Nothing : ટેકનોલોજીની દુનિયામાં પોતાની અનોખી ડિઝાઇન અને પ્રીમિયમ લુક માટે જાણીતી બ્રાન્ડ Nothing હવે ભારતીય માર્કેટમાં એક મોટો ધમાકો કરવા જઈ રહી છે. કંપની તેના પોર્ટફોલિયોનો વિસ્તાર કરીને એક નવો બજેટ ફ્રેન્ડલી સ્માર્ટફોન લોન્ચ કરવાની પૂરી તૈયારી કરી ચૂકી છે. આ ફોનને લઈને સોશિયલ મીડિયા અને ટેક જગતમાં ભારે ઉત્સાહ જોવા મળી રહ્યો છે. કંપનીએ હાલમાં જ તેની નવી (b) સિરીઝનું સત્તાવાર ટીઝર રિલીઝ કર્યું હતું, જેના પછી સ્પષ્ટ થઈ ગયું છે કે Nothing Phone 4b ટૂંક જ સમયમાં ભારતીય સ્માર્ટફોન માર્કેટમાં સત્તાવાર રીતે એન્ટ્રી કરશે. લોન્ચ પહેલા જ આ ફોન વિશે ઇન્ટરનેટ પર રોજ નવા અપડેટ્સ સામે આવી રહ્યા છે અને યુઝર્સ તેની આતુરતાથી રાહ જોઈ રહ્યા છે.
લોન્ચિંગ તારીખ અને ફ્લિપકાર્ટ પર ઉપલબ્ધતા
Nothingના ચાહકો માટે સૌથી મોટા અને ખુશીના સમાચાર એ છે કે, કંપનીએ આ ફોનની લોન્ચિંગ ડેટ સત્તાવાર રીતે જાહેર કરી દીધી છે. Nothing Phone 4b ભારતમાં 7 જુલાઈના રોજ ધામધૂમથી લોન્ચ કરવામાં આવશે. આ સાથે જ કંપનીએ એ વાતનો પણ ખુલાસો કર્યો છે કે, ભારતીય ગ્રાહકો આ ફોનને લોકપ્રિય ઈ-કોમર્સ પ્લેટફોર્મ Flipkartના માધ્યમથી સરળતાથી ઓનલાઇન ખરીદી શકશે. સત્તાવાર લોન્ચિંગ પહેલા આ સ્માર્ટફોનને ટેસ્ટિંગ દરમિયાન પણ જોવામાં આવ્યો હતો, જ્યાંથી આ ફોનના ઇન્ટરનલ સ્પેસિફિકેશન્સ અને હાર્ડવેર વિશેની ઘણી બધી મહત્વની વિગતો લીક થઈ ગઈ છે જે ફોનના પાવરફુલ હોવાનો સંકેત આપે છે.
આ પણ ખાસ વાંચો : Samsung Galaxy M47 5G ટૂંક સમયમાં થશે લોન્ચ : એન્ડ્રોઇડ 16 અને AI ફીચર્સ સાથે 6 વર્ષ સુધી મળશે અપડેટ્સ
દમદાર પ્રોસેસર અને હાઇ-સ્પીડ રેમ પરફોર્મન્સ
કોઈપણ સ્માર્ટફોનનું પરફોર્મન્સ તેના પ્રોસેસર અને રેમ પર આધારિત હોય છે, અને Nothingએ આ બજેટ ફોનમાં પણ પરફોર્મન્સ બાબતે કોઈ મોટો બાંધછોડ કર્યો નથી. રિપોર્ટ્સ અનુસાર, Nothing Phone 4bમાં ગ્રાહકોને સ્પીડ અને હેવી મલ્ટીટાસ્કિંગ માટે પાવરફુલ 8GB RAMનો સપોર્ટ મળવાનો છે. આ ફોન અત્યંત પાવરફૂલ Snapdragon 6 Gen 4 ચિપસેટ પ્રોસેસરથી સજ્જ હશે. આ હેવી પ્રોસેસરના કારણે ફોનમાં રોજિંદા કાર્યો સિવાય ગેમિંગ અને હેવી એપ્સ ચલાવવામાં કોઈ લેગ કે તકલીફ નહીં પડે. આ સિવાય ફોનમાં ગ્રાફિક્સની ગુણવત્તાને બહેતર બનાવવા માટે Adreno 810 GPU પણ આપવામાં આવ્યું છે, જે વીડિયો એડિટિંગ અને હાઇ-ગ્રાફિક્સ ગેમ્સ રમતી વખતે યૂઝર્સને એકદમ સ્મૂધ અને શાનદાર એક્સપિરિયન્સ આપશે.
