Cricket Record : ભારતમાં ક્રિકેટ એ માત્ર એક રમત નથી પણ લોકોની લાગણી છે. આપણા દેશમાં સચિન તેંડુલકર, વિરાટ કોહલી અને એમએસ ધોની જેવા ઘણા દિગ્ગજ ખેલાડીઓ થયા છે જેમણે ક્રિકેટની દુનિયામાં મોટા રેકોર્ડ બનાવ્યા છે. આ ખેલાડીઓના રેકોર્ડ અવારનવાર તૂટતા રહે છે, પરંતુ ભારતીય ક્રિકેટના ઇતિહાસમાં એક એવો પણ રેકોર્ડ છે જે છેલ્લા 77 વર્ષથી કોઈ તોડી શક્યું નથી. આ સિદ્ધિ એટલી અદ્ભુત હતી કે વિરોધી ટીમ ડરીને મેદાન છોડીને ભાગી ગઈ હતી.
કોણ છે આ મહાન ખેલાડી?
સુનિલ ગાવસ્કર અને સચિન તેંડુલકર જેવા મહાન બેટ્સમેનોએ ભારતીય ક્રિકેટમાં અનેક રેકોર્ડ બનાવ્યા છે, પરંતુ આ ખાસ રેકોર્ડ આજે પણ એક જ વ્યક્તિના નામે છે. ભારતીય ઘરેલુ ક્રિકેટના ઇતિહાસમાં આ અદ્ભુત સિદ્ધિ પૌસાહેબ નિમ્બાલકર નામના ખેલાડીએ મેળવી હતી. આજે પણ કોઈ ભારતીય ખેલાડી ફર્સ્ટ ક્લાસ ક્રિકેટમાં તેમનો આ મહાન સ્કોર પાર કરી શક્યો નથી.
માર્ચમાં ફ્રાન્સનો કેપ્ટન, જૂનમાં મોરોક્કોનો હીરો!: માત્ર 18 વર્ષની ઉંમરે 100 મેચનો અનુભવ, બ્રાઝિલ સામે બતાવ્યો ક્લાસ
કાઠિયાવાડ સામે ઐતિહાસિક ઇનિંગ
આ ઐતિહાસિક ઘટના વર્ષ 1948-49ની રણજી ટ્રોફી દરમિયાન બની હતી. મહારાષ્ટ્રની ટીમ તરફથી રમતા પૌસાહેબ નિમ્બાલકરે કાઠિયાવાડની ટીમ સામે અણનમ 443 રન બનાવીને ઇતિહાસ રચી દીધો હતો. પુણેમાં રમાયેલી આ મેચમાં નિમ્બાલકર ત્રીજા નંબરે બેટિંગ કરવા આવ્યા હતા અને તેમણે વિરોધી ટીમના બોલરોની જોરદાર ધોલાઈ કરી હતી. તેમણે પોતાની આ યાદગાર ઇનિંગમાં 49 ચોગ્ગા અને 1 સિક્સર ફટકારી હતી, જે આજે પણ રણજી ટ્રોફીના ઇતિહાસનો સૌથી મોટો વ્યક્તિગત સ્કોર છે.
સર ડોન બ્રેડમેનનો રેકોર્ડ અને વિરોધી ટીમનો ડર
તે સમયે ફર્સ્ટ ક્લાસ ક્રિકેટમાં વિશ્વમાં સૌથી વધુ રન બનાવવાનો રેકોર્ડ ઓસ્ટ્રેલિયાના મહાન બેટ્સમેન સર ડોન બ્રેડમેનના નામે હતો, જેમણે 452 રન બનાવ્યા હતા. નિમ્બાલકર જો માત્ર 10 રન વધુ બનાવી લેત તો તેઓ બ્રેડમેનનો વર્લ્ડ રેકોર્ડ તોડી નાખત. પરંતુ એવું થઈ શક્યું નહીં કારણ કે નિમ્બાલકરની આવી તોફાની બેટિંગ જોઈને કાઠિયાવાડની ટીમ ગભરાઈ ગઈ હતી. તેમણે મેચ આગળ રમવાની ના પાડી દીધી અને લંચ બ્રેક પછી મેદાન છોડીને જતા રહ્યા હતા.
ભારતીય અંડર-19 મહિલા ટીમમાં સૌરાષ્ટ્રમાંથી એકમાત્ર પસંદગી: બોટાદની અવની ચાવડાનો કમાલ, ઇન્ટરનેશનલ ક્રિકેટમાં કરશે ઈન્ડિયાનું પ્રતિનિધિત્વ
16 કલાકની અદ્ભુત બેટિંગ અને અજોડ સિદ્ધિ
ત્રીજા નંબરે બેટિંગ કરવા આવેલા નિમ્બાલકરે આ મેચમાં લગભગ 16 કલાક સુધી ક્રિઝ પર ટકી રહીને બેટિંગ કરી હતી. આ લાંબી ઇનિંગના અંતે તેઓ 443 રને નોટઆઉટ રહ્યા હતા. વિશ્વના ફર્સ્ટ ક્લાસ ક્રિકેટ ઇતિહાસમાં નિમ્બાલકરનો આ સ્કોર ચોથો સૌથી મોટો વ્યક્તિગત સ્કોર છે. આજે 77 વર્ષ પછી પણ ભારતીય ખેલાડીઓમાં ફર્સ્ટ ક્લાસ ક્રિકેટમાં સૌથી વધુ રન બનાવવાનો રેકોર્ડ પૌસાહેબ નિમ્બાલકરના નામે જ સુરક્ષિત છે. આ સાથે જ તેઓ ભારતીય ક્રિકેટમાં એક જ ઇનિંગમાં 400 રનનો આંકડો પાર કરનાર એકમાત્ર ખેલાડી છે.
