ડોનાલ્ડ ટ્રમ્પે એપલ CEO ટિમ કૂકને આપી ધમકી : કહ્યું; ભારતમાં iPhone બનાવશો તો અમેરિકામાં વેચાણ પર 25 ટકા ટેરિફ

ડોનાલ્ડ ટ્રમ્પે ફરી એકવાર ભારત વિરોધી વલણ બતાવ્યું છે. તેમણે એપલ આઈફોનના સીઈઓ ટિમ કૂકને ભારતમાં પોતાની પ્રોડ્ક્ટ્સનું નિર્માણ કરવા બદલ ધમકી આપી છે. ટ્રમ્પે કહ્યું કે જો આઈફોનનું ઉત્પાદન અમેરિકાને બદલે ભારતમાં કરવામાં આવશે, તો તેમની કંપનીએ 25% ટેરિફ ચૂકવવો પડશે.

શુક્રવારે અમેરિકાના રાષ્ટ્રપતિ ડોનાલ્ડ ટ્રમ્પે એપલના સીઈઓ ટિમ કૂકને કડક ચેતવણી આપી હતી કે અમેરિકામાં વેચાતા આઈફોન અમેરિકામાં જ બનાવવા જોઈએ - ભારતમાં કે અન્ય કોઈ દેશમાં નહીં, નહીં તો તેમણે ઓછામાં ઓછો 25% ટેરિફ ચૂકવવો પડશે.

અમેરિકી રાષ્ટ્રપતિએ Truth Social પર એક પોસ્ટમાં જણાવ્યું હતું કે, "મેં એપલના ટિમ કૂકને ઘણા સમય પહેલા કહ્યું હતું કે મને અપેક્ષા છે કે અમેરિકામાં વેચાતા પોતાના આઈફોન અમેરિકામાં બનાવવામાં આવશે, ભારતમાં કે અન્ય કોઈ જગ્યાએ નહીં,"

ટ્રમ્પે ગયા અઠવાડિયે કહ્યું હતું કે તેમણે કૂકને ભારતમાં પ્લાન્ટ બનાવવા દેવાનો ઇનકાર કર્યો હતો તે પછી આ વાત સામે આવી છે. ટ્રમ્પે કહ્યું, "ગઈકાલે મને ટિમ કૂક સાથે થોડી સમસ્યા હતી." હું નથી ઇચ્છતો કે તમે ભારતમાં ઉત્પાદન કરો. એપલ તેના મોટાભાગના આઈફોન ચીનમાં બનાવે છે અને યુએસમાં સ્માર્ટફોનનું ઉત્પાદન નથી કરતું. પ્રોડક્શન નહીં. માર્ચ સુધીના 12 મહિનામાં એપલે ભારતમાં 22 બિલિયન ડોલરના આઈફોન એસેમ્બલ કર્યા છે, જે પાછલા વર્ષની સરખામણીમાં લગભગ 60% વધુ છે.