ટેસ્ટિંગ અને લેટેસ્ટ ઓપરેટિંગ સિસ્ટમ
જો આપણે આ ફોનની ટેકનિકલ વિગતો પર ઊંડાણપૂર્વક નજર કરીએ તો, આ ચિપસેટના મુખ્ય પરફોર્મન્સ કોર 2.30GHzની હાઇ-સ્પીડ પર ક્લોક્ડ છે, જ્યારે બાકીના સપોર્ટિંગ કોર 1.80GHzની સ્પીડ પર ક્લોક્ડ કરવામાં આવ્યા છે. સિંગલ-કોર ટેસ્ટિંગ દરમિયાન આ સ્માર્ટફોને 1088 પોઇન્ટ્સનો શાનદાર સ્કોર મેળવ્યો છે, જ્યારે તેના મલ્ટીકોર ટેસ્ટમાં આ ફોનને 3155 પોઇન્ટ્સનો મોટો સ્કોર મળ્યો છે. આ સ્કોર સાબિત કરે છે કે, બજેટ સેગમેન્ટમાં આ ફોન ખૂબ જ ઝડપી અને ભરોસાપાત્ર પરફોર્મન્સ આપશે. આ ઉપરાંત, સોફ્ટવેરની બાબતમાં પણ આ ફોન ઘણો આગળ છે, કારણ કે તે આઉટ ઓફ ધ બોક્સ લેટેસ્ટ Android 16 ઓપરેટિંગ સિસ્ટમ (OS) પર ચાલશે, જેનાથી યૂઝર્સને એકદમ નવો યુઝર ઇન્ટરફેસ અને શાનદાર સિક્યોરિટી અપડેટ્સ મળશે.
આ પણ ખાસ વાંચો : લક્ઝરી કાર ડિઝાઇનર કંપનીએ તૈયાર કર્યો આ પ્રીમિયમ સ્માર્ટફોન : Infinix Note 60 Pro Pininfarina Editionમાં મળશે કાર્બન ફાઇબર ડિઝાઇન
સિંગલ કેમેરા સેટઅપ અને અંદાજિત બજેટ કિંમત
Nothing Phone 4bને બજારમાં પહેલેથી જ ઉપલબ્ધ Nothing Phone 4aના એક સસ્તા અને એફોર્ડેબલ ઓપ્શન તરીકે રજૂ કરવામાં આવી રહ્યો છે, જેથી સામાન્ય બજેટ વાળા લોકો પણ Nothing બ્રાન્ડનો એક્સપિરિયન્સ લઈ શકે. ફોનની કિંમત નિયંત્રણમાં રાખવા માટે કંપનીએ આ ફોનના રિયર એટલે કે પાછળના ભાગમાં સિંગલ કેમેરા સેટઅપ આપવાનો નિર્ણય કર્યો હોવાનું ચર્ચાઈ રહ્યું છે. આ મોટો ફેરફાર હોવા છતાં Nothingના સોફ્ટવેર ઓપ્ટિમાઈઝેશનને કારણે કેમેરા ક્વોલિટી દમદાર હોવાની આશા છે. કિંમતની વાત કરીએ તો, એવી પ્રબળ અટકળો છે કે ભારતમાં આ ફોનની શરૂઆતી કિંમત 25,000 રૂપિયાની આસપાસ હોઈ શકે છે. આ આક્રમક કિંમતના કારણે આ ડિવાઇસ કંપનીનો અત્યાર સુધીનો સૌથી સસ્તો Nothing સ્માર્ટફોન બની શકે છે, જે મિડ-રેન્જ બજેટ ધરાવતા યુવાનો માટે બેસ્ટ ઓપ્શન સાબિત થશે.
