સ્કોડા ઇન્ડિયાએ ભારતમાં 25 વર્ષ અને વૈશ્વિક સ્તરે 130 વર્ષ પૂર્ણ થતા પોતાના ત્રણ લોકપ્રિય મોડલ — કુશાક, સ્લેવિયા અને કાયલક —ના એનિવર્સરી એડિશન લોન્ચ કર્યા છે. તેમની કિંમત ₹11.25 લાખથી ₹19.09 લાખ (એક્સ-શોરૂમ) સુધી છે. ખાસ વાત એ છે કે કાયલક એનિવર્સરી એડિશનના માત્ર 500 યુનિટ જ વેચાણ માટે ઉપલબ્ધ રહેશે.
ખાસ ડિઝાઇન અને ફીચર્સ
આ સ્પેશિયલ એડિશનમાં “25 વર્ષ” બેજ, બ્લેક-આઉટ એલિમેન્ટ્સ, ખાસ લાઇટિંગ પેકેજ, 360-ડિગ્રી કેમેરા, પૂડલ લેમ્પ્સ અને અંડરબોડી લાઇટ્સ જેવી સુવિધાઓ આપવામાં આવી છે.
કુશાક એનિવર્સરી એડિશન કિંમત
1.0 TSI મેન્યુઅલ – ₹16.39 લાખ
1.0 TSI ઓટોમેટિક – ₹17.49 લાખ
1.5 TSI DSG – ₹19.09 લાખ
સ્લેવિયા એનિવર્સરી એડિશન કિંમત
1.0 TSI મેન્યુઅલ – ₹15.63 લાખ
1.0 TSI ઓટોમેટિક – ₹16.73 લાખ
1.5 TSI DSG – ₹18.33 લાખ
કાયલક એનિવર્સરી એડિશન કિંમત
સિગ્નેચર+ – ₹11.25 લાખ
પ્રેસ્ટિજ – ₹12.89 લાખ
એન્જિન અને પરફોર્મન્સ
કુશાક અને સ્લેવિયા પહેલા જેવી જ 1.0 લિટર અને 1.5 લિટર TSI એન્જિન સાથે આવશે, જ્યારે કાયલક ફક્ત 1.0 લિટર TSI એન્જિનમાં ઉપલબ્ધ છે. મિકેનિકલ સેટઅપમાં કોઈ ફેરફાર નથી, એટલે કે પ્રદર્શન અને ડ્રાઇવિંગ અનુભવ અગાઉ જેવો જ રહેશે.
સ્કોડા અનુસાર, આ એડિશન હાલના મોડેલોને નવી ઓળખ અને વિશિષ્ટ અનુભવ આપવા માટે બનાવવામાં આવ્યું છે. ખાસ કરીને કાયલકનું લિમિટેડ એડિશન કલેક્ટર્સ અને બ્રાન્ડ ચાહકો માટે એક અનોખી તક છે.
