૧૫ ઓગસ્ટ ૧૯૭૫ના રોજ રિલીઝ થયેલી ફિલ્મ શોલે આજે ૫૦ વર્ષની થઈ રહી છે. તેના સદાબહાર સંવાદો અને પાત્રો આજે પણ દર્શકોના દિલમાં જીવંત છે.
વિદેશ મંત્રી એસ. જયશંકરએ આ અવસર પર પોતાનો અનુભવ શેર કરતાં કહ્યું કે તેઓ એ સ્થળે ગયા હતા, જ્યાં ફિલ્મમાં ગબ્બર સિંહ (અમજદ ખાન)નું ઠેકાણું બનાવવામાં આવ્યું હતું. આજે ત્યાં એક રિસોર્ટ છે અને પર્યટકો માટે આ સ્થળ વિશેષ આકર્ષણનું કેન્દ્ર છે.
શૂટિંગનું સ્થાન
ફિલ્મમાં દેખાડાયેલ "રામગઢ ગામ"નું સેટઅપ બેંગ્લોર નજીકના રામનગરના ખડકાળ પ્રદેશમાં બનાવાયું હતું.
નિર્માતાઓએ શૂટિંગ માટે બેંગ્લોર હાઇવે પરથી રામનગર સુધી લાંબો રસ્તો પણ બનાવ્યો, જેથી સામગ્રી અને સ્ટાફનું પરિવહન સરળ બને.
આર્ટ ડિરેક્ટર રામ યેડેકરએ ગામનું સેટ ડિઝાઇન કર્યું હતું.
ફિલ્મ સુપરહિટ થયા બાદ, રામનગરનું આ સ્થળ ભારત અને વિદેશના ફિલ્મપ્રેમીઓ માટે આકર્ષણ બની ગયું અને આજે પણ ત્યાં પર્યટકો "શોલે"ની યાદોને જીવંત કરે છે.
