ગ્રાહકોને હવે ઘણા સારા વિકલ્પ મળશે! : નિસાનની પહેલી CNG કાર ટાટા પંચને આપશે ટક્કર, આવતા મહિને થશે લોન્ચ

મારુતિ સુઝુકી અને ટાટા પછી હવે નિસાન ઈન્ડિયા પણ ભારતમાં તેની પ્રથમ CNG કોમ્પેક્ટ SUV લોન્ચ કરવા માટે તૈયાર છે. નવા મોડલના આવવાથી ગ્રાહકોને ઘણા સારા વિકલ્પો પણ મળશે. માત્ર નિસાન જ નહીં, અન્ય ઘણી કંપનીઓ પણ CNG સેગમેન્ટમાં પ્રવેશવાની તૈયારી કરી રહી છે. હવે આગામી મહિના (એપ્રિલ)માં નવું મેગ્નાઈટ સીએનજી લોન્ચ થવા જઈ રહ્યું છે. ટેસ્ટિંગ દરમિયાન આ વાહન ઘણી વખત જોવામાં આવ્યું છે. ભારતમાં તે ટાટા પંચ સાથે સ્પર્ધા કરશે.

કિંમત અને વેરિયન્ટ
નિસાન મેગ્નાઈટમાં CNG કીટ ડીલર-લેવલ એસેસરી કીટ તરીકે નિશ્ચિત કરવામાં આવી છે. CNG કિટ પર 1 વર્ષની ડીલર વોરંટી પણ આપવામાં આવશે. પરંતુ સમાચાર એવા પણ આવી રહ્યા છે કે CNG કિટની કિંમત 75,000થી 79,500 રૂપિયા સુધીની હોઈ શકે છે. કંપનીના મતે CNG મોડલ સાથે કંપનીનો માર્કેટ શેર વધશે.

મેગ્નાઈટના 1.0-લિટર પેટ્રોલ એન્જિનમાં જ CNG કિટ ઈન્સ્ટોલ કરવામાં આવશે, આ એન્જિન 5 મેન્યુઅલ ગિયરબોક્સ સાથે હશે. મેગ્નાઈટના CNG વર્ઝનને 22/Kg સુધીની માઈલેજ મળવાની અપેક્ષા છે. જો કે, CNG કિટ સાથે પાવર અને ટોર્ક આઉટપુટ સહિત અન્ય સ્પષ્ટીકરણોની વિગતો હજુ સુધી જાહેર કરવામાં આવી નથી. મેગ્નાઈટના CNG વર્ઝનને 22Km/Kg સુધીની માઈલેજ મળવાની અપેક્ષા છે. જો કે, CNG કિટ સાથે પાવર અને ટોર્ક આઉટપુટ સહિત અન્ય સ્પષ્ટીકરણોની વિગતો હજુ સુધી જાહેર કરવામાં આવી નથી.

સુરક્ષા માટે આ મેગ્નાઈટમાં 6 એરબેગ્સ, હાઈ સ્પીડ એલર્ટ સિસ્ટમ, ચાઈલ્ડ સીટ માઉન્ટ, ઈમરજન્સી સ્ટોપ સિગ્નલ, EBD સાથે એન્ટી લોક બ્રેકિંગ સિસ્ટમ, ટ્રેક્શન કંટ્રોલ, હિલ સ્ટાર્ટ આસિસ્ટ, વ્હીકલ ડાયનેમિક કંટ્રોલ અને હાઈડ્રોલિક બ્રેક આસિસ્ટ જેવી સુવિધાઓ છે.

Tata Punch CNG સાથે રૂબરૂ થશે
ટાટા પંચ પાસે CNGમાં 1.2-લિટર નેચરલી રીતે એસ્પિરેટેડ પેટ્રોલ એન્જિન છે જે 72.49 bhp અને 103 Nm ટોર્ક આપે છે. તેને 5-સ્પીડ મેન્યુઅલ ટ્રાન્સમિશન સાથે જોડવામાં આવ્યું છે. ટાટા પંચ CNG ટ્વીન-સિલિન્ડર ટેક્નોલોજી સાથે આવે છે. તેમાં 210-લીટરની બૂટ સ્પેસ છે, જે સારી જગ્યા કહેવાય છે. આ મોડલ 26.99 km/kg ની માઈલેજ આપે છે.