Tata Curvv CNG: ભારતીય કાર બજારમાં હાલમાં ટાટા મોટર્સની કર્વ CNG લેસર કાર ઘણી ચર્ચામાં છે. ગયા વર્ષથી આ ગાડીના CNG વેરિઅન્ટની રાહ જોવાઈ રહી છે. પહેલા એવા સમાચાર હતા કે તેને ડિસેમ્બર 2024માં લોન્ચ કરવામાં આવી શકે છે. પરંતુ હવે સમાચાર આવી રહ્યા છે કે કંપની આ કારને આ વર્ષે લોન્ચ કરી શકે છે. આ નવા મોડલને લઈને ટાટા મોટર્સ તરફથી કોઈ માહિતી પ્રાપ્ત થઈ નથી. હાલમાં Curvv પેટ્રોલ, ડીઝલ અને CNG માં ઉપલબ્ધ છે.
ડિઝાઇન અને ફીચર્સ
Tata Curvv CNGની ડિઝાઈનમાં કોઈ ફેરફાર કરવામાં આવશે નહીં અને ન તો તેના ઈન્ટિરિયરમાં કોઈ ફેરફાર કરવામાં આવશે. જેઓ વધુ માઈલેજની અપેક્ષા રાખે છે તેઓએ કર્વ CNGની રાહ જોવી જોઈએ. તેની કિંમત લગભગ 11 લાખ રૂપિયા હોઈ શકે છે. Curvv CNG માં 30-30 લીટરની (60 લીટર) બે CNG ટેન્ક સામેલ કરવામાં આવશે.
CNG ટેન્ક પછી પણ તેના બુટમાં જગ્યાની કમી નહીં રહે. Twin CNG સિલિન્ડર ટેક્નોલોજી ધરાવતી ટાટાની અન્ય કારમાં જગ્યાની કોઈ સમસ્યા નથી. ખાસ વાત એ છે કે આ ભારતની પહેલી CNG કાર છે જેમાં CNG કિટ ટર્બો-પેટ્રોલ એન્જિન સાથે આપવામાં આવી છે.
એન્જિન અને સેફ્ટી
Tata Curvv CNGમાં 1.2 લિટર ટર્બો પેટ્રોલ એન્જિન છે જે લગભગ 99 bhp અને 170 Nm ટોર્ક આપશે. પરંતુ CNG કિટ સાથે પાવર અને ટોર્ક આઉટપુટમાં કેટલાક ફેરફાર કરી શકાય છે. આ જ એન્જિન નેક્સોન CNG ને પણ પાવર આપે છે. ટાટા કર્વ CNG માં સલામતી સુવિધાઓની કોઈ કમી રહેશે નહીં. આ કારને ક્રેશ ટેસ્ટમાં 5 સ્ટાર રેટિંગ મળી ચૂક્યું છે.
કર્વમાં 6 એરબેગ્સ, એન્ટી-લોક બ્રેકિંગ સિસ્ટમ, EPS, બ્રેક આસિસ્ટ, 3 પોઈન્ટ સીટ બેલ્ટ અને ડિસ્ક બ્રેક્સથી સજ્જ થઈ શકે છે. ફીચર્સની વાત કરીએ તો Curvvમાં 12.3 ઇંચની ટચ સ્ક્રીન ઇન્ફોટેનમેન્ટ સિસ્ટમ આપવામાં આવી શકે છે. આ સિવાય તેમાં 10.25 ઇંચની ડિજિટલ ડ્રાઇવર ડિસ્પ્લે સાથે ઓફર કરવામાં આવી રહી છે.
આ કારમાં આપવામાં આવી છે રોકેટની ટેકનોલોજી!: માત્ર 0.9 સેકન્ડમાં 100 કિમીની રફ્તાર પકડતી દુનિયાની સૌથી ફાસ્ટ કાર
