T20 World Cup Pakistan Team: પાકિસ્તાન ક્રિકેટ બોર્ડ (PCB) એ ICC Men's T20 World Cup 2026 માટે 15 સભ્યોની ટીમની જાહેરાત કરી છે. આ ટુર્નામેન્ટ 7 ફેબ્રુઆરી 2026થી શરૂ થશે અને તેનું આયોજન ભારત અને શ્રીલંકામાં થશે. પાકિસ્તાનની ટીમમાં બાબર આઝમની વાપસી થઈ છે, જ્યારે અનુભવી વિકેટકીપર-બેટ્સમેન મોહમ્મદ રિઝવાન અને ફાસ્ટ બોલર હરિસ રૌફને બહાર રાખવામાં આવ્યા છે. સલમાન અલી આગા કેપ્ટન તરીકે ટીમનું નેતૃત્વ કરશે.
ટીમની જાહેરાત અને પ્રેસ કોન્ફરન્સ
25 જાન્યુઆરી 2026ના રોજ લાહોરના ગદ્દાફી સ્ટેડિયમમાં પ્રેસ કોન્ફરન્સ દ્વારા ટીમ જાહેર કરવામાં આવી હતી. આ પ્રસંગે PCBના હાઇ પર્ફોર્મન્સ ડિરેક્ટર આકિબ જાવેદ, T20I કેપ્ટન સલમાન અલી આગા અને વ્હાઇટ-બોલ હેડ કોચ માઇક હેસન હાજર રહ્યા હતા. આ જાહેરાત બાદ પાકિસ્તાનની ભાગીદારી પરની અટકળોને વિરામ મળ્યો છે.
ટીમમાં નવા ચહેરા અને ડેબ્યૂ
આ ટુર્નામેન્ટમાં છ ખેલાડીઓ પહેલીવાર T20 વર્લ્ડ કપ રમશે .
કેપ્ટન સલમાન અલી આગા, ફહીમ અશરફ, ખ્વાજા મોહમ્મદ નાફે, મોહમ્મદ સલમાન મિર્ઝા, સાહિબઝાદા ફરહાન અને ઉસ્માન તારિક. આ યુવા પ્રતિભાઓને તક મળી છે જ્યારે અનુભવી ખેલાડીઓ જેમ કે બાબર આઝમ, શાહીન શાહ આફ્રિદી અને શાદાબ ખાન ટીમને મજબૂતી આપશે.
પાકિસ્તાનની ટીમ (15 સભ્યો):
સલમાન અલી આગા (કેપ્ટન)
અબરાર અહેમદ
બાબર આઝમ
ફહીમ અશરફ
ફખર ઝમાન
ખ્વાજા મોહમ્મદ નાફે (વિકેટકીપર)
મોહમ્મદ નવાઝ
મોહમ્મદ સલમાન મિર્ઝા
નસીમ શાહ
સાહિબઝાદા ફરહાન (વિકેટકીપર)
સૈમ અયુબ
શાહીન શાહ આફ્રિદી
શાદાબ ખાન
ઉસ્માન ખાન (વિકેટકીપર)
ઉસ્માન તારિક
પાકિસ્તાનનું ગ્રુપ અને મેચ શેડ્યૂલ (ગ્રુપ A):
પાકિસ્તાન ગ્રુપ Aમાં છે અને તેની તમામ મેચો શ્રીલંકાના કોલંબોમાં રમાશે. 7 ફેબ્રુઆરી: પાકિસ્તાન વિ નેધરલેન્ડ્સ (કોલંબો)
10 ફેબ્રુઆરી: પાકિસ્તાન વિ યુએસએ (કોલંબો)
15 ફેબ્રુઆરી: ભારત વિ પાકિસ્તાન (કોલંબો) – હાઇવોલ્ટેજ મેચ
18 ફેબ્રુઆરી: પાકિસ્તાન વિ નામિબિયા
ટુર્નામેન્ટ પહેલાં પાકિસ્તાન ઘરે ઓસ્ટ્રેલિયા સામે T20 શ્રેણી રમશે, જે ટીમને તૈયારી માટે મદદરૂપ થશે. આ ટીમમાં યુવા અને અનુભવનું સારું મિશ્રણ છે, અને બાબર આઝમની ફોર્મ પર બધાની નજર રહેશે.
