Renault Kiger : Renault Indiaએ તેની લોકપ્રિય SUV Renault Kigerનું નવું મોડલ ભારતીય બજારમાં ઉતાર્યું છે. કંપનીએ કાઇગર લાઇનઅપમાં નવું Evolution+ વેરિઅન્ટ ઉમેર્યું છે. આ નવા અપડેટ સાથે ગ્રાહકોને હવે ખૂબ જ પરવડે તેવી કિંમતે પાવરફુલ ટર્બો પેટ્રોલ એન્જિન અને પ્રીમિયમ ફીચર્સનો લાભ મળશે. આ લોન્ચ સાથે જ Renault Kiger ભારતમાં સૌથી સસ્તી ટર્બો પેટ્રોલ એન્જિન ધરાવતી SUV બની ગઈ છે.
નવા વેરિઅન્ટની વિશેષતા
Renault Indiaએ Kiger SUV સિરીઝમાં નવું Evolution+ ટ્રીમ રજૂ કરીને ગ્રાહકોને વધુ વિકલ્પો આપ્યા છે. આ નવું વેરિઅન્ટ મેન્યુઅલ ટ્રાન્સમિશન (MT) અને ઓટોમેટેડ મેન્યુઅલ ટ્રાન્સમિશન (AMT) બંને વિકલ્પો સાથે 1.0 લિટર નેચરલી એસ્પિરેટેડ (NA) એન્જિનમાં ઉપલબ્ધ છે. આ ઉપરાંત ગ્રાહકોને આ વેરિઅન્ટમાં મેન્યુઅલ ટ્રાન્સમિશન સાથે ટર્બો પેટ્રોલ એન્જિનનો શાનદાર વિકલ્પ પણ મળે છે. ટર્બો પેટ્રોલ એન્જિન ધરાવતા આ વેરિઅન્ટની શરૂઆતી એક્સ-શોરૂમ કિંમત માત્ર Rs 7.89 લાખ રાખવામાં આવી છે, જ્યારે નેચરલી એસ્પિરેટેડ વેરિઅન્ટની કિંમત Rs 6.99 લાખ છે.
આ પણ ખાસ વાંચો : Tataની નવી Sierra EVએ રણમાં કર્યું ડૂન બેશિંગ : પ્રીમિયમ ફિચર્સ અને લક્ઝુરિયસ લુક સાથે આ દિવસે માર્કેટમાં મચાવશે ધમાલ
આધુનિક અને પ્રીમિયમ ફીચર્સ
નવા Evolution+ ટ્રીમમાં ઓછી કિંમતે પણ ગ્રાહકોની સુવિધા માટે ઘણા આધુનિક ફીચર્સ ઉમેરવામાં આવ્યા છે. આ કારમાં હવે પુશ-બટન સ્ટાર્ટ અને સ્ટોપ સિસ્ટમ સાથે સ્માર્ટ એક્સેસ કાર્ડ આપવામાં આવ્યું છે. આ સિવાય મુસાફરીને આરામદાયક બનાવવા માટે ઓટોમેટિક ક્લાઇમેટ કંટ્રોલ અને સ્માર્ટફોનને સરળતાથી ચાર્જ કરવા માટે વાયરલેસ સ્માર્ટફોન ચાર્જર જેવા પ્રીમિયમ ફીચર્સ પણ સામેલ કરવામાં આવી છે.
વેરિઅન્ટ લાઇનઅપમાં મોટો વધારો
કંપનીએ ગ્રાહકોની પસંદગીને ધ્યાનમાં રાખીને વેરિઅન્ટ્સની સંખ્યામાં મોટો વધારો કર્યો છે. Renault Kigerની ટર્બો પેટ્રોલ લાઇનઅપ હવે 3 વેરિઅન્ટથી વધીને 5 વેરિઅન્ટની થઈ ગઈ છે, જેમાં લોકપ્રિય Techno ટ્રીમ હવે 5-speed મેન્યુઅલ ગિયરબોક્સ સાથે પણ ખરીદી શકાશે. બીજી તરફ નેચરલી એસ્પિરેટેડ (NA) એન્જિન રેન્જ પણ 6થી વધીને 8 વેરિઅન્ટની થઈ ગઈ છે, જે ખરીદદારોને જુદી જુદી બજેટ કેટેગરીમાં વધુ સારા વિકલ્પો પ્રદાન કરે છે.
