સમગ્ર વિશ્વમાં સોનું એક સૌથી મૂલ્યવાન ધાતુ તરીકે ઓળખાય છે, પરંતુ દક્ષિણ અમેરિકાના દેશ વેનેઝુએલામાં સ્થિતિ સાવ ઉલટી છે. અહીં સોનાના ભાવ જાણીને તમે ચોંકી જશો. હાલમાં વેનેઝુએલામાં 24-Carat Goldની કિંમત એક કપ ચા કે કોફી કરતા પણ ઓછી હોવાનું સામે આવ્યું છે. સોનાના આટલા નીચા ભાવ વેનેઝુએલાની ભાંગી પડેલી અર્થવ્યવસ્થા અને તેની ચલણી મુદ્રાના પતનની ચાડી ખાય છે.
ભારતમાં એક કપ ચાની કિંમતમાં ત્યાં મળે છે એક ગ્રામ સોનું
ભારતમાં જ્યાં સોનાના ભાવ આસમાને પહોંચી રહ્યા છે અને રેકોર્ડ તોડી રહ્યા છે, ત્યાં વેનેઝુએલાનું ગણિત સાવ અલગ છે. આંકડાઓ અનુસાર ભારતમાં 24-Carat Goldની કિંમત અંદાજે 13,800 રૂપિયા પ્રતિ ગ્રામની આસપાસ છે, જ્યારે વેનેઝુએલામાં આ જ સોનું ભારતીય ચલણ મુજબ માત્ર 181 રૂપિયા પ્રતિ ગ્રામમાં મળી રહ્યું છે. તેવી જ રીતે 22-Carat Goldના ભાવ પણ અંદાજે 166 રૂપિયા પ્રતિ ગ્રામની આસપાસ છે. આનો અર્થ એ થયો કે જેટલા પૈસામાં ભારતમાં દૂધ, બ્રેડ કે ચા મળે છે, તેટલી જ કિંમતમાં ત્યાં સોનું ખરીદી શકાય છે.
કેમ આટલું સસ્તું છે સોનું?
વેનેઝુએલામાં સોનું સસ્તું હોવા પાછળ કોઈ આર્થિક મજબૂતી નથી, પરંતુ ત્યાંની કરન્સી 'વેનેઝુએલન બોલિવર'નું ઐતિહાસિક ધોવાણ જવાબદાર છે. છેલ્લા લાંબા સમયથી વેનેઝુએલા ભયંકર મોંઘવારી અને આર્થિક બદહાલી સામે ઝઝૂમી રહ્યું છે. અહેવાલો મુજબ રાષ્ટ્રપતિ નિકોલસ માદુરોની સરકાર દરમિયાન દેશનું સોનું મોટા પાયે વિદેશ મોકલવામાં આવ્યું હતું. વર્ષ 2013થી 2016 દરમિયાન આશરે 113 Metric Ton સોનું સ્વિટ્ઝર્લેન્ડ મોકલવામાં આવ્યું હોવાનો દાવો કરાય છે. દેવું ચૂકવવા અને અર્થતંત્ર ટકાવવા માટે Gold Reserveનો બેફામ ઉપયોગ થતા વર્ષ 2024 સુધીમાં વેનેઝુએલા પાસે માત્ર 161 Ton જેટલું સોનું જ બચ્યું છે.
સંસાધનો હોવા છતાં દેશની હાલત કફોડી
વેનેઝુએલા પાસે કુદરતી સંસાધનોની કોઈ અછત નથી. દુનિયામાં કાચા તેલના સૌથી મોટા ભંડારો પૈકીનો એક વેનેઝુએલામાં છે. વધુમાં ઓરિનોકો માઇનિંગ આર્ક વિસ્તારમાં 8,000 Ton સોનું અને અન્ય ખનિજો હોવાનું મનાય છે. આમ છતાં નબળી નીતિઓ, ભ્રષ્ટાચાર અને ગેરવહીવટને કારણે આ દેશ આર્થિક રીતે પાયમાલ થઈ ગયો છે. આ જ કારણ છે કે સોનું આટલું સસ્તું હોવા છતાં સામાન્ય જનતા માટે પાયાની જરૂરિયાતો પૂરી કરવી પણ મુશ્કેલ બની ગઈ છે.
