Turbo Engine Guide : આજકાલ ભારતીય ઓટોમોબાઈલ માર્કેટમાં ટર્બો એન્જિનવાળી કારની ડિમાન્ડ ખૂબ જ ઝડપથી વધી રહી છે. કાર બનાવતી કંપનીઓ હવે નાના એન્જિનમાં પણ વધારે પાવર અને જોરદાર પરફોર્મન્સ આપવા માટે ટર્બોચાર્જ્ડ પેટ્રોલ એન્જિનનો મોટાપાયે ઉપયોગ કરી રહી છે. પરંતુ ઘણા નવા ડ્રાઇવરો જ્યારે આવી કાર ચલાવે છે, ત્યારે તેમને ટર્બો લેગ (Turbo Lag) નામની એક સમસ્યાનો સામનો કરવો પડે છે. ટર્બો લેગ એટલે જ્યારે તમે કારનું એક્સિલરેટર દબાવો અને એન્જિન પૂરો પાવર આપે, તે બંને વચ્ચે થોડો સમય લાગે છે. આ કારણે કારની શરૂઆતની પિકઅપ અપેક્ષા કરતાં ઓછી લાગે છે. જો કે, કેટલીક સરળ ડ્રાઇવિંગ આદતો બદલીને તમે આ ટર્બો લેગને ખૂબ જ સરળતાથી ઘટાડી શકો છો. યોગ્ય રીતે ડ્રાઇવિંગ કરવાથી કારની પિકઅપ તો વધશે જ, સાથે એન્જિનનું આયુષ્ય પણ વધશે.
આગામી 2 મહિનામાં SUVs માર્કેટમાં થશે મોટો ધમાકો: મોડર્ન ફીચર્સ, પ્રીમિયમ લુક સાથે ભારતીય ઓટો સેક્ટરમાં આવશે નવો ટ્રેન્ડ
સાચો ગિયર અને યોગ્ય RPM
ટર્બો એન્જિનની અસલી તાકાતનો અનુભવ કરવા માટે યોગ્ય ગિયર અને યોગ્ય RPM (Revolutions Per Minute) મેન્ટેન કરવું ખૂબ જ જરૂરી છે. મોટાભાગના ડ્રાઇવરો ખૂબ જ ઓછા RPM પર ગાડી ચલાવતા હોય છે અને પછી અચાનક સ્પીડ વધારવા માટે એક્સિલરેટર દબાવે છે. આવી સ્થિતિમાં ટર્બોને એક્ટિવ થવામાં વધુ સમય લાગે છે. જો તમારે રસ્તા પર કોઈ વ્હિકલને ઓવરટેક કરવું હોય કે અચાનક સ્પીડ વધારવી હોય, તો પહેલા યોગ્ય ગિયર પસંદ કરો. એન્જિનને તેના બેસ્ટ RPM રેન્જમાં રાખવાથી ટર્બો ઝડપથી એક્ટિવ થાય છે અને કારને ઇન્સ્ટન્ટ પિકઅપ મળે છે. મેન્યુઅલ કારમાં જરૂર પડે ત્યારે ગિયરને ડાઉનશિફ્ટ એટલે કે નીચેના ગિયરમાં લાવવું જોઈએ. જ્યારે ઓટોમેટિક કારમાં સ્પોર્ટ મોડ કે મેન્યુઅલ મોડનો ઉપયોગ કરવાથી ખૂબ જ સારો રિસ્પોન્સ મળે છે.
ચોમાસામાં બાઇક ચલાવતા પહેલાં આ 5 વસ્તુઓ ખાસ ચેક કરો: તમારી એક નાની બેદરકારી વરસાદમાં તમને રસ્તા પર મુશ્કેલીમાં મૂકી શકે છે
નિયમિત મેન્ટેનન્સ અને સંભાળ
ટર્બો એન્જિન કાર લાંબા સમય સુધી સારું પરફોર્મન્સ આપે તે માટે તેનું નિયમિત મેન્ટેનન્સ કરવું સૌથી મહત્વપૂર્ણ છે. સમયસર કારનું એન્જિન ઓઇલ બદલવું, એર ફિલ્ટરને સાફ રાખવું અને કંપનીએ સૂચવેલા સારા ક્વોલિટીના ફ્યુઅલનો ઉપયોગ કરવો જોઈએ. જો એર ફિલ્ટર ખરાબ હશે અથવા એન્જિન ઓઇલ જૂનું થઈ ગયું હશે, તો ટર્બોના પરફોર્મન્સ પર સીધી અસર પડશે અને પિકઅપ ઓછી થઈ જશે.
E20 પેટ્રોલથી જૂની કારને થશે નુકસાન?: ઈન્શ્યોરન્સ ક્લેમ મળશે કે નહીં, આ કંપનીએ આપ્યો સ્પષ્ટ જવાબ
ડ્રાઇવિંગની સ્માર્ટ આદતો
એન્જિન મેન્ટેનન્સ સિવાય તમારી કેટલીક આદતો પણ કારની લાઈફ વધારે છે. જેમ કે કાર સ્ટાર્ટ કરતાની સાથે જ ખૂબ તેજ સ્પીડમાં ચલાવવાનું ટાળવું જોઈએ. કાર ચાલુ કર્યા પછી 1થી 2 મિનિટ સુધી એન્જિનને નોર્મલ તાપમાન પર આવવા દેવું બેસ્ટ રહે છે. તેવી જ રીતે, લોન્ગ ડ્રાઇવ અથવા હાઇ સ્પીડમાં કાર ચલાવ્યા પછી એન્જિનને તરત જ બંધ ન કરવું જોઈએ. કાર ઉભી રાખ્યા પછી થોડી સેકન્ડો સુધી તેને ચાલુ રાખવાથી ટર્બો સિસ્ટમ ધીમે-ધીમે ઠંડી થાય છે. આ નાની પણ મહત્વની વાતોનું ધ્યાન રાખવાથી કારની પિકઅપ શાનદાર રહેશે.
