ભારતમાં અમેરિકી રાજદૂતનો પદ સંભાળ્યા પછી, સર્જિયો ગોરે ભારત-અમેરિકા દ્વિપક્ષીય સંબંધો અંગે એક નવું નિવેદન આપ્યું છે. તેમણે કહ્યું કે રાષ્ટ્રપતિ ડોનાલ્ડ ટ્રમ્પ આગામી વર્ષમાં ભારતની મુલાકાત લઈ શકે છે. સર્જિયોએ ટ્રમ્પ અને મોદીને એકબીજાના મિત્રો ગણાવ્યા. તેમણે કહ્યું કે ટ્રમ્પ અને PM મોદી વચ્ચેની મિત્રતા સાચી છે. સર્જિયોએ PM મોદીને ટ્રમ્પના પ્રિય મિત્ર ગણાવ્યા અને કહ્યું કે બંને વચ્ચે વિશ્વાસ અને આદર છે. US રાજદૂતે કહ્યું કે મિત્રોમાં ઘણીવાર મતભેદ હોય છે, પરંતુ અંતે બધું જ સફળ થાય છે. સર્જિયો ગોરે કહ્યું કે તેમને જાહેરાત કરતા આનંદ થાય છે કે આવતા મહિને ભારતને પેક્સ સિલિકામાં સંપૂર્ણ સભ્ય તરીકે જોડાવા માટે આમંત્રણ આપવામાં આવશે.
પેક્સસિલિકા શું છે?
સર્જિયો ગોરે જણાવ્યું હતું કે યુનાઇટેડ સ્ટેટ્સે ગયા મહિને પેક્સસિલિકા પહેલ શરૂ કરી હતી. પેક્સસિલિકા એક રણનીતિક US નેતૃત્વવાળી પહેલ છે જેનો ઉદ્દેશ્ય એક સુરક્ષિત, સમૃદ્ધ અને નવીનતા-સંચાલિત સિલિકોન સપ્લાય ચેઇન બનાવવાનો છે, જેમાં મહત્વપૂર્ણ ખનિજો અને ઉર્જા ઇનપુટ્સથી લઈને એડવાંન્સ ઉત્પાદન, સેમિકન્ડક્ટર્સ, AI વિકાસ અને લોજિસ્ટિક્સનો સમાવેશ થાય છે. તેમણે નોંધ્યું હતું કે જાપાન, દક્ષિણ કોરિયા, યુનાઇટેડ કિંગડમ અને ઇઝરાયલ પહેલાથી જ આ પહેલમાં જોડાઈ ચૂક્યા છે, અને ભારત હવે સંપૂર્ણ સભ્ય બનાવવા માટે પ્રક્રિયા શરૂ થઈ ગઈ છે.
શું ટૂંક સમયમાં પૂર્ણ થશે ટ્રેડ ડીલ?
ભારત અને અમેરિકા વચ્ચેનો ટ્રેડ ડીલ ઘણા સમયથી પડતર છે. સર્જિયો ગોરે જણાવ્યું હતું કે ચર્ચાઓ ચાલુ છે. તેમણે જણાવ્યું હતું કે બંને દેશો ઇચ્છે છે કે આ ડીલ થાય, અને તે ચર્ચાઓ આવતીકાલે થશે. US રાજદૂતે ભારતની ખૂબ પ્રશંસા કરી હતી. તેમણે જણાવ્યું હતું કે ધ્યેય ભારત-અમેરિકા પાર્ટનરશીપને એક અલગ લેવલ પર પહોંચાડવાનો છે. સર્જિયોએ 2023 માં ભારતની તેમની પ્રથમ મુલાકાતને યાદ કરી હતી, જે દરમિયાન તેમણે જયપુર, રણથંભોર અને પંજાબની મુલાકાત લીધી હતી. તેમણે જણાવ્યું હતું કે ભારતના લોકો ખૂબ જ મૈત્રીપૂર્ણ છે.
