Govt to Lift Petrol and Diesel Sales Restrictions: ભારત સરકારે ફ્યુઅલ (બળતણ) સપ્લાય અંગેની ચિંતાઓ ઓછી થયા બાદ, 1 જુલાઈથી પેટ્રોલ અને ડીઝલના વેચાણ પર લાદવામાં આવેલા અસ્થાયી પ્રતિબંધો હટાવવાનો નિર્ણય લીધો છે. મિડલ ઈસ્ટ (મધ્ય પૂર્વ)માં ચાલી રહેલા સંઘર્ષના કારણે ગ્લોબલ સપ્લાય ચેઈન ખોરવાઈ ગઈ હતી અને સંભવિત અછતની આશંકા વધી ગઈ હોવાથી, આ મહિનાની શરૂઆતમાં આ પ્રતિબંધો લાદવામાં આવ્યા હતા.
આ પ્રતિબંધો હેઠળ વ્યાપારી ખરીદદારો (Commercial Buyers)ને રિટેલ ઇંધણ સ્ટેશનો (પેટ્રોલ પંપ) પરથી પેટ્રોલ અને ડીઝલ ખરીદવા પર રોક લગાવી દેવામાં આવી હતી. સરકારે ડીઝલની ખરીદી પર દૈનિક મર્યાદા પણ નક્કી કરી હતી, જેથી વૈશ્વિક પરિસ્થિતિ વધુ બગડે તો સામાન્ય જનતા માટે પૂરતું ઇંધણ ઉપલબ્ધ રહી શકે.
12 જૂનના રોજ લાદવામાં આવ્યા હતા પ્રતિબંધો
આ પ્રતિબંધો હટાવવાથી કમર્શિયલ ગ્રાહકો (જેમાં ટ્રાન્સપોર્ટ ઓપરેટર્સ અને ઔદ્યોગિક વપરાશકર્તાઓ સામેલ છે) જૂન મહિનામાં લાગુ કરાયેલા જથ્થા સંબંધી પ્રતિબંધો વિના, રિટેલ ઇંધણ આઉટલેટ્સ પરથી ફરીથી ખરીદી કરી શકશે. આ પ્રતિબંધો પેટ્રોલિયમ અને કુદરતી ગેસ મંત્રાલય દ્વારા 12 જૂનના રોજ લાદવામાં આવ્યા હતા.
તે સમયે મંત્રાલયે જણાવ્યું હતું કે, આ આદેશનો હેતુ ડીઝલના કાળાબજાર અને સંગ્રહખોરીને રોકવાનો, રિટેલ આઉટલેટ્સ પરથી ઇંધણના ડાયવર્ઝનને અટકાવવાનો અને નિયમિત રિટેલ ગ્રાહકો માટે સપ્લાય સુનિશ્ચિત કરવાનો છે. મંત્રાલયે સ્પષ્ટતા કરી હતી કે આ પગલાં અસ્થાયી છે અને શરૂઆતમાં 90 દિવસ સુધી માન્ય રાખવામાં આવ્યા હતા. સાથે જ એવું પણ કહેવામાં આવ્યું હતું કે આ પ્રતિબંધો કોઈ રેશનિંગનો ઉપાય નથી અને દેશમાં પેટ્રોલ કે ડીઝલની કોઈ અછત નથી.
આ પણ વાંચો: ઘર ખરીદવું થયું વધુ મોંઘું! : પ્રોપર્ટીના ભાવમાં સૌથી મોટો ઉછાળો; રિપોર્ટમાં થયો સૌથી મોટો ખુલાસો
ઇંધણના વેચાણ પર સરકારના પ્રતિબંધો
સરકારે કમર્શિયલ યુઝર્સ માટે રિટેલ આઉટલેટ્સ પરથી ફ્યુઅલ ખરીદવા પર રોક લગાવી દીધી હતી. આ સાથે જ ડીઝલના વેચાણને પણ નિયંત્રિત કરવામાં આવ્યું હતું, જેના હેઠળ ગ્રાહક અથવા વાહન દીઠ દરરોજ મહત્તમ 200 લીટર સુધી જ ડીઝલ આપી શકાતું હતું.
સપ્લાય ચેઈન અને અછતની આશંકા
આ પગલું એટલે ઉઠાવવામાં આવ્યું હતું કારણ કે સંબંધિત વિસ્તારમાં તણાવની સ્થિતિને લીધે સપ્લાય ચેઈન પર અસર પડવાનું જોખમ ઊભું થયું હતું. આ સાથે જ સ્થાનિક સ્તરે ઇંધણની અછત થવાની આશંકા પણ સતત વધી રહી હતી. પરિણામે, પરિસ્થિતિને નિયંત્રણમાં લેવા માટે આ પ્રતિબંધો લાગુ કરવામાં આવ્યા હતા.
આ પણ વાંચો: હવે ₹10,000થી વધુ રકમ ઓનલાઇન ટ્રાન્સફર કરવા પર થશે વિલંબ : સાયબર ફ્રોડ પર લગામ કસવા RBIનો મોટો પ્રસ્તાવ
