કિંગ કોહલીની કમાલ-ધમાલ ક્રિકેટ કરિયર : વિરાટની વિદાયથી ટેસ્ટ ક્રિકેટના એક યુગનો અંત! ક્રિકેટ જગતમાં કોહલીના નામે છે અનેક 'વિરાટ રેકોર્ડ'

ભારતીય ક્રિકેટર વિરાટ કોહલીએ ટેસ્ટ ક્રિકેટમાંથી નિવૃત્તિની જાહેરાત કરી છે. ૩૬ વર્ષીય વિરાટ કોહલી ટેસ્ટ ક્રિકેટમાં ઓસ્ટ્રેલિયાના પ્રવાસ દરમિયાન બોર્ડર-ગાવસ્કર ટ્રોફીમાં રમતા જોવા મળ્યો હતો. કોહલીએ જૂન 2011 માં કિંગ્સ્ટનમાં વેસ્ટ ઈન્ડિઝ સામે ટેસ્ટ ડેબ્યૂ કર્યું હતું.

ભારતીય ક્રિકેટર વિરાટ કોહલીએ ટેસ્ટ ક્રિકેટમાંથી નિવૃત્તિની જાહેરાત કરી છે. ૩૬ વર્ષીય વિરાટ કોહલી ટેસ્ટ ક્રિકેટમાં ઓસ્ટ્રેલિયાના પ્રવાસ દરમિયાન બોર્ડર-ગાવસ્કર ટ્રોફીમાં રમતા જોવા મળ્યો હતો. જ્યાં ભારતને 5 મેચની શ્રેણીમાં 1-3 થી હારનો સામનો કરવો પડ્યો હતો. વિરાટ કોહલીએ શ્રેણીની પહેલી મેચ એટલે કે પર્થ ટેસ્ટમાં સદી ફટકારી હતી, પરંતુ તે પછી તે સંઘર્ષ કરતો જોવા મળ્યો. તમને જણાવી દઈએ કે વિરાટ કોહલીએ T20 ફોર્મેટ પહેલા જ નિવૃત્તિ લઈ લીધી હતી. હવે તે વનડેમાં રમતા જોવા મળશે.

વિરાટ કોહલીએ જૂન 2011 માં કિંગ્સ્ટનમાં વેસ્ટ ઈન્ડિઝ સામે ટેસ્ટ ડેબ્યૂ કર્યું હતું. ત્યારબાદ કોહલીએ પહેલી ઇનિંગમાં 4 રન અને બીજી ઇનિંગમાં 15 રન બનાવ્યા. તેમની છેલ્લી ટેસ્ટ ઓસ્ટ્રેલિયા સામે સિડનીમાં હતી, જે જાન્યુઆરી 2025માં રમાઈ હતી. આ છેલ્લી ટેસ્ટમાં કોહલીએ પહેલી ઇનિંગમાં 17 રન અને બીજી ઇનિંગમાં 6 રન બનાવ્યા હતા.કિંગ કોહલીએ ૧૨૩ ટેસ્ટ મેચ રમી છે. આ સમયગાળા દરમિયાન, તેણે 46.85 ની સરેરાશથી 9230 રન બનાવ્યા. કોહલીએ ટેસ્ટમાં 30 સદી અને 31 અડધી સદી ફટકારી છે.

વિરાટ કોહલીએ પોતાની ઇન્સ્ટાગ્રામ પોસ્ટ પર નિવૃત્તિની જાહેરાત કરી. તેણે કહ્યું, 'ટેસ્ટ ક્રિકેટમાં મેં પહેલીવાર વાદળી જર્સી પહેરી તેને 14 વર્ષ થઈ ગયા છે. સાચું કહું તો, મેં ક્યારેય કલ્પના પણ નહોતી કરી કે આ ફોર્મેટ મને કઈ સફર પર લઈ જશે. તેણે મારી કસોટી કરી, મને ઘડ્યો, અને મને એવા પાઠ શીખવ્યા જે હું મારા બાકીના જીવન માટે મારી સાથે રાખીશ. સફેદ રંગમાં રમવું એ ખૂબ જ વ્યક્તિગત અનુભવ છે. શાંત મહેનત, લાંબા દિવસો, નાની ક્ષણો જે કોઈ જોતું નથી પણ તે હંમેશા તમારી સાથે રહે છે.

કોહલીએ આગળ કહ્યું, 'જ્યારે હું આ ફોર્મેટથી દૂર જઈ રહ્યો છું, ત્યારે તે સરળ નથી - પણ તે યોગ્ય લાગે છે.' મેં મારું સર્વસ્વ આપી દીધું છે અને તેણે મને મારી અપેક્ષા કરતાં વધુ આપ્યું છે. હું રમત માટે, મેદાન પરના લોકો માટે અને આ સફરમાં મને ટેકો આપનારા દરેક વ્યક્તિ માટે કૃતજ્ઞતાથી ભરેલા હૃદય સાથે વિદાય લઈ રહ્યો છું. હું હંમેશા મારા ટેસ્ટ કારકિર્દીને સ્મિત સાથે જોઈશ.

જાણો કેવો રહ્યો કેપ્ટનશીપ રેકોર્ડ:
વિરાટ ટેસ્ટ ઇતિહાસમાં ભારતનો સૌથી સફળ કેપ્ટન રહ્યો છે. વિરાટે 68 ટેસ્ટ મેચોમાં ભારતનું નેતૃત્વ કર્યું હતું જેમાંથી ટીમે 40 મેચ જીતી હતી. જ્યારે કોહલીએ કેપ્ટનશીપ સંભાળી ત્યારે ભારતીય ટીમ સાતમા સ્થાને હતી. પરંતુ પોતાની અને તેના સાથી ખેલાડીઓની મહેનતને કારણે, કોહલી વિશ્વના નંબર-1 સ્થાન પર પહોંચ્યો.

વિરાટ કોહલીની આંતરરાષ્ટ્રીય ક્રિકેટ કારકિર્દી:
૧૨૩ ટેસ્ટ, ૨૧૦ ઇનિંગ્સ, ૯૨૩૦ રન, ૪૬.૮૫ સરેરાશ, ૩૦ સદી, ૩૧ અડધી સદી
૩૦૨ વનડે, ૨૯૦ ઇનિંગ્સ, ૧૪૧૮૧ રન, ૫૭.૮૮ સરેરાશ, ૫૧ સદી, ૭૪ અડધી સદી, ૫
૧૨૫ ટી-૨૦, ૧૧૭ ઇનિંગ્સ, ૪૧૮૮ રન, ૪૮.૬૯ સરેરાશ, ૧ સદી, ૩૮ અડધી સદી, ૪.