અમદાવાદ વિમાન દુર્ઘટના પછી એર ઇન્ડિયાના ઘણા વિમાનોમાં ટેકનિકલ ખામી જોવા મળી છે. જેના કારણે મુસાફરોને ઘણી મુશ્કેલીનો સામનો કરવો પડ્યો છે. આ દરમિયાન NCP (શરદ જૂથ) ના નેતા સુપ્રિયા સુલેએ એર ઇન્ડિયાની ફ્લાઇટ AI 2971 દ્વારા દિલ્હીથી પુણે મુસાફરી કરી હતી. તેમણે આ વિશે પોસ્ટ કરી છે.
સુપ્રિયા સુલેએ પોતાની પોસ્ટમાં લખ્યું છે કે હું એર ઇન્ડિયાની ફ્લાઇટ દ્વારા દિલ્હીથી પુણે મુસાફરી કરી રહી છું. ફ્લાઇટ 3 કલાકથી વધુ મોડી ચાલી રહી છે. તેના વિશે કોઈ માહિતી આપવામાં આવી રહી નથી. કોઈ અપડેટ્સ નથી કોઈ સહાય નથી અને ખૂબ જ નબળી સેવા છે. એર ઇન્ડિયા માટે આવો વિલંબ અને ગેરવહીવટ સામાન્ય બની ગયો છે.
આગળ NCP (S) ના નેતા સુપ્રિયા સુલેએ લખ્યું કે આવી સ્થિતિમાં મુસાફરો લાચાર થઈ જાય છે. આ ઉદાસીનતા સ્વીકાર્ય નથી. આ પોસ્ટમાં તેમણે કેન્દ્રીય નાગરિક ઉડ્ડયન મંત્રી રામ મોહન નાયડુ અને નાગરિક ઉડ્ડયન મંત્રાલયના એકાઉન્ટને ટેગ કરીને લખ્યું હસ્તક્ષેપ કરો અને એરલાઇનને જવાબદાર બનાવો. મુસાફરો આનાથી વધુ સારાને લાયક છે.
Travelling from Delhi to Pune on @airindia flight AI 2971. The flight is delayed by over 3 hours — no clear communication, no updates, no assistance and very bad service. Such delays and mismanagement are becoming a norm with @airindia. Passengers are left stranded and helpless.…
— Supriya Sule (@supriya_sule) June 17, 2025
એર ઇન્ડિયાએ 6 આંતરરાષ્ટ્રીય ફ્લાઇટ્સ રદ કરી
એર ઇન્ડિયાએ મંગળવારે વિવિધ કારણોસર અને વિમાન કાફલાના નિરીક્ષણમાં વધારો થવાને કારણે લંડન-અમૃતસર અને દિલ્હી-દુબઈ સહિત 6 આંતરરાષ્ટ્રીય ફ્લાઇટ્સ રદ કરી હતી. આ અંગે એર ઇન્ડિયાએ કહ્યું છે કે રદ કરાયેલી અન્ય ફ્લાઇટ્સ બેંગલુરુ-લંડન દિલ્હી-વિયેના દિલ્હી-પેરિસ અને મુંબઈ-સાન ફ્રાન્સિસ્કો છે. અગાઉ એર ઇન્ડિયાએ અમદાવાદ-લંડન ગેટવિક ફ્લાઇટ રદ કરી હતી. કંપનીનું કહેવું છે કે તે નાગરિક ઉડ્ડયન મહાનિર્દેશાલય (DGCA) દ્વારા દેશભરમાં એર ઇન્ડિયાની તમામ ફ્લાઇટ્સની તપાસનો એક ભાગ છે.
