દેશમાં ચોમાસાની શરૂઆત થતાં જ હિમાચલ પ્રદેશમાં ધમધોકાર વરસાદ વરસી રહ્યો છે. ક્યાંક ભૂસ્ખલન તો ક્યાંક પૂર જેવી પરિસ્થિતિનું નિર્માણ થયું છે. જો કે, આ બધાની વચ્ચે એક વાયરલ વીડિયો સામે આવ્યો છે. જેમા જોઈ શકાય છે કે, હિમાચલ પ્રદેશના મંડી જિલ્લાના સરાજ વિસ્તારમાં પહાડોમાં અચાનક ભૂસ્ખલન થતાં પૂર્વ મુખ્યમંત્રી જયરામ ઠાકુરની ગાડી પર ઓચિંતા પથ્થર પડે છે.
सराज में जयराम ठाकुर की गाड़ी पर गिरे पत्थर भाग कर बचाई जान pic.twitter.com/0ROSmYOqt8
— Rajesh Sharma (@sharmanews778) July 13, 2025
પહાડોમાં અચાનક ભૂસ્ખલન
વાયરલ વીડિયોમાં જોઈ શકાય છે કે, પૂર્વ મુખ્યમંત્રી જયરામ ઠાકુરની ગાડી પર ઓચિંતા પથ્થર પડે છે તેમજ ભૂસ્ખલનના કારણે રસ્તા વચ્ચે મોટા મોટા પથ્થરો ધસી રહ્યાં છે, જ્યાં પૂર્વ CM રસ્તામાં દોડી રહ્યાં છે. અત્રે જણાવીએ કે, ચંડીગઢ-મનાલી રાજમાર્ગ પંડોહમાં પણ ભૂસ્ખલન થવાથી લગભગ 6.5 કિ.મી.ના રસ્તો બ્લોક થયો હતો. ત્યારબાદ જેસીબી મશીન બોલાવીને પથ્થરોને દૂર કરવામાં આવ્યા હતા.
હિમાચલમાં વરસાદી કહેર!
હિમાચલ પ્રદેશને અત્યાર સુધીમાં 751 કરોડ રૂપિયાનું નુકસાન થયું છે. રાજ્યના જાહેર બાંધકામ મંત્રી વિક્રમાદિત્ય સિંહે વરસાદથી ગંભીર રીતે પ્રભાવિત વિધાનસભા મતવિસ્તારો માટે 2 કરોડ રૂપિયા અને તમામ વિધાનસભા મતવિસ્તારોમાં રસ્તાઓ અને અન્ય માળખાગત સુવિધાઓના સમારકામ માટે 50 લાખ રૂપિયાની જાહેરાત કરી છે.
