Vijay Hazare Trophy Final: વિજય હજારે ટ્રોફી 2025-26 ની ફાઇનલ મેચ વિદર્ભ અને સૌરાષ્ટ્ર વચ્ચે રમાશે. બંને ટીમોએ શાનદાર પ્રદર્શન કરીને ફાઇનલમાં પોતાનું સ્થાન નિશ્ચિત કર્યું છે. સેમિફાઇનલમાં સૌરાષ્ટ્રએ પંજાબને હરાવ્યું હતું, જ્યારે વિદર્ભે કર્ણાટકને હરાવીને ફાઇનલમાં પ્રવેશ કર્યો હતો. આ મેચ બેંગલુરુના સેન્ટર ઓફ એક્સેલન્સ ખાતે રમાશે. બંને ટીમો દમદાર ફોર્મમાં છે.
મેચ ક્યારે અને ક્યાં જોવી?
સૌરાષ્ટ્ર અને વિદર્ભ વચ્ચેની વિજય હજારે ટ્રોફીની ફાઇનલ 18 જાન્યુઆરી, રવિવારના રોજ યોજાવાની છે. મેચ બપોરે 1:30 વાગ્યે ભારતીય સમય મુજબ શરૂ થશે, અને ટોસ બપોરે 1 વાગ્યે થશે. સૌરાષ્ટ્ર અને વિદર્ભ વચ્ચેની વિજય હજારે ટ્રોફી ફાઇનલનું લાઇવ ટેલિકાસ્ટ સ્ટાર સ્પોર્ટ્સ ટીવી પર જોઈ શકાય છે. ફાઇનલનું લાઇવ સ્ટ્રીમિંગ JioHotstar પર જોઈ શકાય છે.
આ ખેલાડીઓ પર રહેશે નજર
સૌરાષ્ટ્ર માટે વિશ્વરાજ સિંહ જાડેજાએ શાનદાર ઇનિંગ રમી. તેમણે 127 બોલમાં 165 રન બનાવ્યા, જેનાથી સૌરાષ્ટ્રે પંજાબને સરળતાથી હરાવ્યું. વિદર્ભ માટે, બધાની નજર અમન મોખડે પર રહેશે. કર્ણાટક સામેની સેમિફાઇનલ મેચમાં અમને 122 બોલમાં 138 રન બનાવ્યા. વિદર્ભ માટે ધ્રુવ શોરેએ પણ અસાધારણ રીતે સારું પ્રદર્શન કર્યું.
ફાઇનલ મેચ માટે બંને ટીમોની સ્કવોડ
સૌરાષ્ટ્ર: હાર્વિક દેસાઈ (કેપ્ટન) (વિકેટકીપર), વિશ્વરાજ જાડેજા, પ્રેરક માંકડ, સમર ગજ્જર, ચિરાગ જાની, રુચિત આહીર, પાર્શ્વરાજ રાણા, ધર્મેન્દ્રસિંહ જાડેજા, અંકુર પંવાર, જયદેવ ઉનડકટ, ચેતન સાકરિયા, આદિત્ય જાડેજા, હેત્વીક કોટક, પ્રણવ કારીયા, યુવરાજ ચુડાસમા, પાર્થ ભુટ, તરંગ ગોહેલ, જય ગોહિલ, અંશ ગોસાઈ, હિતેન કણબી, પ્રશાંત રાણા.
વિદર્ભ: અથર્વ તાયડે, અમન મોખાડે, ધ્રુવ શોરે, રવિકુમાર સમર્થ, યશ રાઠોડ, યશ કદમ, રોહિત બિંકર (વિકેટકીપર), નચિકેત ભૂતે, હર્ષ દુબે (કેપ્ટન), દર્શન નલકાંડે, યશ ઠાકુર, પ્રફુલ્લ હિંગે, શિવમ દેશમુખ, પાર્થ રેખડે, શુભમ દુબે, અક્ષય વાડકર, ગણેશ ભોસલે, દીપેશ પરવાણી.
