Ketan Agarwal Murder Case: તપાસ એજન્સીએ એક ગંભીર ગુનાના કેસમાં આરોપીની ધરપકડ માટે ત્રણ મહત્વના પુરાવાનો આધાર લીધો હોવાનું સામે આવ્યું છે. ઘટનાની તપાસ દરમિયાન એકત્ર કરાયેલા પુરાવાઓમાં ઘટનાસ્થળે આરોપીની હાજરી, સીસીટીવી ફૂટેજ અને મોબાઇલ કોલ ડિટેઇલ્સનો સમાવેશ થાય છે. તપાસ અધિકારીઓના જણાવ્યા અનુસાર આ ત્રણેય પુરાવાએ કેસની તપાસને મહત્વપૂર્ણ દિશા આપી છે.
પ્રાથમિક તપાસમાં સામે આવેલી માહિતી મુજબ, ઘટના બનતા પહેલાં 21 દિવસ દરમિયાન આરોપી પીડિતાના ઘરે પહોંચ્યો હતો. આ દરમિયાન પીડિતાના ભાઈએ તેને પૂછપરછ કરતાં આરોપીએ પોતે સ્થળ પર સિમકાર્ડ બદલાવવા આવ્યો હોવાનું કારણ આપ્યું હતું. તપાસ દરમિયાન આ ઘટનાને પણ મહત્વની કડી તરીકે જોવામાં આવી રહી છે.
આ પણ વાંચોઃ Ketan Agarwal Case સિયા અને ચેતન લગ્ન કરીને રાજસ્થાનમાં શિફ્ટ થવાના હતા! : રૂપિયા લાવવાની વ્યવસ્થા સિયા કરવાની હતી, કેતન હત્યાકાંડમાં મિત્રોના ચોંકાવનારા ખુલાસા
CCTV ફૂટેજથી મળી મહત્વની માહિતી
તપાસમાં મળેલા બીજા મહત્વના પુરાવા તરીકે પોલીસને CCTV કેમેરાના ફૂટેજ મળ્યા છે. આ ફૂટેજમાં એક વ્યક્તિ હેલ્મેટ પહેરીને પીડિતાના ઘર તરફ જતો જોવા મળે છે. ત્યારબાદ તે વ્યક્તિ પીડિતાની સ્કૂટી પર ત્યાંથી નીકળતો પણ કેમેરામાં કેદ થયો હોવાનું તપાસ સાથે જોડાયેલા સૂત્રો જણાવે છે. તપાસ અધિકારીઓ આ ફૂટેજના આધારે આરોપીની હિલચાલ, ઘટનાનો સમય અને અન્ય તકનીકી વિગતોની ચકાસણી કરી રહ્યા છે. CCTV ફૂટેજને અન્ય ડિજિટલ અને ફોરેન્સિક પુરાવાઓ સાથે પણ સરખાવવામાં આવી રહ્યું હોવાનું જાણવા મળે છે.
આ પણ ખાસ વાંચો : કેતન અગ્રવાલ હત્યા કેસમાં નવો વિવાદ : સિયા ગોયલના વકીલે ભાઈ સામે 10 કરોડના માનહાનિ કેસની આપી ચેતવણી
મોબાઇલ કોલ ડિટેઇલ્સ પણ તપાસમાં મહત્વપૂર્ણ
તપાસમાં ત્રીજા મહત્વના પુરાવા તરીકે મોબાઇલ કોલ ડિટેઇલ્સનો સમાવેશ થાય છે. માહિતી અનુસાર, જાન્યુઆરીથી ઘટના બન્યાના દિવસ સુધી એટલે કે અંદાજે 18 જૂનની સવારે 7 વાગ્યા સુધી પીડિતાએ એક જ નંબર પર લગભગ 2,004 કોલ કર્યા હતા. આ દરમિયાન બંને વચ્ચે કુલ અંદાજે 338 કલાક સુધી ફોન પર વાતચીત થઈ હોવાનું તપાસમાં સામે આવ્યું છે.
તપાસ એજન્સી કોલ ડિટેઇલ રેકોર્ડ (CDR), મોબાઇલ લોકેશન અને અન્ય ડિજિટલ પુરાવાઓના આધારે બંને વચ્ચેના સંપર્ક અને ઘટનાક્રમની વધુ ઊંડાણપૂર્વક તપાસ કરી રહી છે. તપાસ એજન્સીનું કહેવું છે કે અત્યાર સુધી મળેલા તમામ પુરાવાઓનું વૈજ્ઞાનિક રીતે વિશ્લેષણ કરવામાં આવી રહ્યું છે.
ફોરેન્સિક તપાસ, ડિજિટલ ડેટા અને અન્ય સાક્ષીઓના નિવેદનોના આધારે સમગ્ર ઘટનાક્રમને જોડવાનો પ્રયાસ કરવામાં આવી રહ્યો છે. અધિકારીઓએ સ્પષ્ટ કર્યું છે કે તપાસ હજુ ચાલુ છે અને કેસમાં આગળ પણ નવા પુરાવા સામે આવી શકે છે. તપાસ પૂર્ણ થયા બાદ જ સમગ્ર ઘટનાની હકીકત અને આરોપીની ભૂમિકાનું સંપૂર્ણ ચિત્ર સ્પષ્ટ થશે.
