Sushant Singh Rajput Case Movie : TV જગતથી લઈને બોલિવૂડ સુધી પોતાની શાનદાર એક્ટિંગના દમ પર રાજ કરનાર દિવંગત અભિનેતા સુશાંત સિંહ રાજપૂતને આજે પણ લોકો ખૂબ જ યાદ કરે છે. તાજેતરમાં જ 14 જૂનના રોજ સુશાંતની 6ઠ્ઠી ડેથ એનિવર્સરી હતી, જે નિમિત્તે સોશિયલ મીડિયા પર તેમના ફેન્સ ખૂબ જ ભાવુક જોવા મળ્યા હતા. વર્ષ 2020માં જ્યારે સુશાંત સિંહ રાજપૂતના મોતના સમાચાર સામે આવ્યા, ત્યારે આખો દેશ આઘાતમાં સરી પડ્યો હતો. હવે આ હલચલ મચાવી દેનારા કેસ પર એક નવી હિન્દી ફિલ્મ બનવા જઈ રહી છે, જેનું નામ 'સોરી બાબુ' રાખવામાં આવ્યું છે. આ ફિલ્મનું ફર્સ્ટ લુક પોસ્ટર પણ રિલીઝ કરી દેવામાં આવ્યું છે, જેના કારણે સુશાંત સિંહ રાજપૂતનો કેસ ફરી એકવાર ચર્ચામાં આવ્યો છે.
ફિલ્મનું પોસ્ટર અને રહસ્યમય કહાની
સુશાંત સિંહ રાજપૂતના ડેથ કેસ પર બની રહેલી ફિલ્મ 'સોરી બાબુ'નું પહેલું પોસ્ટર સોશિયલ મીડિયા પર સામે આવ્યું છે. આ પોસ્ટર ખૂબ જ રહસ્યમય અને ચોંકાવનારૂં છે. પોસ્ટરમાં હોસ્પિટલના શબઘર (Mortuary)ની અંદરનો એક નજારો દેખાઈ રહ્યો છે, જેમાં એક મૃતદેહ રાખેલો છે. ત્યાં ઉભેલા 2 લોકો ચાદર હટાવીને તે મૃતદેહનો ચહેરો જોઈ રહ્યા છે. આ પોસ્ટર શેર કરવાની સાથે એક લાઇન લખવામાં આવી છે કે, "સાચું જલદી જ સામે આવી જશે." આ ફિલ્મની કહાની દર્શકોની સામે ઘણા મોટા સવાલો ઉભા કરશે અને આ કેસ સાથે જોડાયેલા દરેક પાત્રનો અસલી ચહેરો દુનિયા સામે લાવવાનો પ્રયત્ન કરશે.
રીયલ લાઈફમાં ક્યારેય દારૂ ન પીધો: છતાં પડદા પર બન્યા આ અભિનેતા બોલીવુડના સૌથી મોટા 'શરાબી'
મુખ્ય ભૂમિકા અને ફિલ્મનું ડાયરેક્શન
આ ફિલ્મનું ડાયરેક્શન જાણીતા ડાયરેક્ટર દીપક ભાગવત કરી રહ્યા છે. ફિલ્મની જાહેરાત સાથે જ લોકોમાં એ જાણવાની ઉત્સુકતા હતી કે સુશાંત સિંહ રાજપૂતનો રોલ કોણ ભજવશે. તમને જણાવી દઈએ કે આ ફિલ્મમાં સુરજીત સિંહ રાઠૌર લીડ રોલમાં જોવા મળશે, જેઓ પડદા પર સુશાંત સિંહ રાજપૂતનું પાત્ર ભજવશે. સુરજીત સિંહ રાઠૌર પોતે આ કેસ સાથે કોઈને કોઈ રીતે જોડાયેલા રહ્યા છે, તેથી આ પાત્રમાં તેમનો લુક કેવો હશે તેના પર સૌની નજર રહેશે.
પરિણીતિ ચોપરાનો નવો શિવ સ્તોત્ર વિડિયો વાયરલ: અવાજ સાંભળી ફેન્સ હેરાન
કૂપર હોસ્પિટલની ઘટના અને નામ પાછળનું સત્ય
આ ફિલ્મનું નામ 'સોરી બાબુ' રાખવા પાછળ મુંબઈની કૂપર હોસ્પિટલની એક મોટી ઘટના જવાબદાર છે. સુશાંત સિંહ રાજપૂતના અવસાન બાદ તેમના પાર્થિવ દેહને કૂપર હોસ્પિટલમાં રાખવામાં આવ્યો હતો. તે સમયે સુશાંતની ગર્લફ્રેન્ડ રિયા ચક્રવર્તી અને સુરજીત સિંહ રાઠૌર હોસ્પિટલ ગયા હતા. એવો દાવો કરવામાં આવે છે કે રિયા ચક્રવર્તીએ હોસ્પિટલમાં સુશાંતના શવને જોઈને છેલ્લી વાર "સોરી બાબુ" કહ્યું હતું. આ ઘટના બાદ ભારે હોબાળો થયો હતો અને કાનૂની કાર્યવાહી દરમિયાન રિયા ચક્રવર્તીની ધરપકડ પણ કરવામાં આવી હતી. આ જ ઘટનાક્રમને ફિલ્મમાં મુખ્ય રીતે દર્શાવવામાં આવશે.
