Cars : આજના સમયમાં શહેરના વધતા જતાં ટ્રાફિકમાં મેન્યુઅલ કાર ચલાવવી ખૂબ જ કંટાળાજનક અને થકવી દેનારી બની ગઈ છે. વારંવાર ક્લચ અને ગિયર બદલવાની ઝંઝટમાંથી મુક્તિ મેળવવા માટે લોકો હવે ઓટોમેટિક કાર તરફ વળી રહ્યા છે. જો તમે પણ ₹8 થી ₹10 લાખના બજેટમાં એક મજબૂત, સુરક્ષિત અને લુકમાં શાનદાર SUV શોધી રહ્યા છો, તો Nissan Magnite Visia AMT તમારા માટે શ્રેષ્ઠ ઓપ્શન સાબિત થઈ શકે છે.
કિંમત અને હરીફાઈ
Nissan Magnite Visia AMT ની શરૂઆતી એક્સ-શોરૂમ કિંમત માત્ર ₹6.21 લાખ છે. આ કિંમત તેને ભારતીય બજારની સૌથી સસ્તી ઓટોમેટિક SUV બનાવે છે જેને 5-સ્ટાર સેફ્ટી રેટિંગ મળ્યું હોય. બજારમાં આ કારની સીધી સ્પર્ધા ટાટા પંચ (Tata Punch), ટાટા નેક્સન (Tata Nexon) અને હ્યુન્ડાઇ એક્સટર (Hyundai Exter) જેવી કારો સાથે છે.
પાવરફુલ એન્જિન અને ડ્રાઇવિંગ
આ SUV માં 999cc નું 3-સિલિન્ડર પેટ્રોલ એન્જિન આપવામાં આવ્યું છે. ગ્રાહકો પોતાની જરૂરિયાત મુજબ ટર્બો અથવા નોન-ટર્બો એન્જિન પસંદ કરી શકે છે. ટ્રાન્સમિશન માટે તેમાં 5-સ્પીડ મેન્યુઅલ સિવાય AMT અને પ્રીમિયમ CVT ઓટોમેટિકનો ઓપ્શન પણ મળે છે. ખાસ કરીને શહેરના ટ્રાફિક માટે તેનું AMT વેરિઅન્ટ ખૂબ જ સ્મૂધ ડ્રાઇવિંગ એક્સપિરિયન્સ અનુભવ આપે છે.
માઇલેજની વિગતો
બજેટ ગ્રાહકો માટે માઇલેજ હંમેશા ચિંતાનો વિષય હોય છે, પણ નિસાન મેગ્નાઇટ અહીં પણ પાછળ નથી. ARAI મુજબ આ કાર 17.9 થી 19.9 કિમી/લીટરની માઇલેજ આપે છે. કેટલાક રિપોર્ટ્સ મુજબ હાઈવે પર તે 20 કિમી/લીટર સુધીની માઇલેજ પણ આપી શકે છે, જે તમારા ફ્યુલના ખર્ચમાં મોટો ઘટાડો કરે છે.
સેફ્ટી ફીચર્સ
સેફ્ટીના મામલે આ કારે બધાને ચોંકાવી દીધા છે. ગ્લોબલ NCAP ક્રેશ ટેસ્ટમાં તેને 5-સ્ટાર સેફ્ટી રેટિંગ મળ્યું છે. સુરક્ષા માટે તેમાં 6 એરબેગ્સ, ABS સાથે EBD, વ્હીકલ ડાયનેમિક કંટ્રોલ અને પાછળના પાર્કિંગ સેન્સર્સ જેવા આધુનિક ફીચર્સ મળે છે, જે પરિવારની મુસાફરીને સુરક્ષિત બનાવે છે.
હાઇ-ટેક ફીચર્સ : ઇન્ટિરિયર અને સ્પેસ
ઓછી કિંમત હોવા છતાં, મેગ્નાઇટ ફીચર્સથી ભરપૂર છે. તેમાં 8-ઇંચની ટચસ્ક્રીન, વાયરલેસ એન્ડ્રોઇડ ઓટો અને એપલ કારપ્લે, 360-ડિગ્રી કેમેરા અને ક્રુઝ કંટ્રોલ જેવા ફીચર્સ મળે છે. સામાન રાખવા માટે 336 લિટરની બૂટ સ્પેસ મળે છે, જેને સીટ્સ ફોલ્ડ કરીને 690 લિટર સુધી વધારી શકાય છે.
