રિલાયન્સ ઇન્ડસ્ટ્રીઝે ફેસબુક સાથે મળીને નવી AI કંપની, રિલાયન્સ એન્ટરપ્રાઇઝ ઇન્ટેલિજન્સ લિમિટેડ (REIL),ની સ્થાપના કરી છે. આ સંયુક્ત સાહસમાં રિલાયન્સ ઇન્ટેલિજન્સ 70% હિસ્સો ધરાવશે, જ્યારે મેટાની પેટાકંપની ફેસબુક ઓવરસીઝ ઇન્ક. 30% હિસ્સો ખરીદશે. આ નવા સાહસમાં બંને કંપનીઓએ સંયુક્ત રીતે ₹855 કરોડનું પ્રારંભિક રોકાણ કર્યું છે. REILનો ઉદ્દેશ્ય AI સેવાઓનો વિકાસ, માર્કેટિંગ અને વિતરણ કરવાનો છે. 24 ઓક્ટોબર, 2025ના રોજ સ્થપાયેલી આ કંપનીની રચના માટે કોઈ સરકારી કે નિયમનકારી મંજૂરીની જરૂર પડી ન હતી.
રિલાયન્સના Q2 પરિણામો
નફો વાર્ષિક 9.6% વધ્યો, ત્રિમાસિક 33% ઘટાડોરિલાયન્સ ઇન્ડસ્ટ્રીઝે નાણાકીય વર્ષ 2025-26ના બીજા ત્રિમાસિક (જુલાઈ-સપ્ટેમ્બર) પરિણામો જાહેર કર્યા છે. 18 ઓક્ટોબર, 2025ના રોજ જાહેર થયેલા આંકડા મુજબ, કંપનીનો ચોખ્ખો નફો વાર્ષિક ધોરણે 9.6% વધીને ₹18,165 કરોડ થયો, જે રિટેલ, ટેલિકોમ અને ઓઇલ-ટુ-કેમિકલ સેગમેન્ટના મજબૂત પ્રદર્શનને આભારી છે. જોકે, વર્તમાન સ્ટોક સ્તરે વધેલા નુકસાનને કારણે ત્રિમાસિક ધોરણે નફો 33% ઘટ્યો, જે એપ્રિલ-જૂનના ₹26,994 કરોડની સરખામણીએ નોંધપાત્ર ઘટાડો દર્શાવે છે.
