કલંકિત થયા માતા પુત્રના સંબંધ : દિલ્હીમાં નપાવટ પુત્રએ માતા પર આચર્યું દુષ્કર્મ

રાજધાની દિલ્હીના હૌજ કાઝી વિસ્તારમાં એક કલંકિત ઘટના સામે આવી છે, જ્યાં 39 વર્ષીય વ્યક્તિએ પોતાની જ માતા પર બળાત્કાર કર્યો હોવાનો આક્ષેપ છે.

પોલીસે જણાવ્યું કે આરોપીની ઓળખ મોહમ્મદ ફિરોઝ ઉર્ફે સુહેલ તરીકે થઈ છે. મહિલાની ફરિયાદ મુજબ, તે પોતાના પતિ અને પુત્રી સાથે 25 જુલાઈએ હજ યાત્રા માટે સાઉદી અરેબિયા ગઈ હતી. યાત્રા દરમિયાન પુત્રએ તેના પિતાને ફોન કરીને માતા પર ખરાબ ચારિત્ર્યના આક્ષેપો લગાવ્યા હતા.

પરિવાર 1 ઓગસ્ટે ઘરે પરત ફર્યા બાદ, આરોપીએ પોતાની માતા પર હુમલો કર્યો અને બીજા દિવસે ફરી હુમલો કરવાનો પ્રયાસ કર્યો. સલામતીના ડરથી મહિલા દીકરીના સાસરે રહેવા ગઈ.

11 ઓગસ્ટની રાત્રે જ્યારે મહિલા ઘરે પરત ફરી, ત્યારે પુત્રએ તેને એક રૂમમાં બંધ કરી, છરી અને કાતરથી ધમકાવી અને બળાત્કાર ગુજાર્યો. શરૂઆતમાં ડર અને શરમને કારણે મહિલા ચૂપ રહી, પરંતુ 14 ઓગસ્ટે ફરીથી બળાત્કાર બાદ, તેણે હિંમત કરીને પોલીસનો સંપર્ક કર્યો.

પોલીસની કાર્યવાહી

• કેસ નોંધવામાં આવ્યો છે અને તપાસ શરૂ કરી દેવામાં આવી છે.

• આરોપી સ્નાતક હોવા છતાં બેરોજગાર છે.

• પીડિત મહિલા અભણ ગૃહિણી છે, જ્યારે તેનો પતિ નિવૃત્ત સરકારી કર્મચારી છે.