બ્લૂમબર્ગ ન્યૂઝના શનિવારના અહેવાલ મુજબ, એલોન મસ્કની કંપની SpaceX એક એવા ટ્રાન્ઝેક્શનની તૈયારી કરી રહી છે જેનાથી આ રોકેટ અને સેટેલાઇટ કંપનીનું વેલ્યુએશન $800 બિલિયન (અંદાજે ₹72 લાખ કરોડ) સુધી પહોંચી શકે છે.
પોતાના સ્ટારલિંક સેટેલાઇટ ગ્રુપ દ્વારા ઓર્બિટલ લોન્ચ અને ઇન્ટરનેટ સર્વિસમાં ઈન્ડસ્ટ્રી લીડર ગણાતી આ કંપની એક ટેન્ડર ઓફર પર વિચાર કરી રહી છે. આ ઓફર પ્રાઇવેટ કંપનીઓના અગાઉના તમામ રેકોર્ડ તોડી શકે છે અને 2026ની શરૂઆતમાં જ ઈનિશિયલ પબ્લિક ઓફરિંગ (IPO) માટેનો રસ્તો ખોલી શકે છે.
OpenAIના રેકોર્ડને પાછળ છોડશે
આ બાબત સાથે સંકળાયેલા લોકોએ જણાવ્યું હતું કે SpaceX ઇનસાઇડર શેર (Insider Shares) વેચવાની તૈયારી કરી રહી છે. આનાથી એલોન મસ્કની કંપનીનું મૂલ્ય OpenAI ના રેકોર્ડ-સેટિંગ $500 બિલિયન કરતાં વધી જશે. જો આ કન્ફર્મ થાય છે, તો SpaceX ફરી એકવાર દુનિયાની સૌથી મૂલ્યવાન 'ક્લોઝલી હેલ્ડ' (ખાનગી માલિકીની) કંપની બની જશે.
આવતા વર્ષે આવી શકે છે SpaceXનો IPO
એક સૂત્રના જણાવ્યા અનુસાર, SpaceX આવતા વર્ષના અંત સુધીમાં પોતાનો IPO લાવી શકે છે.
ગુરુવારે ટેક્સાસમાં SpaceX ના સ્ટારબેઝ હબમાં બોર્ડ ઓફ ડિરેક્ટર્સે આ વિગતો પર ચર્ચા કરી હતી. જોકે, ખરીદદારો અને વેચાણકર્તાઓના હિતને ધ્યાનમાં રાખીને તેમાં ફેરફાર થઈ શકે છે.
શેરની કિંમત અને વેલ્યુએશન
જાણકારોના મતે, જે શેરના ભાવ પર વાત થઈ રહી છે તે $400 પ્રતિ શેર કરતાં વધુ છે, જેનાથી SpaceX નું મૂલ્ય $750 બિલિયનથી $800 બિલિયન વચ્ચે થશે.
જોકે, બ્લૂમબર્ગનું કહેવું છે કે કેટલાક ઇનસાઇડર સેલ્સ લગભગ $300 પ્રતિ શેરના ભાવે ક્લિયર થઈ શકે છે, જે કંપનીનું મૂલ્ય લગભગ $560 બિલિયન આંકશે.
આનો અર્થ એ છે કે આ ડીલ હાલમાં નેગોશિયેશનના તબક્કામાં છે.
ઈકોસ્ટાર (EcoStar)ના શેરમાં ઉછાળો
SpaceX ના વેલ્યુએશનના સમાચારને કારણે સેટેલાઇટ ટીવી અને વાયરલેસ કંપની ઈકોસ્ટાર કોર્પના શેરમાં 18% સુધીનો ઉછાળો જોવા મળ્યો હતો. ઉલ્લેખનીય છે કે ગયા મહિને ઈકોસ્ટારે SpaceX ને $2.6 બિલિયનમાં સ્પેક્ટ્રમ લાયસન્સ વેચવા પર સહમતિ દર્શાવી હતી.
