Tata and Maruti Cars : પેટ્રોલ અને ડીઝલના વધતા ભાવને કારણે આજે ભારતીય ઓટોમોબાઈલ બજારમાં CNG કારની માંગ ખૂબ જ ઝડપથી વધી રહી છે. જ્યારે પણ કોઈ ગ્રાહક નવી CNG કાર ખરીદવાનું વિચારે છે, ત્યારે તેના મનમાં સૌથી પહેલો પ્રશ્ન માઇલેજને લઈને જ આવે છે. સામાન્ય રીતે લોકોના મનમાં એક પ્રશ્ન અવારનવાર ઉઠતો હોય છે કે મારુતિની CNG કાર ખૂબ વધારે માઇલેજ આપે છે, જ્યારે ટાટા મોટર્સની CNG કારનું માઇલેજ તેની સરખામણીમાં ઓછું હોય છે. હકીકતમાં આ પાછળ માત્ર એન્જિન જવાબદાર નથી, પરંતુ બંને કંપનીઓની અલગ-અલગ પ્રાથમિકતાઓ છે. જ્યાં મારુતિનું મુખ્ય ધ્યાન હંમેશા ઇંધણ કાર્યક્ષમતા એટલે કે માઇલેજ પર રહે છે, ત્યાં ટાટા મોટર્સ સેફ્ટી, મજબૂતાઈ અને સારા ડ્રાઇવિંગ એક્સપિરિયન્સને વધુ મહત્વ આપે છે.
ભારે વજન અને મજબૂત સ્ટીલ બોડી
ટાટાની CNG કારનું માઇલેજ ઓછું હોવાનું સૌથી મોટું અને મુખ્ય કારણ તેનું વજન છે. ટાટા કંપની પોતાની દરેક ગાડીઓને મજબૂત સ્ટીલ બોડી અને ઉચ્ચ સુરક્ષા માપદંડો સાથે તૈયાર કરે છે. આ મજબૂત બોડી અકસ્માત સમયે મુસાફરોને વધુ સુરક્ષા પૂરી પાડે છે અને હાઇવે પર ઊંચી ઝડપે પણ ગાડીને સંપૂર્ણ સ્થિર રાખે છે.જોકે, ગાડીનું વજન વધારે હોવાને કારણે એન્જિનને તેને આગળ વધારવા માટે વધુ તાકાત લગાવવી પડે છે. આ બાબત સીધી રીતે ઇંધણના વપરાશ પર અસર કરે છે અને તેના કારણે ગાડીનું માઇલેજ થોડું ઓછું થઈ જાય છે.
આ પણ ખાસ વાંચો : 360 ડિગ્રી કેમેરા અને આકર્ષક ડિઝાઇન સાથે આવશે Tata Tigor Facelift : Tiago કરતાં વધુ દમદાર લુક અને પ્રીમિયમ ફીચર્સ સાથે Dzireને આપશે ટક્કર
એન્જિન પાવર અને પરફોર્મન્સ ટેકનોલોજી
બંને કંપનીઓની એન્જિન ટેકનોલોજીમાં પણ ઘણો મોટો તફાવત જોવા મળે છે. મારુતિની મોટાભાગની CNG કારમાં 1.0 લિટરનું નાનું એન્જિન આપવામાં આવે છે, જેને ખાસ કરીને વધુ માઇલેજ આપવા માટે જ ટ્યુન કરવામાં આવ્યું હોય છે. બીજી તરફ, ટાટા સામાન્ય રીતે પોતાની ગાડીઓમાં 1.2 લિટરનું મોટું એન્જિન આપે છે અને કેટલાક પ્રીમિયમ મોડલોમાં ટર્બોચાર્જ્ડ એન્જિનનો પણ ઉપયોગ કરે છે. આ મોટા એન્જિન વધુ પાવર અને શાનદાર પરફોર્મન્સ જનરેટ કરે છે, જેનાથી હાઇવે અને સિટી બંને જગ્યાએ ડ્રાઇવિંગનો શાનદાર અનુભવ મળે છે, પરંતુ વધુ પાવરના કારણે તે નાના એન્જિન જેટલી ઇંધણ કાર્યક્ષમતા આપી શકતા નથી.
આ પણ ખાસ વાંચો : આવતા મહિને ભારતમાં લોન્ચ થશે Hondaની સૌથી ખાસ હાઇબ્રિડ SUV : હાઇબ્રિડ એન્જિન અને મોડર્ન ફીચર્સ સાથે મળશે પ્રીમિયમ લુક
મસ્ક્યુલર ડિઝાઇન અને એરોડાયનેમિક્સની અસર
કોઈપણ કારની ડિઝાઇન પણ તેના માઇલેજને નક્કી કરવામાં મહત્વનો ભાગ ભજવે છે. ટાટા પંચ અને નેક્સન જેવી ગાડીઓ મજબૂત અને મસ્ક્યુલર SUV ડિઝાઇનમાં આવે છે, જે દેખાવમાં ખૂબ જ આકર્ષક લાગે છે. પરંતુ જ્યારે કાર હાઇવે પર તેજ ગતિએ દોડે છે, ત્યારે આવી મસ્ક્યુલર ડિઝાઇનના કારણે હવાનો અવરોધ વધુ નડે છે, જેથી ગાડીને આગળ વધવા માટે વધુ ઊર્જા વાપરવી પડે છે. તેની સામે મારુતિની ઘણી કાર હળવી અને એરોડાયનેમિક ડિઝાઇન સાથે તૈયાર કરવામાં આવે છે, જેના કારણે તે હવામાં સરળતાથી કાપીને ઓછા ઇંધણમાં લાંબુ અંતર કાપી શકે છે.
આ પણ ખાસ વાંચો : ભારતમાં માત્ર 50 લોકો જ ખરીદી શકશે Skodaની આ ખાસ SUV : Kodiaq RSનું લોન્ચિંગ પહેલા જ બુકિંગ શરૂ, જાણો ફીચર્સ
iCNG અને S-CNG ટેકનોલોજી વચ્ચેનો તફાવત
CNG ટેકનોલોજીના મામલામાં પણ બંને કંપનીઓનો અભિગમ તદ્દન અલગ છે. ટાટાની iCNG ટેકનોલોજી ખાસ કરીને ગ્રાહકોની સુરક્ષા અને સુવિધાને ધ્યાનમાં રાખીને બનાવવામાં આવી છે. તેમાં ટ્વીન-સિલિન્ડર સેટઅપ મળે છે જેથી બુટ સ્પેસ જળવાઈ રહે, સાથે જ ગેસ લીક ડીટેક્શન, ઓટોમેટિક ગેસ કટ-ઓફ અને થર્મલ પ્રોટેક્શન જેવા અદભુત સેફ્ટી ફીચર્સ આપવામાં આવ્યા છે. આ સુવિધાઓ સુરક્ષા તો વધારે છે, પરંતુ તેના કારણે આખી સિસ્ટમ થોડી જટિલ અને વજનદાર બની જાય છે. જ્યારે મારુતિની S-CNG ટેકનોલોજી વર્ષોથી માત્ર માઇલેજ વધારવા અને ઇંધણની મહત્તમ બચત કરવાના સિદ્ધાંત પર જ કામ કરે છે.
