Virat Kohli Next Match: વિજય હજારે ટ્રોફીમાં વિરાટ કોહલી અને રોહિત શર્માની બેટિંગને ચાહકોએ ખૂબ જ આનંદ માણ્યો. 24 ડિસેમ્બરે બંનેએ પોતપોતાની પહેલી મેચમાં સેન્ચુરી ફટકારી હતી. બીજી મેચમાં વિરાટે 77 રન બનાવ્યા હતા, પરંતુ રોહિત શર્મા ગોલ્ડન ડક પર આઉટ થયો હતો. હવે, પ્રશ્ન એ છે કે, શું રોહિત અને વિરાટ વિજય હજારે ટ્રોફીમાં ફરીથી રમતા જોવા મળશે, કારણ કે આ ટુર્નામેન્ટ 18 જાન્યુઆરી સુધી ચાલવાની છે.
વિરાટ કોહલી બીજી મેચ માટે તૈયાર
એક રિપોર્ટ્સ અનુસાર, રોહિત શર્માની જેમ વિરાટ કોહલી પણ મૂળ રીતે વિજય હજારે ટ્રોફીમાં માત્ર 2 મેચ રમવાનો હતો. જોકે, હવે તે 6 જાન્યુઆરીએ રેલ્વે સામેની મેચમાં રમતા જોવા મળી શકે છે. રિપોર્ટ્સ અનુસાર, વિરાટ કોહલી હાલમાં બેંગલુરુ છોડી ગયો છે, પરંતુ તેના પાછા ફરવાની આશા યથાવત છે. એવું કહેવામાં આવી રહ્યું છે કે, વિરાટ કોહલીના કપડાં અને સામાન હજુ પણ દિલ્હી ટીમ પાસે છે. વિરાટ કોહલી 6 જાન્યુઆરીએ દિલ્હી ટીમ માટે રમશે કે નહીં તે ભારતીય ટીમના ટ્રેનિંગ કેમ્પ પર નિર્ભર રહેશે. કારણ કે, ભારત અને ન્યુઝીલેન્ડ વચ્ચે 11 જાન્યુઆરીથી 3 મેચની ODI સીરિઝ શરૂ થઈ રહી છે. વિરાટ કોહલીએ અત્યાર સુધીમાં વિજય હજારે ટ્રોફી 2025-26 ની બે મેચમાં 208 રન બનાવ્યા છે.
રોહિત શર્મા વિશે શું અપડેટ છે?
રિપોર્ટ્સ અનુસાર, રોહિત શર્મા 2025-26 વિજય હજારે ટ્રોફીમાં ફરી જોવા મળશે નહીં. ઉત્તરાખંડ સામેની મેચ પછી તે ઘરે પરત ફરી ગયો છે. રોહિત શર્માએ આસામ સામેની મેચમાં 155 રન બનાવ્યા હતા, પરંતુ ઉત્તરાખંડ સામે રોહિત શર્મા 0 રનમાં આઉટ થઈ ગયો હતો. રિપોર્ટ્સ અનુસાર, રોહિત શર્મા ઘરે પરત ફર્યો છે, અને મુંબઈ ક્રિકેટ એસોસિએશન (MCA) ટૂંક સમયમાં તેના રિપ્લેસમેન્ટની જાહેરાત કરી શકે છે. મુંબઈની આગામી મેચ 29 ડિસેમ્બરે છત્તીસગઢ સામે છે.
