શેખ હસીનાને સત્તા પરથી દૂર કરવામાં પાકિસ્તાનનો હાથ : આ મોટા આતંકવાદી સાથે નીકળ્યું કનેક્શન

ગયા વર્ષે બાંગ્લાદેશમાં થયેલા વિશાળ વિરોધ પ્રદર્શનો અને વડા પ્રધાન શેખ હસીનાના સત્તા પરથી ગયા બાદ એક ચોંકાવનારો દાવો સામે વ્યો છે. પાકિસ્તાનના પ્રતિબંધિત આતંકવાદી સંગઠન જમાત-ઉદ-દાવા (JuD) ના નેતાઓએ ખુલ્લેઆમ કહ્યું છે કે શેખ હસીનાને સત્તા પરથી દૂર કરવાના કાવતરામાં તેમણે મહત્વપૂર્ણ ભૂમિકા ભજવી હતી. જેયુડીનો વડા બીજું કોઈ નહીં પણ મુંબઈ હુમલાનો માસ્ટરમાઇન્ડ હાફિઝ સઈદ છે. આ નિવેદનથી બાંગ્લાદેશના રાજકારણમાં ખળભળાટ મચી ગયો છે, પરંતુ ભારતની સુરક્ષા એજન્સીઓને પણ ચેતવણી આપવામાં આવી છે.

જેયુડીના નેતા સૈફુલ્લાહ કસુરી અને યુએન દ્વારા જાહેર કરાયેલા આતંકવાદી મુઝમ્મિલ હાશ્મીએ તાજેતરમાં તેમના ભાષણોમાં આ દાવાઓનું પુનરાવર્તન કર્યું છે. તેમણે કહ્યું હતું કે આ 1971માં પાકિસ્તાનના ભાગલાનો બદલો હતો. કસુરીએ કહ્યું, જ્યારે હું ચાર વર્ષનો હતો ત્યારે પાકિસ્તાન બે ભાગમાં વહેંચાઈ ગયું હતું. હવે 10 મેના રોજ, અમે 1971નો બદલો લીધો છે. તેમણે ગયા વર્ષે 5 ઓગસ્ટના રોજ બાંગ્લાદેશમાં થયેલા વિરોધ પ્રદર્શનોનો ઉલ્લેખ કર્યો હતો, જેના પછી શેખ હસીનાને સત્તા છોડી દેવી પડી હતી.

ઘણા મોટા ખુલાસા કર્યા?
કસુરીએ એ પણ ખુલાસો કર્યો કે મુરિદકેમાં ભારતીય વાયુસેના દ્વારા કરવામાં આવેલા હવાઈ હુમલામાં તેનો એક સાથી મુદસ્સર માર્યો ગયો હતો. આ મુરિદકે જમાત-ઉદ-દાવા અને લશ્કર-એ-તૈયબાનું મુખ્ય મથક છે. તેણે કહ્યું કે તેને મુદસ્સરના અંતિમ સંસ્કારમાં હાજરી આપવા દેવામાં આવી ન હતી, જેનાથી તેને ખૂબ દુઃખ થયું. આશ્ચર્યજનક વાત એ હતી કે પાકિસ્તાની સેના, પોલીસ અને વહીવટના ઘણા વરિષ્ઠ અધિકારીઓ પણ આ અંતિમ સંસ્કારમાં હાજર હતા.

એટલું જ નહીં, કસુરીએ દાવો કર્યો હતો કે ભારતમાં પહેલગામ આતંકવાદી હુમલા સમયે તે તેના મતવિસ્તારમાં લોકોને મળી રહ્યો હતો, પરંતુ ભારતીય એજન્સીઓએ તેને માસ્ટરમાઇન્ડ જાહેર કર્યો હતો. તેણે કહ્યું, હવે મારું શહેર કસૂર આખી દુનિયામાં પ્રખ્યાત થઈ ગયું છે. અમે આગામી પેઢીને જેહાદ માટે તૈયાર કરી રહ્યા છીએ.