે, ફોન સાઇડ-માઉન્ટેડ ફિંગરપ્રિન્ટ સેન્સર સામેલ છે. કનેક્ટિવિટી ઓપ્શનમાં 5G, 4G VoLTE, Wi-Fi 6, બ્લૂટૂથ 5.4, GPS અને USB ટાઇપ-C 2.0 પોર્ટનો સમાવેશ થાય છે.
