કોણ છે નિમિષા પ્રિયા ? : જેને 16 જુલાઈએ યમનમાં ફાંસી આપવામાં આવશે

Who is Nimisha Priya: ભારતીય નાગરિક નિમિષા પ્રિયાને 16 જુલાઈએ યમનમાં ફાંસી આપવામાં આવશે. યમન સરકારે આ માટે તૈયારીઓ શરૂ કરી દીધી છે. એવું કહેવામાં આવી રહ્યું છે કે નિમિષાનો જીવ હજુ પણ બચાવી શકાય છે. ભારત સરકારે આ મામલે હસ્તક્ષેપ કરવો પડશે. હાલમાં, નિમિષાની માતા તેની પુત્રીને બચાવવા માટે છેલ્લા એક વર્ષથી યમનમાં કેમ્પ કરી રહી છે.

નિમિષા પર 2017 માં હત્યાનો આરોપ મૂકવામાં આવ્યો હતો

નિમિષા છેલ્લા ઘણા વર્ષોથી યમનમાં રહીને ક્લિનિક ચલાવતી હતી. 2017 માં, નિમિષા પર તેના બિઝનેસ પાર્ટનર તલાલ અબ્દો મેહદીની હત્યા કરવાનો આરોપ મૂકવામાં આવ્યો હતો, ત્યારબાદ ત્યાંની પોલીસે તેની ધરપકડ કરી હતી. કહેવાય છે કે ઘણા વર્ષો સુધી ટ્રાયલ ચાલ્યા પછી, તેના પર આરોપો સાબિત થયા. આ પછી, યમનના કાયદા મુજબ, કોર્ટે તેને મૃત્યુદંડની સજા ફટકારી છે. નિમિષાને 16 જુલાઈએ ફાંસી આપવામાં આવશે. જેની તૈયારીઓ શરૂ કરવામાં આવી છે.

નિમિષા પ્રિયા કોણ છે?

ખરેખર, નિમિષા પ્રિયા મૂળ ભારતના કેરળ રાજ્યના કોચ્ચી જિલ્લાની છે. તેની માતા પ્રેમા કુમાર કોચીમાં નોકરાણી તરીકે કામ કરતી હતી. નિમિષા 2008 માં 19 વર્ષની ઉંમરે યમન ગઈ હતી. ત્રણ વર્ષ પછી, નિમિષા પાછી આવી અને ઓટો ડ્રાઇવર ટોમી થોમસ સાથે લગ્ન કર્યા. આ પછી, થોમસ પણ નિમિષા સાથે યમન ગયો. દરમિયાન, નિમિષા એક પુત્રીની માતા બની. તેની પુત્રી 13 વર્ષની છે.

તલાલ અબ્દો મહેદી સ્થાનિક ભાગીદાર 

એવું કહેવાય છે કે તલાલ અબ્દો મહેદી અને નિમિષાએ ભાગીદારીમાં ક્લિનિક ખોલ્યું હતું. બાદમાં, પરિસ્થિતિ ખરાબ થઈ ગઈ. યમનમાં કાયદો એ છે કે વ્યવસાય માટે સ્થાનિક ભાગીદાર હોવો જરૂરી છે. દરમિયાન, 2017 માં, નિમિષા પર તલાલની હત્યાનો આરોપ મૂકવામાં આવ્યો હતો અને તેની ધરપકડ કરવામાં આવી હતી. નિમિષા પ્રિયાએ આરોપ લગાવ્યો છે કે તેના બિઝનેસ પાર્ટનર તલાલ અબ્દો મેહદીએ તેનું જીવન નર્ક બનાવી દીધું હતું. તલાલે પહેલા નિમિષાને મદદ કરવાનું વચન આપ્યું અને પછી તેના દસ્તાવેજો સાથે છેડછાડ કરીને તેને પોતાની પત્ની તરીકે બતાવી. નિમિષાનો આરોપ છે કે તલાલે તેનું આર્થિક શોષણ કર્યું. આ ત્રાસથી કંટાળીને નિમિષાએ તલાલને એનેસ્થેસિયા આપ્યું, પરંતુ ઓવરડોઝને કારણે તેનું મૃત્યુ થયું.

રાષ્ટ્રપતિએ પણ મૃત્યુદંડને મંજૂરી આપી

આ કેસમાં, યમનની ટ્રાયલ કોર્ટે નિમિષા પ્રિયાને મૃત્યુદંડની સજા ફટકારી હતી. આ પછી, સુપ્રીમ કોર્ટે પણ સજાને સમર્થન આપ્યું. નિમિષાના વકીલે મૃત્યુદંડ માટે રાષ્ટ્રપતિ માફી અરજી કરી હતી. રાષ્ટ્રપતિ રશાદ-અલ-અલીમીએ તેને ફગાવી દીધી અને મૃત્યુદંડની સજાને સમર્થન આપ્યું. આ આદેશ આ વર્ષે જાન્યુઆરીમાં આપવામાં આવ્યો હતો.