Renault Kiger: Renault એ ભારતીય બજારમાં તેની લોકપ્રિય સબ-4 મીટર SUV Kiger નું 2025 મોડલ લોન્ચ કર્યું છે. 360 કેમેરા જેવા શાનદાર ફિચર્સ પણ સામેલ છે. કિંમત, ડિઝાઇન, અને લુક વિશે વિગતવાર જાણો.
કિંમત
Renault Kiger ની શરૂઆતની કિંમત 6.29 લાખ રૂપિયા (એક્સ-શોરૂમ) રાખવામાં આવી છે, જ્યારે તેના ટોપ-સ્પેક ટર્બો-પેટ્રોલ વેરિઅન્ટની શરૂઆત 9.99 લાખ રૂપિયાથી થાય છે. કંપનીએ તેના વેરિઅન્ટ સ્ટ્રક્ચરને પણ નવીનીકરણ કર્યું છે. હકીકતમાં, હવે આ SUV ઓથેન્ટિક, ઇવોલ્યુશન, ટેક્નો અને ઇમોશન નામના ચાર વેરિઅન્ટમાં ઉપલબ્ધ થશે. ટર્બો-પેટ્રોલ વર્ઝનનું CVT ટ્રીમ ટેક્નોથી શરૂ થાય છે, જેની કિંમત 9.99 લાખ રૂપિયા છે અને ટોપ મોડેલ 11.29 લાખ રૂપિયા સુધી જાય છે. જોકે, આ કિંમતો પ્રારંભિક ઓફર હેઠળ તહેવારોની સીઝન સુધી જ માન્ય રહેશે.
ડિઝાઇન અને રંગ અપડેટ્સ
નવી Renault Kiger માં નાના પરંતુ અસરકારક કોસ્મેટિક ફેરફારો કરવામાં આવ્યા છે. તેમાં નવો ફ્રન્ટ બમ્પર, LED હેડલેમ્પ અને LED ફોગ લેમ્પ્સ છે. જે આ SUV ને વધુ સ્પોર્ટી બનાવવા માટે સાઇડ પ્રોફાઇલમાં નવા 16-ઇંચના એલોય વ્હીલ્સ ઉમેરવામાં આવ્યા છે. પાછળના ભાગમાં નાના ફેરફારો કરવામાં આવ્યા છે, પરંતુ સૌથી ખાસ તેનો નવો Oasis Yellow કલર વિકલ્પ છે, જે તેને પહેલા કરતા વધુ આકર્ષક બનાવે છે.
સુવિધાઓ અને સેફટી અપગ્રેડ
નવી કાઇગરનું ઇન્ટિરિયર વધુ પ્રીમિયમ બન્યું છે. તેમાં નવું ડેશબોર્ડ લેઆઉટ, 8 ઇંચની ટચસ્ક્રીન ઇન્ફોટેનમેન્ટ સિસ્ટમ છે, જે વાયરલેસ Android Auto અને Apple CarPlay ને સપોર્ટ કરે છે. આ વખતે તેમાં પહેલીવાર વેન્ટિલેટેડ ફ્રન્ટ સીટો છે. આ ઉપરાંત, SUVમાં મલ્ટી-વ્યૂ કેમેરા, ઓટો હેડલેમ્પ્સ અને ઓટો વાઇપર્સ આપવામાં આવ્યા છે. સલામતીની દ્રષ્ટિએ તેને વધુ મજબૂત બનાવવામાં આવી છે. તે હવે સ્ટાન્ડર્ડ તરીકે 6 એરબેગ્સ સાથે આવે છે અને તેની સાથે, હિલ હોલ્ડ આસિસ્ટ અને ટાયર પ્રેશર મોનિટરિંગ સિસ્ટમ જેવી 21 અદ્યતન સલામતીના ફીચર્સ ઉમેરવામાં આવ્યા છે.
એન્જિન અને પ્રદર્શન
નવી Renault Kiger માં પહેલા જેવું જ એન્જિન વિકલ્પ છે. તેમાં 1.0L નેચરલી એસ્પિરેટેડ પેટ્રોલ એન્જિન છે, જે 71bhp પાવર અને 96Nm ટોર્ક જનરેટ કરે છે. તેમાં 5-સ્પીડ MT અને AMTનો વિકલ્પ છે. અને બીજું એન્જિન 1.0L ટર્બો-પેટ્રોલ છે, જે 98bhp પાવર અને 160Nm ટોર્ક આપે છે. આ માટે, 5-સ્પીડ MT અને CVTનો વિકલ્પ ઉપલબ્ધ છે. આ ઉપરાંત, CNG વેરિઅન્ટ પણ ઉપલબ્ધ છે જે નોન-ટર્બો એન્જિન અને 5-સ્પીડ MT સાથે આવે છે.
