Virat Kohli સૌથી વધુ સેન્ચુરીનો રેકોર્ડ તોડવાની નજીક! : માત્ર 3 સેન્ચુરી દૂર, Sachin Tendulkar નો રેકોર્ડ તૂટશે!

Virat Kohli on the verge of breaking Sachin Tendulkar's big record: 2025-26 વિજય હજારે ટ્રોફીના પહેલા જ દિવસે વિરાટ કોહલીએ પોતાની છાપ છોડી દીધી. દિલ્હી તરફથી રમતા, તેને આંધ્રપ્રદેશ સામે 131 રનની સેન્ચુરી ફટકારી હતી. આ ઇનિંગે દિલ્હીની ટીમને 4 ચાર વિકેટથી જીત મેળવવામાં મહત્વપૂર્ણ ભૂમિકા ભજવી. આ સેન્ચુરી સાથે, વિરાટ કોહલી સચિન તેંડુલકરનો મોટો રેકોર્ડ તોડવાની કગાર પર છે. જો તે વધુ 3 સેન્ચુરી ફટકારે છે, તો તે એક વર્લ્ડ રેકોર્ડ બનાવશે.

વિરાટ કોહલી વર્લ્ડ રેકોર્ડ બનાવશે

24 ડિસેમ્બરે, વિરાટ કોહલીએ આંધ્રપ્રદેશ સામેની મેચમાં 101 બોલમાં 131 રન બનાવ્યા. આ તેની લિસ્ટ A કારકિર્દીમાં 58 મી સેન્ચુરી હતી. વિરાટ કોહલી લિસ્ટ-A ક્રિકેટના ઇતિહાસમાં બીજા ક્રમે સૌથી વધુ સેન્ચુરી ફટકારવાનો રેકોર્ડ ધરાવે છે. વિરાટ કોહલીની આગળ God Of The Cricket સચિન તેંડુલકર છે, જેમણે લિસ્ટ-A કારકિર્દીમાં 60 સેન્ચુરી ફટકારી છે. જો વિરાટ કોહલી વધુ 3 સેન્ચુરી ફટકારે છે, તો તે લિસ્ટ-A ક્રિકેટના ઇતિહાસમાં સૌથી વધુ સેન્ચુરી ફટકારનાર બેટ્સમેન બની જશે.

લિસ્ટ-A ક્રિકેટમાં સૌથી વધુ સેન્ચુરીઓ

1. સચિન તેંડુલકર - 60 સેન્ચુરી

2. વિરાટ કોહલી - 58 સેન્ચુરી

3. ગ્રાહમ ગૂચ - 44 સેન્ચુરી

4. ગ્રીમ હિક - 40 સેન્ચુરી

5. કુમાર સંગાકારા - 39 સેન્ચુરી

વિરાટ કેવી રીતે રેકોર્ડ બનાવી શકે છે?

BCCI ના નિર્ણય મુજબ, બધા સિનિયર ખેલાડીઓએ ડોમેસ્ટિક લિસ્ટ-A ટુર્નામેન્ટમાં ઓછામાં ઓછી બે મેચ રમવી આવશ્યક છે. વિજય હજારે ટ્રોફીમાં વિરાટ કોહલીની આગામી મેચ 26 ડિસેમ્બરે થશે, જ્યાં દિલ્હી અને ગુજરાત વચ્ચે મેચ રમાશે. જો વિરાટ કોહલી આ મેચમાં સેન્ચુરી ફટકારે છે, તો પણ તેની લિસ્ટ-A કારકિર્દીમાં 59 સેન્ચુરી રહેશે. જોકે, વિરાટ કોહલી જાન્યુઆરી 2026 માં ન્યુઝીલેન્ડ સામેની ODI સીરિઝમાં વધુ 2 સેન્ચુરી ફટકારીને સચિન તેંડુલકરને પાછળ છોડી શકે છે. ODI મેચ પણ લિસ્ટ-A ક્રિકેટ હેઠળ આવે છે, તેથી ન્યુઝીલેન્ડ ODI સીરિઝમાં વિરાટ કોહલી લિસ્ટ-A ક્રિકેટમાં સૌથી વધુ સેન્ચુરીનો વર્લ્ડ રેકોર્ડ બનાવી શકે છે.