ભારતીય બજારમાં અનેક મોંઘી અને હાઈ-પરફોર્મન્સ બાઇક્સ ઉપલબ્ધ છે, પરંતુ સામાન્ય માણસ માટે આજે પણ માઇલેજ અને કિંમત સૌથી મહત્વના પરિબળો છે. જો તમે પણ ઓછા બજેટમાં શાનદાર માઇલેજ આપતી બાઇક શોધી રહ્યા હોવ, તો TVS Radeon તમારા માટે શ્રેષ્ઠ વિકલ્પ સાબિત થઈ શકે છે. આ દેશની સૌથી સસ્તી બાઇક્સમાંથી એક છે, જેની એક્સ-શોરૂમ કિંમત 55,100 રૂપિયાથી શરૂ થાય છે. બજારમાં આ બાઇકની સીધી સ્પર્ધા Bajaj Platina અને Hero Splendor Plus જેવા લોકપ્રિય મોડલ્સ સાથે છે.
શક્તિશાળી એન્જિન અને સ્મૂધ રાઇડિંગ
TVS Radeon માં 109.7 cc નું Duralife એન્જિન આપવામાં આવ્યું છે. આ એન્જિન Eco-Thrust Fuel Injection ટેકનોલોજીથી સજ્જ છે, જે 8.08 bhp ની પાવર અને 8.7 Nm ટોર્ક જનરેટ કરે છે. આ બાઇક 4-સ્પીડ ગિયરબોક્સ સાથે આવે છે, જે શહેરના ટ્રાફિકમાં પણ સરળ હેન્ડલિંગ અને આરામદાયક મુસાફરીનો અનુભવ કરાવે છે. જો ઝડપની વાત કરીએ તો, TVS Radeon ની ટોપ સ્પીડ અંદાજે 90 kmph સુધીની છે.
માઇલેજ અને રેન્જમાં અવવલ
આ બાઇકની સૌથી મોટી વિશેષતા તેનું માઇલેજ છે. કંપનીના દાવા મુજબ આ બાઇક 73.68 kmpl ની માઇલેજ આપે છે, જ્યારે રિયલ વર્લ્ડમાં તે પ્રતિ લિટર 62 થી 70 કિલોમીટરની સરેરાશ આપે છે. TVS Radeonની ફ્યુઅલ ટેન્ક એકવાર ફુલ કરાવ્યા બાદ તે 700 કિલોમીટરથી વધુનું અંતર કાપી શકે છે. આ કારણોસર ડેઇલી ઓફિસ જનારા કે લાંબી મુસાફરી કરનારા લોકો માટે આ બાઇક સૌથી વધુ કિફાયતી સાબિત થાય છે.
આધુનિક ફીચર્સ અને મજબૂત બનાવટ
TVS Radeon માં ગ્રાહકોને રિયલ-ટાઇમ માઇલેજ ઇન્ડિકેટર, LED DRLs, યુએસબી ચાર્જિંગ પોર્ટ, સાઇડ સ્ટેન્ડ કટ-ઓફ અને સેમી-ડિજિટલ કન્સોલ જેવા ફીચર્સ મળે છે. ગ્રામીણ વિસ્તારો અને ખરાબ રસ્તાઓ માટે આ બાઇકમાં વધુ ગ્રાઉન્ડ ક્લિયરન્સ અને મોટી સીટ આપવામાં આવી છે. બ્રેકિંગ સિસ્ટમની વાત કરીએ તો, ફ્રન્ટમાં 130 mm ડ્રમ બ્રેક અને ટોપ વેરિએન્ટમાં 240 mm ડિસ્ક બ્રેકનો વિકલ્પ મળે છે. સુરક્ષા માટે તેમાં કમ્બાઈન્ડ બ્રેકિંગ સિસ્ટમ (CBS) અને 18 ઇંચના એલોય વ્હીલ્સનો ઉપયોગ કરવામાં આવ્યો છે.
