નવા વર્ષ મચશે ધમાલ : ભારતમાં એન્ટ્રી કરવા જઈ રહી છે આ હાઈબ્રિડ કાર, જાણો લોન્ચ તારીખથી લઈને કિંમત

Upcoming Hybrid Cars: ભારતમાં એક પછી એક ઘણી નવી હાઇબ્રિડ કારની એન્ટી થવા જઈ રહી છે. દેશની રાજ્ય સરકારો હાઈબ્રિડ કારના ઉપયોગ પર ધ્યાન આપી રહી છે. આવનારા સમયમાં દેશભરમાં આ કારની ઘણી માંગ જોવા મળી શકે છે. હાઇબ્રિડ કાર એ એવા વાહનો છે જે એકથી વધુ મોડમાં ચલાવી શકાય છે. તેમાં આંતરિક કમ્બશન એન્જિન અને બીજી ઇલેક્ટ્રિક મોટર છે. આ કારમાં લાગેલી બેટરી રિજનરેટિવ બ્રેકિંગ સિસ્ટમ અને ઈન્ટરનલ કમ્બશન એન્જિનની મદદથી ચાર્જ થાય છે. આવો જાણીએ તે હાઇબ્રિડ કાર વિશે જે નવા વર્ષમાં લોન્ચ થવા જઈ રહી છે.

ટોયોટા હાયરાઈડર (Toyota Hyryder)
ટોયોટા હાયરાઈડર એક 5-સીટર SUV છે. આ કારના હાલ સુધીમાં એક લાખથી વધુ યુનિટ માર્કેટમાં સેલ થઈ ચૂકી છે. આ કારની ઓન-રોડ કિંમત 13.23 લાખ રૂપિયાથી શરૂ થાય છે અને 23.65 લાખ રૂપિયા સુધી જાય છે. હવે ઓટોમેકર્સ વર્ષ 2025માં આ હાઇબ્રિડ કારનું 7-સીટર મોડલ લોન્ચ કરવાની યોજના બનાવી રહ્યા છે. આ 7 સીટર કારની એક્સ-શોરૂમ કિંમત લગભગ 17 લાખ રૂપિયા હોઈ શકે છે.

મારુતિ ગ્રાન્ડ વિટારા (Maruti Grand Vitara)
ટોયોટા હાયરાઈડર સાથે તેની હરીફ મારુતિ ગ્રાન્ડ વિટારા પણ 7 સીટર મોડલ માર્કેટમાં લાવી શકે છે. ગ્રાન્ડ વિટારા એ ટોયોટા હાયરાઈડરનું રિબેજ્ડ વર્ઝન છે. આ બન્ને ઓટોમેકર્સ વચ્ચેના સંયુક્ત વેન્ચરની આ પ્રથમ કાર હતી. ગ્રાન્ડ વિટારાનું 7-સીટર મોડલ પણ વર્ષ 2025માં લોન્ચ થવાની આશા છે. આ કારની એક્સ-શોરૂમ કિંમત લગભગ 18.5 લાખ રૂપિયા હોઈ શકે છે.

મારુતિની નાની હાઇબ્રિડ કાર
લોકોની માંગને સમજીને મારુતિ તમામ સેગમેન્ટમાં કાર લાવવા માંગે છે. હવે ઓટોમેકર્સ પણ ભારતમાં નાની અને સસ્તી હાઇબ્રિડ કાર લાવવાની યોજના બનાવી રહ્યા છે. મારુતિ વર્ષ 2025માં બજારમાં હાઇબ્રિડ પાવરટ્રેન સાથે સ્વિફ્ટ અથવા ફોર્ડ લોન્ચ કરી શકે છે. આ કારની એક્સ-શોરૂમ કિંમત લગભગ 8.5 લાખ રૂપિયા હોઈ શકે છે.

કિયા સેલ્ટોસ હાઇબ્રિડ (Kia Seltos Hybrid)
મીડિયા રિપોર્ટ્સ અનુસાર Kia તેની લોકપ્રિય સબ-કોમ્પેક્ટ SUV સેલ્ટોસના હાઇબ્રિડ વર્ઝન પર કામ કરી રહી છે. Kia Seltosની લોકપ્રિયતા અને ભારતમાં હાઈબ્રિડ કારના વધતા ક્રેઝને જોતા આ કારને ભારતીય બજારમાં પણ લોન્ચ કરવામાં આવી શકે છે. Kia Seltos Hybrid વર્ષ 2025માં 15 લાખ રૂપિયાની એક્સ-શોરૂમ કિંમત સાથે લોન્ચ થઈ શકે છે.