T20 World Cup 2026 : ICC T20 વર્લ્ડ કપ 2026 શનિવારથી શરૂ થવા જઈ રહ્યો છે. ભારત અને શ્રીલંકા ટુર્નામેન્ટના દસમા એડિશનનું સંયુક્ત આયોજન કરી રહ્યા છે. ભારત ડિફેન્ડિંગ ચેમ્પિયન છે. ક્રિકેટ ફેન્સને ફરી એકવાર ચોગ્ગા અને છગ્ગાની રમઝટ જોવા મળશે. જાણો T20 વર્લ્ડ કપના ઇતિહાસમાં સૌથી વધુ છગ્ગા મારનારા ટોપના 5 ખેલાડીઓ વિશે. આ યાદીમાં બે ભારતીય, જ્યારે વેસ્ટ ઈન્ડિઝ, ઓસ્ટ્રેલિયા અને ઈંગ્લેન્ડના એક-એક ખેલાડીનો સમાવેશ થાય છે. 2007 માં શરૂ થયેલી ટુર્નામેન્ટમાં અત્યાર સુધી ફક્ત 2 ખેલાડીઓએ 50 કે તેથી વધુ છગ્ગા ફટકાર્યા છે.
આ ખેલાડીના નામે છે સૌથી વધુ છગ્ગા
ટી20 વર્લ્ડ કપના ઇતિહાસમાં સૌથી વધુ છગ્ગા ફટકારવાનો રેકોર્ડ ક્રિસ ગેલના નામે છે. વેસ્ટ ઇન્ડીઝના પૂર્વ ક્રિકેટર ક્રિસ ગેલે ટૂર્નામેન્ટમાં 33 મેચમાં 63 છગ્ગા ફટકાર્યા હતા. ક્રિસ ગેલે 2021 ના ટી20 વર્લ્ડ કપમાં રમ્યો હતો. 'હિટમેન' રોહિત શર્મા બીજા સ્થાને છે, રોહિત શર્માએ 47 મેચમાં 50 છગ્ગા ફટકાર્યા છે. રોહિત શર્માના નેતૃત્વમાં ભારતે 2024 માં ટી20 વર્લ્ડ કપ જીત્યો હતો. રોહિત શર્માએ ટેસ્ટ અને T20I ક્રિકેટમાંથી નિવૃત્તિ લીધી છે. ઇંગ્લેન્ડના વિકેટકીપર-બેટ્સમેન જોસ બટલરે 35 મેચમાં 43 છગ્ગા ફટકાર્યા છે. તે આગામી ટૂર્નામેન્ટમાં રમતા જોવા મળશે.
આ બે ખેલાડીઓ પણ ટોપ-5 માં સામેલ
ઓસ્ટ્રેલિયાના પૂર્વ ઓપનર ડેવિડ વોર્નર આ લિસ્ટમાં ચોથા ક્રમે છે. ડેવિડ વોર્નરે 41 મેચમાં 40 છગ્ગા ફટકાર્યા હતા. ડેવિડ વોર્નરે 2024 માં નિવૃત્તિ લીધી હતી. ભારતના 'કિંગ' વિરાટ કોહલી આ લિસ્ટમાં છેલ્લા ક્રમે છે. વિરાટ કોહલીએ 35 છગ્ગા સાથે પાંચમા ક્રમે છે. વિરાટ કોહલીએ 2012 થી 2024 દરમિયાન ટુર્નામેન્ટમાં કુલ 35 મેચ રમી હતી. રોહિત શર્માની જેમ, વિરાટ કોહલીએ પણ ટેસ્ટ અને T20I ક્રિકેટમાંથી નિવૃત્તિ લીધી છે. બંનેએ T20 વર્લ્ડ કપ 2024 જીત્યા પછી સૌથી ટૂંકા ફોર્મેટને અલવિદા કહ્યું અને હવે ભારતીય ટીમ માટે ફક્ત ODI ક્રિકેટ રમે છે.
T20 વર્લ્ડ કપમાં સૌથી વધુ છગ્ગા મારનારા ટોપ 5 ખેલાડીઓ
ખેલાડીનું નામ | છગ્ગા | મેચ |
|---|---|---|
ક્રિસ ગેલ | 63 | 33 |
રોહિત શર્મા | 50 | 47 |
જોસ બટલર | 43 | 35 |
ડેવિડ વોર્નર | 40 | 41 |
વિરાટ કોહલી | 35 | 35 |
