આજે તારીખ 29 જાન્યુઆરી છે. ભારતીય ઇતિહાસ અને ખાસ કરીને પત્રકારત્વ જગત માટે આ દિવસ અત્યંત મહત્વનો ગણાય છે. વર્ષ 1780માં આજના દિવસે જ ભારતનું પ્રથમ અંગ્રેજી ન્યૂઝ પેપર પ્રકાશિત થયું હતું. આ ઉપરાંત સૈન્ય, વિજ્ઞાન અને રમતગમત ક્ષેત્રે પણ આ તારીખે અનેક મોટી ઘટનાઓ બની છે.
પત્રકારત્વનો પાયો: હિકીઝ બંગાળ ગેઝેટ
ભારતીય સમાચાર પત્રોના ઇતિહાસની વાત કરીએ તો, 29 જાન્યુઆરી 1780ના રોજ ‘હિકીઝ બંગાળ ગેઝેટ’ (Hickey's Bengal Gazette) પ્રથમ વખત કોલકાતાથી પ્રકાશિત થયું હતું. આ અખબારને 'બેંગાલ ગેઝેટ' અથવા 'કલકત્તા જનરલ એડવર્ટાઈઝર' તરીકે પણ ઓળખવામાં આવતું હતું. આ અંગ્રેજી પત્રના તંત્રી જેમ્સ ઓગસ્ટસ હિકી હતા, જેમણે ભારતમાં પત્રકારત્વનો પાયો નાખ્યો હતો.
29 જાન્યુઆરીની અન્ય ઐતિહાસિક ઘટનાઓ
બાબરની જીત: વર્ષ 1528માં મુઘલ વંશના સ્થાપક બાબરે મેવાડના રાજા રાણા સાંગાને હરાવીને ચંદેરીના કિલ્લા પર વિજય મેળવ્યો હતો.
સંગીત નાટક એકેડમી: કલા અને સંસ્કૃતિને પ્રોત્સાહન આપવા માટે વર્ષ 1953માં સંગીત નાટક એકેડમીની સ્થાપના કરવામાં આવી હતી.
જમ્બો ટ્રેનની શરૂઆત: વર્ષ 1979માં ભારતની પ્રથમ બે એન્જિન ધરાવતી જમ્બો ટ્રેન ‘તમિલનાડુ એક્સપ્રેસ’ને નવી દિલ્હીથી ચેન્નાઈ જવા માટે લીલી ઝંડી બતાવવામાં આવી હતી.
અવકાશ દુર્ઘટના: વર્ષ 1986માં અમેરિકાનું સ્પેસ શટલ 'ચેલેન્જર' (Challenger) ઉડાન ભર્યા બાદ તરત જ ક્રેશ થયું હતું, જેમાં સવાર તમામ 7 અવકાશયાત્રીઓના મૃત્યુ થયા હતા.
ક્રિકેટ ઇતિહાસ: ભારતીય ક્રિકેટર વિનોદ કાંબલીએ વર્ષ 1993માં આજના દિવસે પોતાની ટેસ્ટ કેરિયરનું ડેબ્યૂ કર્યું હતું.
સંરક્ષણ સિદ્ધિ: વર્ષ 2010માં ભારત અને રશિયાના સંયુક્ત પ્રોજેક્ટ હેઠળ ફાઈવ જનરેશન ફાઈટર એરક્રાફ્ટનું રશિયામાં સફળ પરીક્ષણ કરવામાં આવ્યું હતું.
