Want to buy an SUV on a low budget : ભારતીય ઓટો બજારમાં SUVs સતત લોકપ્રિયતા મેળવી રહી છે. તેમની વધેલી જગ્યા, વધુ ગ્રાઉન્ડ ક્લિયરન્સ, મજબૂત બોડી અને સુધારેલી સેફટીને કારણે, લોકો હવે હેચબેક કરતાં નાની SUVs પસંદ કરી રહ્યા છે. નોંધપાત્ર રીતે, ઘણી કોમ્પેક્ટ SUVs હવે India NCAP તરફથી 5-સ્ટાર સલામતી રેટિંગ મેળવી રહી છે. આનાથી ઓછા બજેટમાં પણ SUV રાખવાનું સ્વપ્ન સાકાર થાય છે. જાણો એવી ભારતમાં 5 સૌથી સસ્તી SUVs વિશેની માહિતી, જેની કિંમત ₹7 લાખથી ઓછી છે.
Tata Punch
Tata Punch હાલમાં ભારતની સૌથી સસ્તી SUV છે, જેની કિંમત ₹5.59 લાખથી શરૂ થાય છે. 2026 ફેસલિફ્ટ સાથે, ટાટાએ અનેક સ્ટાઇલ અને ફીચર અપડેટ્સ રજૂ કર્યા છે. કંપનીએ નવું 120hp ટર્બો-પેટ્રોલ એન્જિન પણ રજૂ કર્યું છે. હાલના 1.2-લિટર પેટ્રોલ અને CNG એન્જિન ઓપ્શન યથાવત છે. મેન્યુઅલ અને AMT ગિયરબોક્સ સાથે, Tata Punch તમામ પ્રકારના ગ્રાહકો માટે એક મજબૂત પસંદગી તરીકે ઉભરી આવ્યું છે.
Nissan Magnite અને Renault Kiger
Nissan Magnite ₹5.61 લાખથી શરૂ થાય છે અને Renault Kiger જેવું જ પ્લેટફોર્મ શેર કરે છે. તે 1.0-લિટર પેટ્રોલ અને ટર્બો-પેટ્રોલ એન્જિન સાથે ઉપલબ્ધ છે, સાથે CNG ઓપ્શન પણ છે. Renault Kiger ની શરૂઆતની એક્સ-શોરૂમ કિંમત ₹5.76 લાખથી શરૂ થાય છે. Renault Kiger માં વધુ પોવેરફુલ્લ ટર્બોચાર્જ્ડ એન્જિન અને CVT ગિયરબોક્સ પણ છે, જે તેને તેના સેગમેન્ટમાં અનન્ય બનાવે છે.
Hyundai Exter અને Maruti Fronx
Hyundai Exter ની એક્સ-શોરૂમ કિંમત ₹5.73 લાખથી શરૂ થાય છે અને તે કંપનીની એન્ટ્રી-લેવલ SUV છે. તે 1.2-લિટર પેટ્રોલ અને CNG એન્જિન, મેન્યુઅલ અને AMT ગિયરબોક્સ સાથે ઉપલબ્ધ છે. બીજી તરફ, Maruti Suzuki Fronx ની એક્સ-શોરૂમ કિંમત ₹6.84 લાખથી શરૂ થાય છે. Maruti Baleno પર બેસ્ડ, Fronx વધુ સ્ટાઇલિશ ડિઝાઇન ધરાવે છે અને પેટ્રોલ, ટર્બો-પેટ્રોલ અને CNG એન્જિન ઓપ્શનમાં ઉપલબ્ધ છે.
