LPG cylinder price: આજે 1 ફેબ્રુઆરી, 2026ના રોજ યુનિયન બજેટ પહેલા LPG ગ્રાહકોને મોટો આંચકો લાગ્યો છે. ઓઈલ માર્કેટિંગ કંપનીઓએ કોમર્શિયલ LPG સિલિન્ડર (19 કિલો)ના ભાવમાં વધારો કર્યો છે, જેની અસર હોટલો, રેસ્ટોરન્ટ્સ, નાના વેપારીઓ અને ફૂડ બિઝનેસ પર પડશે. ખાસ કરીને ચેન્નાઈમાં આ વધારો સૌથી વધુ જોવા મળ્યો છે. અહીં 19 કિલોના કોમર્શિયલ સિલિન્ડરની કિંમત ₹1,849.50થી વધારીને ₹1,899.50 કરવામાં આવી છે, એટલે કે ₹50નો વધારો થયો છે. આ સાથે જ ચેન્નાઈમાં આ સિલિન્ડર હવે ₹1,900ની નજીક પહોંચી ગયું છે.
અન્ય મુખ્ય શહેરોમાં પણ વધારો થયો છે
દિલ્હી: ₹1,740.50 (₹49નો વધારો)
મુંબઈ: ₹1,692 (₹49.50નો વધારો)
કોલકાતા: ₹1,844.50 (₹49.50નો વધારો)
આ વધારો દેશભરમાં લગભગ ₹49થી ₹50 સુધીનો છે અને તે આજથી જ અમલમાં આવી ગયો છે. ઓઈલ કંપનીઓ દર મહિને ગ્લોબલ ફ્યુઅલ ટ્રેન્ડ્સ, એક્સચેન્જ રેટ અને અન્ય ખર્ચને આધારે ભાવ રિવાઈઝ કરે છે.
ઘરેલુ LPG સિલિન્ડર
મહત્વની વાત એ છે કે ઘરેલુ LPG સિલિન્ડર (14.2 કિલો)ના ભાવમાં કોઈ ફેરફાર થયો નથી. દિલ્હીમાં તે ₹853, મુંબઈમાં ₹852.50, કોલકાતામાં ₹879 અને ચેન્નાઈમાં ₹868.50 જ રહ્યા છે. આનાથી ઘરેલુ ગ્રાહકોને રાહત મળી છે. આ વધારો બજેટના દિવસે આવ્યો હોવાથી વેપારી વર્ગમાં અસર જોવા મળી રહી છે, કારણ કે તેમના ઓપરેટિંગ ખર્ચમાં વધારો થશે.
આ વર્ષની શરૂઆતથી જ કોમર્શિયલ LPGના ભાવમાં અનેક વખત ફેરફાર થયા છે, જેમાં જાન્યુઆરીમાં પણ મોટો વધારો જોવા મળ્યો હતો.ગ્રાહકોને સલાહ છે કે નવી કિંમતોની પુષ્ટિ માટે Indian Oil, Bharat Petroleum કે Hindustan Petroleumની ઓફિશિયલ વેબસાઈટ અથવા એપ પર ચેક કરી લે.
