જો તમે આવનારા દિવસોમાં એક શાનદાર સ્કૂટર ખરીદવાનું વિચારી રહ્યા છો, તો આ તક તમારા માટે ઉપયોગી થશે. TVS એ જાન્યુઆરીમાં દિલ્હીમાં આયોજિત ઓટો એક્સ્પો 2025માં ઘણા નવા ટુ-વ્હીલર મોડલ રજૂ કર્યા હતા, જેમાં TVS Jupiter CNGનું નામ પણ સામેલ છે. અહેવાલો અનુસાર, TVS Jupiter CNG સ્કૂટર ની કિંમત, રેન્જ અને પાવર વિશે જાણો.
1 કિલો CNG માં Jupiter CNG કેટલી ચાલશે?
ટીવીએસ જ્યુપિટર સીએનજી વિશ્વનું પ્રથમ સીએનજી દ્વારા સંચાલિત સ્કૂટર હોવાનું કહેવાય છે. કંપનીનો દાવો છે કે તેનો રનિંગ ખર્ચ પ્રતિ કિલોમીટર 1 રૂપિયાથી પણ ઓછો છે. તેમાં સીટની નીચે સ્ટોરેજ એરિયામાં 1.4 કિલો સીએનજી ની ટાંકી મૂકવામાં આવી છે. કંપનીનું કહેવું છે કે, આ સ્કૂટર 1 કિલો સીએનજીમાં 84 કિમીની માઇલેજ આપશે. આ સાથે, ટીવીએસ જ્યુપિટર સીએનજી ટાંકી ભરાઈ ગયા પછી 226 કિમી સુધી ચાલી શકશે.
TVS Jupiter CNG ની પાવર
પાવર વિશે વાત કરીએ, તો Jupiter CNG માં OBD2B કમ્પ્લાયન્ટ એન્જિન છે. તેમાં 125cc બાયો-ફ્યુઅલ એન્જિન છે, જે 600rpm પર 5.3kW પાવર અને 5500rpm પર 9.4Nm ટોર્ક આપે છે.
Jupiter CNG ના ફીચર્સ
જ્યુપિટર સીએનજીમાં નવા અને સ્માર્ટ ફીચર્સ આપવામાં આવ્યા છે. તેમાં એલઇડી હેડલાઇટ, યુએસબી ચાર્જર, સ્ટેન્ડ કટ-ઓફ અને બ્લૂટૂથ કનેક્ટિવિટી જેવા ફીચર્સ છે. આ સ્કૂટર ખાસ કરીને ઇકો-ફ્રેન્ડલી અને ઇંધણ બચત માટે બનાવવામાં આવ્યું છે.
Jupiter CNG ની અપેક્ષિત કિંમત
હાલમાં, ટીવીએસ જ્યુપિટર 125 પેટ્રોલ વર્ઝનની કિંમત વેરિઅન્ટના આધારે 88,174 થી 99,015 રૂપિયાની વચ્ચે છે. એવું માનવામાં આવે છે કે આ નવી સીએનજી વર્ઝન પણ આ જ રેન્જમાં, એટલે કે90,000 થી 99,000 રૂપિયાની આસપાસ લોન્ચ કરવામાં આવશે. જોકે, તેમાં સીએનજી ટાંકી હોવાથી, બૂટ સ્પેસ થોડી ઓછી હોઈ શકે છે.
