રોયલ એનફિલ્ડની જોરદાર તૈયારી : લોન્ચ કરશે 5 નવી બુલેટ

વર્ષ 2024 Royal Enfield માટે સારું સાબિત થયું છે અને હવે કંપનીએ આગામી વર્ષ 2025 માટે તૈયારીઓ શરૂ કરી દીધી છે. કંપની નવા વર્ષમાં પોતાની 5 નવી બાઈક લોન્ચ કરવા જઈ રહી છે. અહેવાલો અનુસાર, કંપની Himalayan 450 Rally, Scram 440, Bullet 650 Twin, Continental GT 750 અને Classic 650 રજૂ કરી શકે છે. જો કે આ મામલે લેલિન કંપની તરફથી હજુ સુધી આ અંગે કોઈ માહિતી મળી નથી. જો તમે આવનારા દિવસોમાં નવી રોયલ એનફિલ્ડ બાઈક ખરીદવાનું વિચારી રહ્યાં છો, તો આ લિસ્ટ તમારા માટે ફાયદાકારક સાબિત થઈ શકે છે.

Bullet 650 Twin
Royal Enfield નવા વર્ષમાં નવી Bullet 650 Twin રજૂ કરી શકે છે. ટેસ્ટિંગ દરમિયાન આ બાઈક ઘણી વખત જોવા મળી છે. બુલેટ 650ની ડિઝાઇન પણ બુલેટ 350 જેવી જ હશે. તમને જણાવીએ કે તેમાં ક્લાસિક 650 જેવા જ કંપોનેન્ટ અને પાવરટ્રેન હશે. આ એક હેવી બાઇક હશે. જે લોકો હાઈ પરફોર્મન્સવાળી બાઇક શોધી રહ્યા છે તેઓને આ બાઇક જરૂરથી ગમશે.

Classic 650
Royal Enfield પણ વર્ષ 2025માં જ તેની નવી Classic 650 માર્કેટમાં લૉન્ચ કરી શકે છે. રિપોર્ટ્સ અનુસાર, આ બાઇકને આવતા મહિને લોન્ચ કરવામાં આવી શકે છે. આ બાઈકના એન્જિનની વાત કરીએ તો, બાઇકમાં 648cc સમાંતર ટ્વિન એન્જિન આપવામાં આવશે જે 46.3bhpનો મહત્તમ પાવર અને 52.3Nmનો ટોર્ક જનરેટ કરી શકે છે. આ બાઇકની ડિઝાઇન ક્લાસિક 350 જેવી હોઈ શકે છે.

Scram 440
રોયલ એનફિલ્ડે તાજેતરમાં જ સ્ક્રેમ 440નું પ્રદર્શન કર્યું હતું, આ બાઇકમાં 443cc સિંગલ-સિલિન્ડર એન્જિન છે જે 25.4bhpનો મહત્તમ પાવર અને 34Nmનો ટોર્ક જનરેટ કરે છે. બાઇકની કિંમત અને લોન્ચિંગ અંગેની માહિતી નવા વર્ષમાં જાહેર થઈ શકે છે.

Continental GT 750
Royal Enfield આવતા વર્ષે માર્કેટમાં બીજી નવી બાઇક Continental GT 750 લોન્ચ કરી શકે છે. ટેસ્ટિંગ દરમિયાન આ બાઇક ઘણી વખત જોવા મળી છે. આ બાઇકમાં ઘણા સારા સેફ્ટી ફીચર્સ જોવા મળી શકે છે. તેના ફ્રન્ટમાં ડ્યુઅલ ડિસ્ક બ્રેક સેટઅપ આપવામાં આવ્યું છે. તેમાં એલોય વ્હીલ્સ અને ટ્યૂબલેસ ટાયર પણ જોઈ શકાય છે. જેમને રેસિંગ પસંદ છે તેમના માટે આ બાઇક એક સારી ચોઈસ સાબિત થઈ શકે છે.

Himalayan 450 Rally
Royal Enfield આવતા વર્ષે હિમાલયન 450 રેલી વેરિઅન્ટ લોન્ચ કરશે. આ બાઇકની ડિઝાઇનમાં થોડી નવીનતા જોવા મળી શકે છે. નવા એક્ઝોસ્ટ એન્ડ-કેન અને કેટલાક અપડેટ બોડીવર્ક છે. ફંક્શનલ અપગ્રેડ જેમ કે સંપૂર્ણપણે એડજસ્ટેબલ ફ્રન્ટ અને રિયર સસ્પેન્શન આ બાઇકમાં મળી શકે છે.