Tata Sierra Jubilee Edition : ભારતીય ઓટોમોબાઈલ બજારમાં પોતાની મજબૂત હાજરી ધરાવતી Tata Motorsએ પોતાની લોકપ્રિય SUV Tata Sierra માટે નવું Jubilee Edition રજૂ કર્યું છે. કંપનીએ Sierraના 50,000 યુનિટ વેચાણનો મહત્વપૂર્ણ આંકડો પાર કર્યા બાદ આ સ્પેશિયલ એડિશન બજારમાં ઉતાર્યું છે. Jubilee Edition અલગ મોડલ નથી, પરંતુ હાલના વેરિઅન્ટ્સ પર આધારિત ખાસ એક્સેસરી પેકેજ છે, જે ડીલરશીપ પર ફિટ કરવામાં આવશે. કંપનીએ સ્પષ્ટ કર્યું છે કે નવા Jubilee Editionમાં એન્જિન, પાવરટ્રેન અથવા મુખ્ય મિકેનિકલ ફીચર્સમાં કોઈ ફેરફાર કરવામાં આવ્યો નથી. ગ્રાહકોને વધારાની સ્ટાઇલિંગ અને ઉપયોગી એક્સેસરીઝ સાથે વધુ પ્રીમિયમ એક્સપિરિયન્સ મળે તે માટે આ એડિશન તૈયાર કરવામાં આવ્યું છે. શરૂઆતની એક્સ-શોરૂમ કિંમત ₹11.99 લાખથી શરૂ થાય છે.
Smart+ Jubilee Edition : એન્ટ્રી લેવલે પણ પ્રીમિયમ એક્સપિરિયન્સ
Tata Sierra Smart+ Jubilee Edition આ કેટેગરીનું સૌથી કિફાયતી મોડલ છે. તેની એક્સ-શોરૂમ કિંમત ₹11.99 લાખથી શરૂ થાય છે. આ વેરિઅન્ટમાં 10.25-ઇંચની ટચસ્ક્રીન ઇન્ફોટેનમેન્ટ સિસ્ટમ, વાયરલેસ Android Auto અને Apple CarPlay, રિયર-વ્યૂ કેમેરા, રૂફ રેલ્સ, લેદરેટ સીટ્સ અને 4-સ્પીકર ઓડિયો સિસ્ટમ આપવામાં આવી છે. સાથે જ ડીલર દ્વારા સ્ટીરિયો સહિતની જરૂરી એક્સેસરીઝ પણ ફિટ કરવામાં આવશે, જેથી બેઝ મોડલ હોવા છતાં પ્રીમિયમ એક્સપિરિયન્સ મળે.
આ પણ ખાસ વાંચો : કારની વિન્ડશિલ્ડ પર પડી ગયા છે ડાઘા? : આ સરળ ટિપ્સ અપનાવી માત્ર 5 મિનિટમાં કારના કાચને બનાવો અરીસા જેવો ચમકદાર
Pure Jubilee Edition : સુરક્ષા અને રોજિંદા ઉપયોગ પર ભાર
Pure Jubilee Editionની શરૂઆતની એક્સ-શોરૂમ કિંમત ₹13.39 લાખ છે. આ વેરિઅન્ટમાં આગળ અને પાછળના ડેશકેમ, રૂફ રેલ્સ, પાર્સલ ટ્રે, મેગ્નેટિક સનશેડ્સ, લેદરેટ સીટ કવર, સ્ટીયરિંગ વ્હીલ કવર અને બોડી ક્લેડિંગ પેકેજ આપવામાં આવે છે. સુરક્ષા અને રોજિંદા ઉપયોગને ધ્યાનમાં રાખીને આ એક્સેસરીઝ ઉમેરવામાં આવી છે, જેથી પરિવાર સાથેની મુસાફરી વધુ અનુકૂળ બને.
Adventure Jubilee Edition : વધુ રફ-એન્ડ-ટફ લુક
Adventure Jubilee Edition આ કેટેગરીનું સૌથી ટોપ અને સ્ટાઇલિશ વેરિઅન્ટ છે, જેની શરૂઆતની કિંમત ₹16.19 લાખ છે. આ મોડલમાં ખાસ Sierra ROQ એક્સેસરી કિટ આપવામાં આવે છે. તેમાં આગળ અને પાછળ સ્કિડ પ્લેટ્સ, બોનેટ પર હૂડ સ્કૂપ, વ્હીલ આર્ચ ક્લેડિંગ, બોડી ગ્રાફિક્સ તેમજ આગળ-પાછળના ડેશકેમનો સમાવેશ થાય છે. આ તમામ ઉમેરાઓ Sierraને વધુ સાહસિક અને સ્પોર્ટી દેખાવ આપે છે.
આ પણ ખાસ વાંચો : કાર માટે PPF કરાવવાનો પ્લાન છે? : ₹40 હજારથી ₹2.5 લાખ સુધીનો ખર્ચ... તમારી કાર માટે કયું PPF સૌથી સારું રહેશે જાણો
એન્જિનમાં કોઈ ફેરફાર નહીં
Jubilee Editionમાં મિકેનિકલ રીતે કોઈ ફેરફાર કરવામાં આવ્યો નથી. એટલે કે ગ્રાહકોને અગાઉના પેટ્રોલ અને ડીઝલ એન્જિન વિકલ્પો જ મળશે. આ સ્પેશિયલ એડિશનનો મુખ્ય ફોકસ વધારાની સ્ટાઇલિંગ અને ડીલર-ફિટેડ એક્સેસરીઝ પર છે, નવી પાવરટ્રેન પર નહીં.
Sierra EV પણ બજારમાં ઉપલબ્ધ
Tata Motorsએ Sierraનું ઇલેક્ટ્રિક વર્ઝન Sierra EV પણ રજૂ કર્યું છે. કંપનીના દાવા મુજબ આ ઇલેક્ટ્રિક SUV એક વખતના સંપૂર્ણ ચાર્જ પર આશરે 530 કિલોમીટર સુધીની રિયલ-વર્લ્ડ રેન્જ આપી શકે છે. ICE અને EV બંને વિકલ્પો સાથે Sierra હવે વધુ વ્યાપક ગ્રાહક વર્ગને ટાર્ગેટ કરે છે.
