ભારતનું સમર્થન કરવું આ પાકિસ્તાની પત્રકારને પડ્યું મોંઘુ : શહબાઝ સરકારે અપનાવ્યું કડક વલણ

જાણીતા પાકિસ્તાની પત્રકાર આરઝૂ કાઝમીએ દાવો કર્યો છે કે ફેડરલ ઇન્વેસ્ટિગેશન એજન્સીએ તેમનું બેંક એકાઉન્ટ, પાસપોર્ટ અને આઇડી કાર્ડ બ્લોક કરી દીધા છે. તેમણે દાવો કર્યો છે કે તે પૈસા ઉપાડવા ગઈ હતી પરંતુ તેને જાણવા મળ્યું કે તેનું એકાઉન્ટ અને તમામ દસ્તાવેજો બ્લોક કરી દેવામાં આવ્યા છે. તેને એક નંબર આપવામાં આવ્યો અને કહ્યું કે તે FIAનો નંબર છે.

તેમણે વધુમાં કહ્યું કે જ્યારે પણ તે તે નંબર પર કોલ કરે છે, તે નંબર સ્વિચ ઓફ થઈ જતો હતો. આનાથી શંકા વધુ ઘેરી બને છે કે આ એક યોજનાના ભાગરૂપે લેવાયેલી કાર્યવાહી છે.

આરઝૂ કાઝમીએ X પર 3.5 મિનિટનો વિડિયો શેર કર્યો હતો જેમાં તેની સામે કરવામાં આવી રહેલા સરકારી અત્યાચારો જણાવવામાં આવ્યા છે. તેણે કહ્યું કે મને કહેવામાં આવ્યું છે કે હું ક્યાંય જઈ શકતી નથી. મને ધરપકડની ધમકી આપવામાં આવી રહી છે. તેમણે એ પણ સ્પષ્ટ કર્યું કે જો કોઈ પાકિસ્તાનમાં ઈમાનદાર પત્રકારત્વ કરે છે તો તે એક બહાદુરીભર્યું પગલું છે. આ પ્રકારના પત્રકારત્વ માટે ચૂકવણી કરવાની કિંમત છે.

આ આરોપ પછી ઘણા પત્રકારો, માનવાધિકાર કાર્યકર્તાઓ અને સામાન્ય નાગરિકોએ સોશિયલ મીડિયા પર તેમના સમર્થનમાં આવવા લાગ્યા. વરિષ્ઠ પાકિસ્તાની પત્રકાર આઝાદ સઈદે આરઝૂ કાઝમીના સમર્થનમાં ટ્વિટ કર્યું હતું, જેમાં તેમણે લખ્યું હતું કે પત્રકારો, સંગઠનો, માનવાધિકાર કાર્યકર્તાઓ અને કાયદા અમલીકરણકર્તાઓએ PECAના કાળા કાયદા સામે અવાજ ઉઠાવવો જોઈએ.

આરઝૂ કાઝમી ભારતમાં લોકપ્રિય છે

આરઝુ કાઝમીને ભારતમાં પણ વ્યાપક સમર્થન મળે છે. તે ઘણીવાર ભારતની નીતિઓના વખાણ કરે છે. તે બંને દેશો વચ્ચે સકારાત્મક વાતચીતના પક્ષમાં છે. આ કારણે તે પાકિસ્તાનના શાસક પક્ષના નિશાના પર રહે છે. તેમના નીડર અને નિષ્પક્ષ પત્રકારત્વના કારણે તેમને એક આગવી ઓળખ આપી છે. તાજેતરમાં, આરઝુનું એક જૂનું ટ્વિટ વાયરલ થયું હતું જેમાં તેણે કહ્યું હતું કે મારા દાદા અને તેમનો પરિવાર સારા ભવિષ્ય માટે પ્રયાગરાજ અને દિલ્હીથી પાકિસ્તાન ગયા છે. દાદાએ વાટ લગાવી દિધી. આ ટ્વિટથી ભારતમાં તેમની લોકપ્રિયતામાં વધારો થયો છે. તે આજે ઈસ્લામાબાદમાં રહે છે અને પહેલા પણ તેમને પાકિસ્તાની સેના દ્વારા નિશાન બનાવવામાં આવી છે.