ભૂકંપના 13 આંચકા, 10 વિસ્ફોટ..અને...! : રશિયાએ યુક્રેનની રાજધાની કિવ પર કર્યો મિસાઇલોનો 'મારો'?

સુધીમાં 10થી વધુ મિસાઇલો છોડવામાં આવી છે. રશિયાના આ હુમલાથી યુક્રેનમાં અરાજકતા ફેલાઈ ગઈ છે. એક અહેવાલ મુજબ, કિવમાં 13 ભૂકંપના આંચકા અનુભવાયા હતા. 10 હુમલામાં 19 લોકો ઘાયલ થયાના અહેવાલ છે, જેમને તાત્કાલિક હોસ્પિટલમાં દાખલ કરવામાં આવ્યા હતા.
બેલિસ્ટિક મિસાઇલથી હુમલો કર્યો
કિવ ઈન્ડિપેન્ડન્ટના મતે રશિયાએ આ હુમલો બેલિસ્ટિક મિસાઈલથી કર્યો છે. રશિયન રાષ્ટ્રપતિ વ્લાદિમીર પુતિનની તેમના અમેરિકન સમકક્ષ ડોનાલ્ડ ટ્રમ્પ સાથે ફોન પર વાતચીતના થોડા કલાકો પછી જ આ હુમલો કરવામાં આવ્યો હતો. કિવ ઇન્ડિપેન્ડન્ટના સંવાદદાતાઓએ દાવો કર્યો છે કે હુમલા પછી સમગ્ર વિસ્તારની હવા ઝેરી બની ગઈ છે. લોકો શ્વાસ લઈ શકતા નથી. યુક્રેનિયન અધિકારીઓ એ જાણવાનો પ્રયાસ કરી રહ્યા છે કે આ હુમલો કરવા માટે કયા હથિયારનો ઉપયોગ કરવામાં આવ્યો હતો?
કિવ પર સૌથી મોટો હુમલો?
સૂત્રો પાપ્ત વિગતો મુજબ કિવ પર આટલો મોટો હુમલો પહેલી વાર થયો છે. રશિયાએ યુક્રેનને આતંકિત કરવા માટે આ પ્રકારનો હુમલો કર્યો છે. હુમલા બાદથી કિવમાં આગની વિશાળ જ્વાળાઓ જોવા મળી હતી. સ્થાનિક મીડિયા અનુસાર, સંરક્ષણ વિભાગે લોકોને આગ કાબુમાં ન આવે ત્યાં સુધી તેમના દરવાજા અને બારીઓ બંધ રાખવા જણાવ્યું છે.
રશિયા કિવ સામે આક્રમક કેમ બન્યું?
યુક્રેન સાથેના યુદ્ધમાં અત્યાર સુધીમાં 10 લાખ રશિયન સૈનિકો માર્યા ગયા છે. છેલ્લા 24 કલાકમાં 1000 સૈનિકો માર્યા ગયાના અહેવાલ છે. યુક્રેને અત્યાર સુધીમાં 420 રશિયન વિમાનો અને 340 હેલિકોપ્ટરને પણ તોડી પાડ્યા છે. રશિયા હવે યુદ્ધને આગળ વધારવા માંગતું નથી. તાજેતરમાં અમેરિકાએ યુક્રેનને મદદ કરવાનો ઇનકાર કર્યો છે. રશિયા હવે આ સમયને પોતાના માટે તકમાં ફેરવવાનો પ્રયાસ કરી રહ્યું છે.