આ પણ ખાસ વાંચો : રસ્તા પર ટેસ્ટિંગ દરમિયાન જોવા મળી Honda Elevate Facelift : પેનોરેમિક સનરૂફથી લઈને 360 ડિગ્રી કેમેરા સુધી જોવા મળશે મોટા અપગ્રેડસ
ટર્બો વેરિઅન્ટ્સની કિંમતો
ભારતમાં Renault Kiger ટર્બો વેરિઅન્ટ્સની ઓલ-ઈન્ડિયા એક્સ-શોરૂમ કિંમતો ખૂબ જ આકર્ષક છે. જેમાં Evolution+ મેન્યુઅલ વેરિઅન્ટની કિંમત Rs 7,89,000 છે. જ્યારે Techno મેન્યુઅલની કિંમત Rs 8,45,000 અને Techno X-Tronic CVT ઓટોમેટિકની કિંમત Rs 9,35,000 રાખવામાં આવી છે. આ ઉપરાંત Emotion મેન્યુઅલ વેરિઅન્ટ Rs 9,35,000માં અને તેનું ટોપ મોડલ Emotion X-Tronic CVT ઓટોમેટિક Rs 10,35,000ની કિંમતે ઉપલબ્ધ છે.
નેચરલી એસ્પિરેટેડ મોડલ્સની કિંમતો
નેચરલી એસ્પિરેટેડ Kiger એનર્જી રેન્જની વાત કરીએ તો તેની કિંમતો પણ બજેટ ફ્રેન્ડલી છે. આ સિરીઝમાં શરૂઆતી વેરિઅન્ટ Authentic મેન્યુઅલની કિંમત Rs 5,81,000 છે. Evolution મેન્યુઅલની કિંમત Rs 6,55,000 અને તેના Easy-R AMT વેરિઅન્ટની કિંમત Rs 6,99,000 છે. નવા Evolution+ મેન્યુઅલ મોડલની કિંમત Rs 6,99,000 અને તેના AMT મોડલની કિંમત Rs 7,45,000 નક્કી કરાઈ છે. જ્યારે Techno મેન્યુઅલ Rs 7,55,000 અને Techno AMT Rs 8,05,000માં મળશે. આ સિરીઝનું ટોપ-એન્ડ Emotion મોડલ માત્ર મેન્યુઅલ ગિયરબોક્સ સાથે Rs 8,45,000માં ઉપલબ્ધ છે.
આ પણ ખાસ વાંચો : મોંઘી કારોની ફીલ હવે રૂ.10 લાખથી ઓછી કિંમતે... : Citroenએ Aircrossનું નવું Comfort Edition કર્યું લોન્ચ
એન્જિન પાવર અને પરફોર્મન્સ
Renault Kigerમાં બે દમદાર એન્જિન વિકલ્પો મળે છે. તેનું 1.0 લિટર નેચરલી એસ્પિરેટેડ પેટ્રોલ એન્જિન 72bhpનો પાવર અને 96Nmનો ટોર્ક જનરેટ કરે છે જે 5-speed મેન્યુઅલ અથવા AMT ગિયરબોક્સ સાથે આવે છે. જ્યારે વધુ પાવરફુલ 1.0 લિટર ટર્બો-પેટ્રોલ એન્જિન 100bhpનો શાનદાર પાવર પ્રોડ્યુસ કરે છે. આ ટર્બો એન્જિન મેન્યુઅલ ગિયરબોક્સમાં 152Nm ટોર્ક અને CVT ઓટોમેટિક ગિયરબોક્સ સાથે 160Nm ટોર્ક આપે છે. કંપનીના જણાવ્યા અનુસાર આ ટર્બો વર્ઝન તેના ક્લાસમાં સૌથી શ્રેષ્ઠ ટોર્ક-ટુ-વેઇટ રેશિયો પ્રદાન કરે છે.
