ભારતીય ક્રિકેટ કંટ્રોલ બોર્ડ (BCCI) એ તાજેતરમાં મહિલા ક્રિકેટરોની સેન્ટ્રલ કોન્ટ્રાક્ટ લિસ્ટ બહાર પાડી હતી, જેના પછી એવી અપેક્ષા રાખવામાં આવે છે કે બોર્ડ ટૂંક સમયમાં પુરૂષ ક્રિકેટ માટે પણ કેન્દ્રીય કરારની જાહેરાત કરશે, જ્યાં મોટા ફેરફારોની અપેક્ષા છે.
સેન્ટ્રલ કોન્ટ્રાક્ટની જાહેરાત પહેલા જ વિવિધ અટકળો શરૂ થઈ ગઈ છે, જ્યાં એવું કહેવામાં આવી રહ્યું છે કે શ્રેયસ અય્યર ભારત માટે શાનદાર પ્રદર્શન કરીને BCCIની સેન્ટ્રલ કોન્ટ્રાક્ટ લિસ્ટમાં વાપસી કરવા માટે તૈયાર છે. અય્યર તાજેતરમાં દુબઈમાં ICC ચેમ્પિયન્સ ટ્રોફી 2025 જીતનાર ભારતીય ટીમનો ભાગ હતો.
Shreyas Iyer and Kishan are expected to be included in the BCCI central contracts for the 2024-25 season. Shreyas Iyer is likely to be graded as Grade B. Mohd Shami may lose his BCCI central contract, while Rohit Sharma and Virat Kohli are expected to retain their A+ grades (HT) pic.twitter.com/6MGWgJJHMT
— Vipin Tiwari (@Vipintiwari952) March 26, 2025
રોહિત-વિરાટને લાગી શકે છે આંચકો
મીડિયા રિપોર્ટ્સ અનુસાર આ લિસ્ટમાં ભારતના દિગ્ગજ ક્રિકેટર રોહિત શર્મા અને વિરાટ કોહલીને મોટો ઝટકો લાગી શકે છે. અત્યાર સુધી કેપ્ટન રોહિત, વિરાટ, રવિન્દ્ર જાડેજા અને જસપ્રિત બુમરાહ જેવા ખેલાડીઓને સેન્ટ્રલ કોન્ટ્રાક્ટની A+ શ્રેણીમાં સામેલ કરવામાં આવ્યા હતા. પરંતુ હવે રોહિત, વિરાટ અને જાડેજાએ T20I ક્રિકેટમાંથી નિવૃત્તિ લઈ લીધી છે.
આવી સ્થિતિમાં BCCI નવા સેન્ટ્રલ કોન્ટ્રાક્ટમાં મોટા ફેરફાર કરી શકે છે. રિપોર્ટમાં એવું પણ બહાર આવ્યું છે કે કેટલાક અધિકારીઓ ઈચ્છે છે કે આ ત્રણેય ખેલાડીઓ એક જ શ્રેણીમાં રહે, જ્યારે અન્ય લોકો તેની સાથે સહમત નથી.
A+ શ્રેણીના ખેલાડીઓને વાર્ષિક મળે છે રૂ. 7 કરોડ
તમને જણાવી દઈએ કે A+ કેટેગરીમાં BCCI એવા ખેલાડીઓનો સમાવેશ કરે છે જેઓ ક્રિકેટના ત્રણેય ફોર્મેટમાં સતત રમે છે. રોહિત, વિરાટ અને જાડેજાએ એક ફોર્મેટમાંથી નિવૃત્તિ લીધી હોવાથી, A+ શ્રેણીમાં તેમના સ્થાનને લઈને પ્રશ્નો ઉભા થઈ રહ્યા છે. તમને જણાવી દઈએ કે A+ શ્રેણીના ખેલાડીઓને BCCI તરફથી વાર્ષિક 7 કરોડ રૂપિયાની મોટી રકમ મળે છે.
