TVS Orbiter Electric Scooter: ઇલેક્ટ્રિક વાહનોની બજારમાં વધતી માંગ વચ્ચે, TVS એ ગ્રાહકો માટે એક નવી ભેટ રજૂ કરી છે. કંપનીએ આજે બજારમાં તેનું નવું ઇલેક્ટ્રિક સ્કૂટર TVS Orbiter લોન્ચ કર્યું છે. સ્ટાઇલિશ ડિઝાઇન ધરાવતું આ સ્કૂટર શાનદાર રેન્જ અને અદ્યતન સુવિધાઓ પણ સામેલ છે. TVS Orbiter ખાસ કરીને એવા લોકો માટે યોગ્ય છે, જે બજેટમાં સ્માર્ટ અને પરફેક્ટ EV સ્કૂટર ઇચ્છે છે.
શાનદાર રેન્જ અને કિંમત
TVS નું Orbiter ભારતમાં ત્રીજું ઇલેક્ટ્રિક સ્કૂટર છે. કંપનીનો દાવો છે કે, આ સ્કૂટર એક વાર ફુલ ચાર્જ કર્યા પછી 158km (IDC રેન્જ) સુધી ચાલી શકે છે. તેની શરૂઆતની એક્સ-શોરૂમ કિંમત 99,900 રૂપિયા રાખવામાં આવી છે. બુકિંગ પ્રક્રિયા ઓનલાઈન શરૂ થઈ ગઈ છે અને ગ્રાહકોને તે 6 કલર ઓપ્શનમાં મળશે.
શાનદાર ફીચર્સ
TVS એ ઘણી અદ્યતન સુવિધાઓ સાથે Orbiter લોન્ચ કર્યું છે. આમાં ક્રુઝ કંટ્રોલ, હિલ હોલ્ડ ફંક્શન અને રિવર્સ પાર્કિંગ આસિસ્ટ જેવા પ્રીમિયમ ફીચર્સ સામેલ છે. આ ઉપરાંત, USB ચાર્જિંગ, OTA અપડેટ્સ અને સ્માર્ટફોન એપ્લિકેશન કનેક્ટિવિટી જેવી સુવિધાઓ પણ ઉમેરવામાં આવી છે.
